పుట:ఆంధ్రకామందకము (జక్కరాజు వేంకటకవి).pdf/111

గీ.⁠

తనదు సైన్యంబుచేతనే తగ నొనర్చు సంధి యాత్మామిషం బనుసంధి యండ్రు ప్రాణరక్షణమునకు సర్వంబు నొసఁగి కలసియుండుట యది యుపగ్రహ మటండ్రు.

⁠ 68

సీ.⁠

భండారమం దొకపా లిచ్చి యైన నం            దెచ్చదాఁకినసొమ్ము లిచ్చియైనఁ దనదుభండార మంతయు నిచ్చియైనను            సంధించి ప్రకృతిరక్షణ మొనర్ప నిది పరిక్రియసంధి యనఁ జెలువొందును            దనభూమిమే లెంచి తనపగఱకు నొనగూడి యిచ్చిన నుచ్ఛిన్నసంధి యౌ            దద్భూమిఫల మింత ధన మటంచు

⁠

గీ.⁠

నమర నిచ్చిన ఫలదూషణాఖ్యసంధి ఫలమె విభజించి కందాయముల నొసంగ నిర్ణయించుట స్కంధోపనేయసంధి యిట్టిమార్గంబు నరవరుఁ డెఱుఁగవలయు.

⁠ 69

సీ.⁠

బాలుండు వృద్ధుండు బహుదీర్ఘరోగుండు              నిజబంధుదాయాదనిందితుండు పిఱికి యైనయతండు పిఱికిబంటై యుండు              పిఱికిబంట్ల యతండు పిసిడివాఁడు విరసరాజ్యాంగుఁడు విషయసక్తుండును              బహుచిత్తమంత్రుండు బహువిరోధి కరుపులు వ్యసనముల్ గలిగినయతఁడును              వ్యసనముల్ గలుగుసైన్యములవాఁడు

⁠