పుట:ఆంధ్రకామందకము (జక్కరాజు వేంకటకవి).pdf/101

ఆ.⁠

నుభయమిత్రుచేత నొగి మిత్రమిత్రుచే శత్రుమిత్రమిత్రుఁ జదువవలయు నిటుల నహితవరుల నిరుగడ గదుముచు గెలువవలయు నల జిగీషువునకు.

⁠ 23

క.⁠

ఈరీతి రెండుగడలన్ నేరుపుతో గెలువఁగోరు నృపతి గదిమనన్ వైరులు మెత్తురు లేదా వారు దనుం గొలిచి నిలిచి వర్తింతు రిలన్.

⁠ 24

చ.⁠

తనకును వైరికిన్ సమతఁ దాల్చిన చుట్టపువంక బారి నే యనువుననైనఁ గూర్చుకొని యందఱినిం దనవారిఁ జేసికోఁ జను నటులైన చుట్టములె చాల నలంచినయట్టిశత్రునిన్ జనపతి దా జయించుటకుఁ జాలఁగ శక్తుఁ డగున్ సుఖస్థితిన్.

⁠ 25

ఆ.⁠

కారణములచేతఁ గాదె లోకులు శత్రు లగుచు నున్కి మిత్రు లగుచు నున్కి నటులు గాన శత్రు లయ్యెడికారణం బులను విడువవలయుఁ బుడమిఱేఁడు.

⁠ 26

క.⁠

దొర తాఁ బ్రధాన మగుచున్ ధరఁ గలిగిన ప్రజలనెల్లఁ దనవారలుగా బరగింపందగు నటువలెఁ బరగిన సర్వాంగరాజ్యపదవిం జెందున్.

⁠ 27

ఉ.⁠

దూరమునందె యుండి పరదుర్గనివాసుల మండలేశులన్ గూరిమిఁ జూపి మిత్రులుగఁ గూర్చుకొనందగు న ట్లొనర్చినన్ వారలు ప్రాణబంధువులు వశ్యులునై వినయంబు పెంపునన్ దారె యొనర్పుచుండుదురు తక్కినమండలముల్ వశంబుగన్.

⁠ 28