వీటంకారనినాదంబులు రోదసీకుహరంబు నిండ నాకర్షణసంధాన దృఢముష్టిలాఘవ
లక్ష్యశుద్ధిదూరాపాతవిశేషంబులం బ్రచండంబులయిన కాండప్రకాండంబులు సంప్ర
యోగించి, రథరథ్యకేతుసూతవ్రాతంబుల మర్మఘాతంబు నొప్పించుచు, మృత్యుజిహ్వాక
రాళంబు లగుకరవాలంబులు సౌదామనీలతావితానంబులపోలికం దళత్తళాయమానంబు
లై చూపులకు మిఱుమిట్లుగొలుప ఝళిపించి దేహంబు లుపలక్షించి తునకలై పడనఱు
కుచు నవక్రవిక్రమంబునం జక్రంబులు గిరగిరం ద్రిప్పి వైచి ఛత్రచామరధ్వజదండంబులు
ఖండంబులు సేయుచుఁ, బ్రజ్వలజ్జ్వలనకీలాజాలంబులలీలం గ్రాలుశూలంబుల నాభీలం
బులగు శతాంగమాతంగతురంగాంగంబులు భగ్నంబులుగాఁ గ్రుమ్ముచుఁ, గఠోరంబులగు
కుఠారంబు లెత్తి కంఠీరవంబుల క్రేవనకుంఠకంఠారవంబులు చెలంగ నురశ్శిరకరచరణ
ప్రముఖాంగంబు లింధనంబులకొఱకు నఱకు దారుశకలంబులగతి వికలంబులు సేయుచు,
బల్లంబుల మొల్లంబులగు నుల్లాసంబులం గ్రేళ్లురుకుచు, బల్లెంబులు బుచ్చుకొని ఘొల్లునం
బెల్లార్చి కాయంబుల గాయంబుల నమేయంబులై కీలాలప్రవాహంబులు దొఱంగం బొడిచి
పడఁజిమ్ముచు, మదోద్రేక్తంబున గదాదండంబులు విసవిసం ద్రిప్పి గాత్రంబులు నుగ్గు
నూచంబులుగాఁ గొట్టుచు, శ్వసనాశనసంకాశంబు లగుపాశంబులు వీరావేశంబులం
గండదేశంబులం దగులం బ్రయోగించి ప్రాణంబులు క్షీణంబులుగాఁ బడనీడ్చుచు, మఱి
యుఁ బ్రాసపట్టెసముసలముద్గరతోమరబిండివాలశక్తిక్షురికాది నానావిధాయుధం
బులం గొట్టివేసి నఱికి చీరించి చెండాడి గగ్గోలుపఱిచినం జంభవిద్వేషికరాంభోజశుం
భద్దంభోళి ధారాహతంబులైన విశ్వంభరాధరంబులచందంబునం గూలి పీనుంగులైన యే
నుంగులును బుడమిం బడి తన్నుకొనుచుఁ గంఠగతప్రాణంబులైన కంఖాణంబులును యుగ
యుగ్యచక్రకూబరసహితంబుగా హతాంగంబులైన శతాంగంబులును, గూలిన కేతనంబు
లును, జిత్రరూపంబులవిధంబున విగతవిక్రమార్భటులైన భటులును, సోలిన రాహుత్తు
లును, రాలిన భూషణమణిగణంబులును, వ్రాలిన ఛత్రచామరంబులును, వికలంబులైన దం
తంబులును, శకలంబులైన కుంభస్థలంబులును, వ్రక్కలైన డొక్కలును, జెక్కులైన
ప్రక్కలును, భిన్నంబులైన కపాలంబులును, ఛిన్నంబులైన కపోలంబులును, విఱిగిన
చరణంబులును, జిరిగిన చర్మంబులును, శీర్ణంబులైన కర్ణంబులును, జూర్ణంబులైన
వర్మంబులును, గలిగి మహాబిలంబునం గోటానకోటులు దట్టంబులై యట్టలాడంజొ
చ్చె. గజవాజికళేబరంబులు జీమూతంబులును, సాంద్రచంద్రహాసధగద్ధగితద్యుతులు
శంపాలతలును, శంఖదుందుభిస్వనంబులు మేఘనిర్ఘోషంబులును, గదాముసలముద్గర
ఘాతంబు లశనిపాతంబులును, విశీర్ణభూషణపద్మరాగగారుత్మతఘృణిరేఖ లింద్ర
ధనువులును, విభిన్నకుంభికుంభచ్యుతముక్తాఫలంబులు వర్షోపలంబులును, గాకగృధ్ర
ప్రభృతివిహంగంబులు చాతకంబులును, శోణితపూరంబు జలాసారంబునునై, యోధ
యూథధనుర్విముక్తంబులై గగనదేశంబు నిరవకాశంబుగా నిండి కల్పితాంధకార
