పుట:ఆనందరంగరాట్ఛందము (కస్తూరి రంగయ).pdf/138

⁠

రవిలసితంబును, జారుమతియును, భుజంగవిజృంభితయు, మంగళమహాశ్రీయు నను నీ మొదలుగాఁగల వృత్తంబు లపారంబు లై విస్తరిల్లుటంజేసి తదీయలక్షణంబులు వివరించెద. నానందరంగేంద్ర! విన నవధరింపుము మొదలియుక్తాచ్ఛందంబున నొకయక్షరంబు పాదంబుగా రెండువృత్తంబులు పుట్టె. నందు

⁠ 96

శ్రీయనువృత్తము (భీమనచ్ఛందమున) —

⁠

"శ్రీ శ్రీఁ జే యున్"

⁠ 97

వ.⁠

రెండవయత్యుక్తాచ్ఛందమున రెండక్షరములు పాదములఁ గలనాలుగుసమవృత్తం బులు పుట్టె. అందు

⁠

శ్రీ పెంపు అనువృత్తము (భీమనచ్ఛందమున) —

⁠

"శ్రీపెం పొప్పున్ ప్రాపుం దాపున్”

⁠ 98

వ.⁠

మూఁడవమధ్యాచ్ఛందంబున మూఁడక్షరములు పాదములఁ గలసమవృత్తము లెని మిది పుట్టె. నందు నాలవ దగు

⁠

వినయ మనువృత్తము (భీమనచ్ఛందమున) —

⁠

"వినయం బునయం జ్ఞునకున్.”

⁠ 99

వ.⁠

నాల్గవ ప్రతిష్ఠాచ్ఛందంబువ నాల్గక్షరములు పాదములఁ గలసమవృత్తములు పదు నాఱు పుట్టె. నం దేడవ దగు

⁠

బింబ యనువృత్తము (భీమనచ్ఛందమున) —

⁠

"పంబి భకా రంబు గళా రం బనఁగా బింబ మగున్.”

⁠ 100