పుట:ఆంధ్రకామందకము (జక్కరాజు వేంకటకవి).pdf/165

సీ.⁠

మధ్యమోదాసీనమానవేశుల మార్గ              మరసి వారల సంధియందుటయును వచ్చువారిని బోవువారి నెఱుంగుట              హితులఁ గూర్చుట వైరితతి నడఁచుట యాండ్రబిడ్డల లెస్స యరసి రక్షించుట              నలుదిక్కులకును దూతలఁ బనుచుట తనకు జీవనములై తగు గనుల్ పనులును              గరులును గృషులాది గాఁగ గల్గు

⁠

గీ.⁠

నట్టి వన్నియుఁ జేకూర్చి యలరుటయును దుష్టులగునట్టివారలఁ ద్రోయుటయును మంచివారలఁ జేపట్టి మించుటయును రాజు చరియించుచర్య ధరాతలమున.

⁠ 24

సీ.⁠

సకలజంతువుల హింసలు చేయకుండుట             యెందు నధర్మంబుఁ జెందమియును మంచికార్యము లొనరించగాఁ బూనుట             దుష్టవాక్యములెల్లఁ ద్రోచియుంట యియ్యంగఁ దగుచోట నియ్యంగ నేర్చుట             పుచ్చుకోఁ దగుచోటఁ బుచ్చుకొనుట దండించఁ దగనిచో దండించకుండుట             దండార్హులగువారిఁ జెండుటయును

⁠

గీ.⁠

దెలియఁదగినవి తెలియుట, తెలియఁదగని యర్థములు విడుచుటయు, నిరర్థకములు మాను టర్థంబుగలయవి పూనుటయును రాజు చరియించుచర్య ధరాతలమున.

⁠ 25