పుట:అనిరుద్ధచరిత్రము.pdf/17

శ్రీరస్తు

అనిరుద్ధచరిత్రము

ద్వితీయాశ్వాసము

⁠

రమణీహృదయంగమ చారుతరశ్యామలాంగసమలంకృతమం జీరకటకాంగుళీయక హారాంగదవలయ మంగళాచలనిలయా.

⁠ 1

తే.⁠

అవధరింపుము శౌనకుండాదియైన, మునివరేణ్యులతోడ నిట్లనియె సూతుఁ డాపరిక్షిన్మహారాజు నాదరమునఁ, జూచి విజ్ఞాననిధియైనశుకుఁడు పలికె.

⁠ 2

మ.⁠

పరిఖాగాధకబంధసంసృతమహాపాతాళభాగంబు గో పురకంఠీరవరూపపాటనపరాభూతేంద్రనాగంబు భా సురవిస్తారమణిప్రకీర్ణవరణాంశువ్యాప్తదిఙ్మండలం బరిసంత్రాసకరంబు శోణపుర మొప్పారున్ ధరామండలిన్.

⁠ 3

శా.⁠

బాణుం డుద్ధత సత్వనిర్జితజగత్ప్రాణుండు సాతత్యశ ర్వాణీవల్లభపాదపద్మభజనారంభప్రవీణుండు గీ ర్వాణవ్రాతమనోభయంకరధనుర్బాణుండు సంగ్రామపా రీణుం డప్పుర మేలుచుండు విజయశ్రీవైభవాక్షీణుఁడై.

⁠ 4

తే.⁠

తనసహస్రభుజాబలౌద్ధత్యమహిమ, నేఁచి ముల్లోకములయందు నెదురులేక బలితనూభవుఁడైన యబ్బాణదైత్యుఁ, డుగ్రశాసనుఁడై యుండి యొక్కనాఁడు.

⁠ 5

వ.⁠

భవానీమనోహరుండగు హరుం డఖండతాండవకేళీరతుండై ముఖరితమృదంగంబును, రణితోపాంగంబును, సంగీతప్రసంగంబును, బరితోషితాశేషభూతాంతరంగబును న గునృత్యరంగంబున దశప్రాణాత్మకంబును, మూర్తిత్రయకళ రమ్యంబును, లఘుగు రుప్లుతసమేతంబును, దకతకధికతకముఖశబ్దబంధురంబునగు ధ్రువమఠ్యరూపకఝం పాత్రిపుటాటతాళైకతాళసింహానందచంచుపుటాదితాళంబుల జతులు కడకట్టుకై మురికళాసికలద్రుతమధ్యవిళంబకాలపరిమాణంబుల దండలాపకకుండలిప్రేరణీప్ర ముఖమార్గంబుల రంగరక్తులు వహింప నాట్యంబు సలుపునవసరంబున భరతకళాధురీణుం డగు బాణుం డావజం బారజంబునం బుచ్చుకొని శ్రుతిప్రమాణంబు నిలిపి తకధిమికిట శబ్దాక్షరసముచ్చారితముఖుం డగుచుఁ గరప్రహారంబులం జిత్త్రవిచిత్రంబులై చెలంగు తాళవ్యాప్తులు ఘుమంఘుమాయమానంబై నాదబ్రహ్మంబు జనియింప హృదయారవిం

⁠