111. మహిళల భద్రత కొరకు సత్వరం ప్రతి స్పందించడానికి ఫిబ్రవరి 2020 లో మా ప్రభుత్వం ప్రారంభించిన దిశా యాప్ 1.36 కోట్ల కంటే ఎక్కువ సార్లు డౌన్లోడ్ చేయబడింది. అంతేకాకుండా అత్యవసర పరిస్థితులలో మహిళలు మరియు పిల్లలను రక్షించడానికి ప్రతిస్పందన సమయాన్ని తగ్గించడానికి 163 గస్తీ వాహనాలను ఏర్పాటుచేసినారు.
112. మన ప్రభుత్వం ప్రతిష్టాత్మకమైన 'గడప గడపకు మన ప్రభుత్వం' కార్యక్రమం నిర్వహిస్తున్న సమయంలో, పౌరులకు అవసరమైన విధంగా మౌలిక సదుపాయాలు మరియు ప్రాథమిక సౌకర్యాలకు సంబంధించిన వివిధ సమస్యలను గౌరవ శాసన సభ్యులకు మరియు ప్రజా ప్రతినిధులకు తెలియజేయడం ద్వారా మా ప్రభుత్వం దృష్టికి వచ్చాయి. ఎక్కువ ప్రభావాన్ని చూపే మౌలిక సదుపాయాలకు మరియు నిర్వహణ పనులను మంజూరు చేయడానికి మరియు అమలు చేయడానికి ప్రభుత్వం జిల్లా కలెక్టర్లను అనుమతించింది. 2023-24 ఆర్థిక సంవత్సరానికి గాను గడప గడపకు మన ప్రభుత్వం కార్యక్రమం కోసం 532 కోట్ల రూపాయల కేటాయింపును ప్రతిపాదిస్తున్నాను.
113. సుస్థిర అభివృద్ధి లక్ష్యాల పురోగతిని గమనించడానికి మా ప్రభుత్వం 475 సూచికలతో కూడిన రాష్ట్ర ముందస్తు పని సూచిక ను అభివృద్ధి చేసింది. నవరత్నాలు సహా అన్ని కేంద్ర మరియు రాష్ట్ర ప్రభుత్వ పథకాలు ఉద్దేశించిన ఫలితాల ఆధారంగా 17 సుస్థిర అభివృద్ధి లక్ష్యాలతో అనుసంధానం చేయబడ్డాయి. ఇలా చేయడం ద్వారా, గ్రామ మరియు వార్డు సచివాలయల స్థాయి వరకు సుస్థిర అభివృద్ధి లక్ష్యాలను మా ప్రభుత్వం అమలు చేస్తోంది. అన్ని సుస్థిర అభివృద్ధి లక్ష్యాల సమర్థవంతమైన అమలు మరియు పర్యవేక్షణ కోసం ప్రక్రియలు మరియు ప్రామాణిక నిర్వహణ విధానాలను డాక్యుమెంట్ చేసిన కొన్ని రాష్ట్రాలలో మన రాష్ట్రం కూడా ఒకటి.
37
