పుట:ఆంధ్రకామందకము (జక్కరాజు వేంకటకవి).pdf/216

క.⁠

సుర లసురులు మును సామ స్ఫురణన్ శరనిధి మథించి శుభ మొంది రిలన్ ద్వరితమున సామ మొల్లక కురురాజకుమారు లవనిఁ గూలరె జడులై.

⁠ 116

వ.⁠

సామసాధ్యులకు.

⁠ 117

సీ.⁠

ఆలసుని శౌర్యము దలఁగినవానిని             గడునుపాయంబులు చెడినవాని క్షయముచే వ్యయముచేఁ బయనంబుచేతఁ దా             నెందు సంతాపంబుఁ జెందువాని బవరంబులోపలఁ బాఱిపోయినవాని             మూర్ఖుని భయమున మునుఁగువానిఁ బడుచువానిని ధర్మపరుఁడైనవానిని             నతివలయందు ముందైనవాని

⁠

గీ.⁠

చెడుగువానిని నేస్తంబుచేయువాని మంచిమతిగల్గువాని సాధించవలయు మంచిమాటలచేత లాలించి యెల్ల వారిఁ దనవారిగాఁ జేయవలయుఁ బతికి.

⁠ 118

క.⁠

పలుతెఱఁగుల కార్యములకు నిలలో సాధకములైన యిట్టియుపాయ మ్ములలో సామమె వేళలు దెలియుచు నొనరింపవలయు ధీమంతులకున్.

⁠ 119

వ.⁠

దాన ప్రకరణము.

⁠ 120