పుట:ఆంధ్రకామందకము (జక్కరాజు వేంకటకవి).pdf/217

సీ.⁠

అధికంబు మధ్యమం బల్పంబుగా ధన             మిచ్చినట్లనె మళ్ళ నిచ్చుటయును దనసొమ్ములెవ్వియుఁ దా నియ్యకయె మున్నె             కైకొన్న సమ్మతిఁ గని యలరుట యరుదులై మించినయట్టి పదార్థంబు             లింపు మీఱంగఁ దా నిచ్చుటయును దా నప్పు లిచ్చిన ధనములు దక్కుగా             నప్పణబెట్టి తా నప్పగించు

⁠

గీ.⁠

టన్యులధనంబుఁ గైకొన నడరెనేని యందులకు సమ్మతించి సహాయుఁ డగుట లిట్టు లైదువిధంబుల నెనయుదాన రీతు లెఱుఁగంగవలయును నృపవరుండు.

⁠ 121

క.⁠

భూనాథుఁడు లోభముగల వానిన్ మఱి పేదయైనవాని నెఱుఁగుచున్ దానోపాయముచేతనె తా నెంతయు వశులఁ జేయఁ దగు నెచ్చోటన్.

⁠ 122

క.⁠

దానవగురుఁ డింద్రునిచే దానంబున శాంతిఁ జెందె ధర నటుగానన్ దానముననె కలహంబులు మానుపఁగావలయు బుద్ధిమంతుల కెల్లన్.

⁠ 123

క.⁠

తనయాడుబిడ్డకును ద ప్పొనరించినఁ జూచి కోప మొదవినశుక్రున్ మును వృషపర్వుఁడు దానం బున మాన్చెం గాన నదియె ముఖ్యం బెందున్.

⁠ 124