పుట:ఆంధ్రకామందకము (జక్కరాజు వేంకటకవి).pdf/166

సీ.⁠

అరిఁగోర్ల నెపుడు న్యాయంబుగాఁ గొనుటయు              నెఱిఁగి న్యాయంబుగా నిచ్చుటయును దనప్రధానజనంబు ఘనముగాఁ బ్రోచుట              విడువగాఁ దగువారి విడుచుటయును వైరంబు లడగించి వర్తించుటయు బంట్ల              తోడి విరుద్ధంబుఁ ద్రోయు టెందు నెఱుఁగకుండిన యర్థ మెఱుఁగఁగా నేర్చుట              యెఱిఁగి యర్థము నిశ్చయించుటయును

⁠

గీ.⁠

సకలకార్యంబులందును జతురుఁ డగుచుఁ బూనిసేయుచు నుండుట, బూనినట్టి పనులఁ గడవెళ్ళగాఁ జేసి పరగుటయును రాజు చరియించుచర్య ధరాతలమున.

⁠ 26

సీ.⁠

నీతి మించఁగఁ జెందనిది చెందఁగోరుట              చెందిన దభివృద్ధి చేసికొనుట యభివృద్ధి చెందినయర్థంబు శాస్త్రోక్త              మగురీతి సత్పాత్రమందు నిడుట మఱియు నధర్మముల్ మాన్చుట యనునీతి              విడువ కెవ్వేళల నడచు టెందు నుపకారయోగ్యులై యుండెడువారికి              నుపకారములు సేయుచుండుటయును

⁠

గీ.⁠

ధర్మ మెప్పుడు ధనముగా దాఁచికొనుట యెంచఁదగుఁ గీర్తి మించి వర్తించుటయును దైవమును బ్రాపు దాపుగాఁ దలఁచికొనుట రాజు చరియించుచర్య ధరాతలమున.

⁠ 27