పుట:అనిరుద్ధచరిత్రము.pdf/64

తే.⁠

పోరిపోరి భుజాబలస్ఫురణ దక్కి, శాంభవజ్వర మాత్మలో సంచలించి వైష్ణవజ్వర మధికజవంబుతోడ, వెంటనంటంగ నార్తితో వెఱచి పఱచె.

⁠ 94

ఉ.⁠

ఎక్కడఁ జొచ్చినం జుణుగనియ్యక వైష్ణవి వెంటనంటఁగా దిక్కులనెల్లనుం గలయఁద్రిమ్మరి యార్తి హరించి కాచువాఁ డొక్కఁడులేమికిన్ వగల నొందుచుఁ గ్రమ్మఱఁ బాఱుదెంచి స మ్యక్కరుణావిధేయు హరి నార్తశరణ్యునిఁ జేరి భక్తితోన్.

⁠ 95

శా.⁠

శ్రీలక్ష్మీపతయేకృతాఖిలజగత్క్షేమాయదివ్యౌజనే నీలాంభోధరకాంతికాంతవపుషే నిర్వాణసంధాయినే లీలాకల్పితతాత్త్వికాయమహతే లేశాతిపూర్ణాత్మనే నాళీకాసనపూజితాయభవతే నారాయణాయోన్నమః.

⁠ 96

దండకము.⁠

శ్రీమద్రమామానినీ మానసారామవాటీ వసంతాయమానా సమానాంగశృంగారభావా సమగ్ర ప్రభావా ప్రభావార్యమాణా యుతాహోధిరాణ్మండలా సేవితాఖండలా కుండలానర్ఘ్యరత్నచ్ఛవిచ్ఛన్నగండస్థలప్రస్ఫురన్మందహాసా కరాంభోజభృన్నంద కాఖ్యోజ్జ్వలచ్చంద్రహాసా మహాసాహసక్రూరకంసాఘవత్సాదిదైతేయసంఘాత శైలాంబుభృద్వాహనా గోపకన్యామనోమోహనా గేహనారీసుతారాదిసంసారభో గాబ్ధినిర్మగ్నహృత్ర్పాకృతాళీ దురాపాదరా పాదకీర్తిప్రతాపోదయా నీదయాశోభి తాపాంగవీక్షాసుధాలేశసంసేవనాలబ్ధసౌభాగ్యులై బ్రహ్మరుద్రామరాధీశముఖ్యు ల్ మహత్త్వంబునన్ బూర్ణులై యుందురే తజ్జగత్పాలనార్థంబుగా నీవు మత్స్యస్థితిం గచ్ఛపాకారతన్ యజ్ఞవారాహలీలన్ నృసింహస్వభావంబునన్ వామనస్ఫూర్తి తో జామదగ్న్యస్వరూపంబునన్ రామచంద్రావతారంబునన్ రౌహిణేయాభిధేయం బుతో బౌద్ధవేషంబుతోడం గలిక్యాకృతిన్ సాధుసంరక్షణంబున్ జగత్కంటకధ్వం సన౦బున్ దగంజేయుచో నీవు గావించు సత్కార్యముల్ చాల నాశ్చర్యముల్ నీ పదాంభోరుహధ్యానసేవావిశేషంబులన్ నారదవ్యాసవాల్మీకిరుక్మాంగదాదుల్ మహాధన్యులై పుణ్యులై జ్ఞానసంపన్నులై యవ్యయానందముం గాంచి రత్యూర్జితంబైన యుషన్మహత్త్వంబు వర్ణింపఁగా రెండువేల్ జిహ్వలన్ బొల్చు శేషాహియుం జాలఁ డీ లోకముల్ దేశకాలంబులున్ వేదశాస్త్రంబులున్ దానధర్మంబులున్ సాగరంబుల్ నదుల్ కానన౦బుల్ గిరుల్ చంద్రసూర్యుల్ పృథివ్యాదిభూతంబులున్ సాత్త్వికాది త్రయం బాదిగా నామరూపంబులన్ బొల్చు నేతత్ప్రపంచంబు సర్వంబు నీమాయచేఁ గల్పితంబై భవద్గర్భగోళంబునం బుట్టుచున్ మించుచుం గిట్టుచుం గ్రాలు నోదేవ నీవే జగత్కర్తవున్ ధర్తవున్ హర్తవున్ నీవె సర్వస్వరూపుండపు న్నీవె దైవంబవు న్నిర్గుణంబై నిరాకారమై నిశ్చలంబై నిరాఖ్యాతమై నిర్వికల్పస్థితిం బొల్చు నోంకార

⁠