పుట:ఆంధ్రకామందకము (జక్కరాజు వేంకటకవి).pdf/32

విద్యావృద్ధసంయోగము

క.⁠

ధర సుజనసమ్మతంబగు చరితంబున ధర్మ మర్థసంగతినిన్ స ద్గురు నాశ్రయించి విద్యల నిరవుగఁ బతి చదువఁ దగు జితేంద్రియుఁ డగుచున్.

⁠ 53

ఉ.⁠

విద్యలు చెందగా వలసి వేడుకతో గురు నాశ్రయించుటన్ విద్యలు చెందు టెల్ల సరవిన్ వినయంబును బెంచుఁ బూన్కిమై విద్యలఁ జెంది సద్వినయవృత్తిఁ జరించుట యల్ల పూభా వోద్యతలీల నాపదల నొందక వర్థిలు నందుకై ధరన్.

⁠ 54

క.⁠

జనపతి యీగతిఁ బెద్దలఁ గని మని సేవింప సుజనగణసమ్మతుఁడై దనరుం గుజనులు ప్రేరే చినయెడ నేకార్యములను జెందక యుండున్.

⁠ 55

క.⁠

సతతంబుఁ గళలఁ జెందిన క్షితిపతి యభివృద్ధిఁ జెంది చెలఁగుచు నుండున్ సతతంబుఁ గళలఁ జెందుచు సితపక్షమునందుఁ జెలఁగు సితకరుమాడ్కిన్.

⁠ 56

వ.⁠

అట్లు గావున.

⁠ 57

క.⁠

గురుఁ గొలువ వలయు విద్యా గరిమను గులగురువువల్లఁ గలిగినవిద్యల్ ధర ధనము నయము దానం బరమతములు దెలియు నందు ఫలసిద్ధి యగున్.

⁠ 58

చ.⁠

జగమునకంటె వేఱె యయి చాల స్వభావముచేత నుద్ధతిన్ దగు ధరణీపతిత్వము సదా వినయంబునఁ గూడఁ జేయఁగా

⁠