పుట:ఆంధ్రకామందకము (జక్కరాజు వేంకటకవి).pdf/161

క.⁠

అల యుత్సాహము బుద్ధియుఁ జెలఁగగ నుద్యోగి యైనక్షితిపతి యిలలో పల సిరులకు నిలుకడ యగు జలములకును టెంకియైన జలనిధివోలెన్.

⁠ 6

క.⁠

జలములచేఁ బాలితమగు జలజినిగతి బుద్ధిచేత సంపదఁ బ్రోవన్ వలయును యుత్నోత్సాహ మ్ములచే నది యెపుడు ప్రబలముగఁ జేయఁదగున్.

⁠ 7

మ.⁠

ఇల నుత్సాహగుణంబునం బొదలి తా నెవ్వేళలన్ బుద్ధిచే మెలఁగం జాలినయట్టి రాజువలన న్మేలౌ సిరుల్‌ వాసి పో కలరు న్మేనులతోడ నీడ లెడబాయం జాలకున్నట్టిలీ లల విస్తారముఁ జెందుచుండు నవి చాల న్నిక్కి పెంపెక్కుచున్.

⁠ 8

క.⁠

అలయక వ్యసనములకుఁ గడుఁ దలఁగుచు నుత్సాహమతులఁ దనరెడువిభునిన్ బలుసిరులు తామె చెందున్ జలనిధిలో నదులు చెందుచందం బందన్.

⁠ 9

క.⁠

జనపతి మతిఁ గలిగియు దా ననిశము వ్యసనములచేత నలసుండైనన్ దనసిరులు దన్ను విడుచును వనితలు లేపంబులేనివానిం బోలెన్.

⁠ 10

మ.⁠

ఘనమౌ కట్టియచేత నగ్ని బలియంగాఁ జేయుచందంబునన్ దనయుత్సాహముచేత సత్త్వ మభివృద్ధంబై కనం జేయఁగాఁ జను నిద్ధారుణి నట్లకా విలసితోత్సాహంబు నిత్యంబు జెం దిన యాదుర్బలుఁడున్ సిరిం గని సముద్దీపించుఁ జంచద్గతిన్.

⁠ 11