పుట:ఆంధ్రకామందకము (జక్కరాజు వేంకటకవి).pdf/164

సీ.⁠

మంచివారికినెల్ల మంచివాఁ డగుటయు             ధూర్తులయెడఁ గడు ధూ ర్తగుటయు సామదానంబులచందంబు భేదంబు             దండం బుపేక్షయుఁ దగ నెఱుగుట మంత్రవిచారంబు మఱవక సేయుట             మంత్రమార్గమున సమ్మతి మెలఁగుట మంత్రంబు రక్షించి మంత్రస్థిరుం డౌట             దుష్టజనంబుఁ బోఁ దోలుటయును

⁠

గీ.⁠

మఱియు దళవాయు లధికార్లు మంత్రివరు ల మాత్యులుఁ బురోహితాదులు నిత్యలీల మెలఁగుగతు లన్నియును లెస్స దెలియుటయును రాజు చరియించుచర్య ధరాతలమున.

⁠ 22

సీ.⁠

అరసి యమాత్యాదు లై నట్టి సప్తాంగ             మందలివ్యసనంబు లడఁచుటయును గోపమందినవారి కోపంబు మాన్చుట             గురువు చెప్పినబుద్ధిఁ దిరుగుటయును బూజార్హులగువారిఁ బూజింప నేర్చుట             ధర్మాసనము వెట్టి తప్పకుంట రాజ్యబాధకులను బ్రహరించుటయు బంట్లు             జీతముల్ చెందుట చెందకుంట

⁠

గీ.⁠

చేసినవి సేయనివి పరీక్షించి యుంట యెపుడు పేదరికంబున నెనయువారిఁ గలిమిగలయట్టివారిని దెలియుటయును రాజు చరియించుచర్య ధరాతలమున.

⁠ 23