పుట:ఆనందరంగరాట్ఛందము (కస్తూరి రంగయ).pdf/11

క.⁠

నెరయోధ తదీయకళా, ధరునకుఁ గౌముదికి గర్భదారకుఁ డనఁగా వరపుత్త్రుఁ డొకఁడు పుట్టెను, గరికలభముఠీవి బలవికాసప్రౌఢిన్.

⁠ 38

వ.⁠

అతఁడు దినది ప్రవర్ధమానుండై నిఖిలవిద్యానిధానుండై వదాన్యగుణవిభాస మానుండై యయననగరము పాలించుచుండెఁ దదీయుకీర్తి నిఖిలదేశంబుల నిండి మెండుకొనినం జూచి కుముదుండు మొదలుగాఁ గలకవిదిగ్గజంబు లెనమండ్రు గోలకొండనుండి వెలువడి యాగర్భదారకనృపాలుని రాజధాని యైన యయన పురంబుఁ జేరి నగరివాకిట వచ్చునెడ నందు వడ్లకణజంబు ముందఱఁ జిందియున్న ధాన్యం బేర్పఱించు నేర్పరియే గర్భదారకుం డని యచ్చటివారలచే నెఱింగి యిట్టి వాఁడు మన కేమి త్యాగ మీయఁబోయెడి నెందుకు వచ్చితిమని మంతనంబునం గొంతచింతించి యంతలో నిసుమంఠ దిటవు దెచ్చుకొని యతనిచెంతం జేరి యాశీర్వ దించిన రాజన్యమూర్ధన్యండు వారియంతరంగం బెఱింగి చిఱునవ్వు నవ్వుచు యవ్విద్వన్నికరంబును దనయంతఃపురంబునకుం దోడ్కొని పోయి రంగులరారు బంగారుపళ్ళెంబులఁ జిరత్నంబు లగునవరత్నంబు లుంచి వేఱువేఱ వడ్డించి భుజి యింపుఁ డని యుపచరించిన నయ్యర్థు లతని సమర్థతకు హెచ్చుగా మెచ్చినంజూచి యనంతరంబ పడ్రసోపేతంబుగా భోజనంబుఁ జేయించి వలయుధనకనకవస్తు వాహనభూషణాంబరంబులు బహుమతు లొసంగి యెసంగినప్రేమను వీడ్కొలి పిన వార లుప్పొంగి.

⁠ 39

సీ.⁠

శిబినృపాలుఁడు ఘనశ్రీమంతుఁడై నుండి తూఁచియిచ్చినయట్టికోఁచఁదనము వైరోచనుఁడు చక్రవర్తియై యుండియుఁ గొలిచి యిచ్చినయట్టిపలుచఁదనము పుడమిలో ధారాధరుఁడు ఘనుఁడై యుండి మొలులు నెట్టటుయిచ్చుములుచఁదనము నెరదాత యనుపేరఁ బరఁగి రాధేయండు బదులుకు బదులిచ్చుపరుసుఁదనము

⁠

తే.⁠

సారె నిందించి నీకీర్తి సన్నుతించు, వారికిని వారి .... యవ్వారిగాను ధన మొసంగెడుదాతలదాత వీవె, ప్రకటగుణశీల గర్భదారకనృపాల!

⁠ 40

చ.⁠

ఇఁక నిటువంటిదాత గలఁడే త్రిజగంబులలోన నెన్నఁగా సకలగుణాభిరామ యని సారెకు సన్నుతిఁజేసి గోలకొం డకుఁ జని గర్భదారకుగుణాతిశయంబుల నెల్ల మేలు త ప్పక మకరాంకభూపతికిఁ బల్కిన నాతఁడు సంతసింపుచున్.

⁠ 41

తే.⁠

గర్భదారకుఁ బిలిపించి గారవించి, ఛత్రపతి యనుపేరును వేత్రపురము కోటిరాజ్యంబు రథరథ్యకుంజరములు, సన్నుతు లొసంగి పనుప నుత్సాహలీల.

⁠ 42

ఉ.⁠

వేత్రపురంబుఁ జేరి కడువేడుక మీఱఁగ దానధర్మముల్ పాత్ర మెఱింగి సేయుచు నపారయశంబును గాంచి యెంతయుం

⁠