పుట:అనుభవసారము (పాల్కుఱికి సోమనాథుడు).PDF/33

40

అనుభవసారము

ఉ.⁠

అంగమదృశ్యదృశ్యముల [1]కాశ్రయుఁ డయ్యును గానరానిస న్మంగళలింగమూర్తి నసమానజగత్త్రయచక్రవర్తి ను త్తుంగవిశాలకీర్తి నవధూతవినమ్రజనార్తి నాత్మలో సాంగము గాఁగ సద్గురు[2]కృపాఢ్యతఁ గా కెఱుగంగ వచ్చునే?

⁠ 152

చ.⁠

అవిరళభక్తియుక్తి ననయంబును భక్తుఁడు దా నొనర్చురా జవదుప[3]చారభావనల సత్క్రియ లెల్లను లింగమూర్తియం దవయవముల్ దలంచు తలఁ పట్టులఁ దోఁచగ భక్తవత్సలుం డవుట నిజంబు గావున దయామతి మున్నుగఁ జేయు సత్క్రియల్.

⁠ 153

క.⁠

భావింపఁగ సద్భక్తుని భావం బెట్లట్ల తోఁచుఁ బరమేశుఁడు "య ద్భావం త ద్భవతి" యని క [4]దా వినఁబడు శ్రుతులలో నుదారచరిత్రా!

⁠ 154

క.⁠

పంబినభక్తిస్థితి త్రివి ధం బగు నది యెట్టు లనినఁ దా శుద్ధము మి శ్రంబును సంకీర్ణంబు న నం బరఁగి లసచ్చరిత్ర నారయపుత్త్రా!

⁠ 155

మ.⁠

అమరం గేవలభక్తియుక్తియుఁ దదీయధ్యానమున్ శుద్ధభ క్తి; మనంబార సదాశివార్చనము మూర్తిధ్యానమున్ మిశ్రభ క్తి; ముదం బీశ్వరచింతనంబు మును ప్రీతిం గొల్చు సంకీర్ణభ క్తి; మహాత్మా యన శుద్ధభక్తిపద ముత్కృష్టంబు దా నెమ్మెయిన్.

⁠ 156

1. కాశ్రయనియ్యము గానివాని
2. కృపాఢ్యుఁడు
3. కార
4. దే వినబఁడు శ్రుతులలోన ధీరసమానా!