పుట:ఆంధ్రకామందకము (జక్కరాజు వేంకటకవి).pdf/108

క.⁠

తనవారినిఁ బెఱవారినిఁ దనవారినె చేసికొనఁగఁ దగు జనపతి యెం దును దా బహుమిత్రుం డై నను వైరులు సెప్పినట్లు నడతురు పుడమిన్.

⁠ 59

క.⁠

తన కాపద యగువేళను దనమిత్రుండైన కరణిఁ దన బంధువులుం దనతండ్రియుఁ దనయన్నలు దనతమ్ములు హితముఁ జేయఁ దా రోపుదురే.

⁠ 60

క.⁠

క్షితిలోపల నతులదృఢ వ్రతులై తగుతనదుమిత్రవర్గముచేతన్ బ్రతివీరు లైనవారలఁ జతురతమై నిగ్రహింప జనపతి కొనరున్.

⁠ 61

మ.⁠

ఇల నీరీతుల నీతిమార్గమునఁ దా నేప్రొద్దు వర్తించి ని శ్చలితోద్యోగమునన్ జయేచ్ఛ గలరాజన్యుండు పెంపొందు మం డలశుద్ధిం దగి శుద్ధమండలమునన్ వర్తించు నాశారదో జ్జ్వలచంద్రుం డన భూప్రజావితతికిన్ సంతోషముం జేయుచున్.

⁠ 62

వ.⁠

ఇది మండలశోధన ప్రకారంబు. ఇంక సంధ్యాది షడ్గుణంబుల స్వరూపంబుఁ గ్రమంబున వివరించెద.

⁠ 63

సంధివికల్పప్రకరణము

క.⁠

బలియుఁ దగువైరి గదిమిన బలువగునాపదలఁ జెంది ప్రతి సేయఁగ నే ర్పులు లేనిరాజు కాలం బలవడఁ గడపుచును సంధి యమరించఁ దగున్.

⁠ 64