| మ. |
తనకంటెన్ బొడవైనయేనుఁగులమీఁదన్ విక్రమం బొప్పఁ జెం
గన సింగంబు పదంబుఁ బెట్టుగతి రాజాగ్రేసరుం డెల్లచోఁ
దనయుత్సాహముచేత విక్రమముచేత న్మించ నత్యున్నతిన్
ఘనమైనట్టిపదంబుఁ గైకొను ధరాకాంతుల్ నుతుల్ సేయఁగన్.
| 18
|
| క. |
భయ మెడలిన పా మొరులకు
భయముగఁ దనపడగఁ జూపు బాగునఁ బతియున్
భయమునఁ బొరయనివాఁడై
నయగతిఁ దేజంబుఁ జూప నాయం బెందున్.
| 19
|
| వ. |
ఇది యుత్సాహప్రకరణం బింక స్వామ్యాదిసప్తాంగంబులకుఁ
గల ప్రయోజనంబులును, వ్యసనంబులునుం గ్రమంబున
వివరించెద నందు రాజప్రయోజన మెట్లనిన.
| 20
|
ప్రకృతికర్మప్రకరణము - రాజచర్య
| సీ. |
విద్యలన్నియు లెస్స విని యర్థము లెఱింగి
వర్ణాశ్రమంబుల వరుసఁ బ్రోచి
శస్త్రశాస్త్రంబులచందముల్ గనుఁగొని
యని సేయునేర్పుల నభ్యసించి
యలవుమై నెపుడు వాహ్యాళి వెళ్ళగ నోపి
కార్యపద్ధతుల సంగతులు దెలిసి
రథములఁ గరులఁ బోరగ నేర్చి యెంతయు
బాహుయుద్ధమురీతి పదిలపఱచి
|
|
| ఆ. |
మాయ లెఱిఁగి పరుల మనసులు గనుగొని
కైదువుల పరీక్షఁ గనఁగఁ జాలి
సకలజనులు మెచ్చ జయపెట్ట మెలఁగుట
రాజచర్య లివి ధరాతలమున.
| 21
|
