తాళ్ళపాక పదసాహిత్యం/మొదటి సంపుటం/రేకు 96

by తాళ్ళపాక అన్నమాచార్యులు

రేకు: 0౦96-౦1 నాట సం; 01-477 రామ


పల్లవి:
ఇందులోనే కానవద్దా యితఁడు దైవమని
విందువలె నొంటిమెట్ట వీరరఘురాముని

చ.1:
యెందు చొచ్చె బ్రహ్మవర మిల రావణుతలలు
కందువ రాఘవుఁడు ఖండించునాఁడు
ముందట జలధి యేమూల చొచ్చెఁ గొండలచెే
గొందింబడఁ గట్టివేసి కోపగించేనాడు

చ.2:
యేడనుండె మహిమలు యిందరి కితఁడు వచ్చి
వేడుకతో హరివిల్లు విఱిచేనాఁడు
వోడక యింద్రాదు లెందు నొదిగి రీతనిబంటు
కూడ బట్టి సంజీవికొండ దెచ్చేనాఁడు

చ.3:
జముఁ డెక్కడికిఁ బోయ సరయువులో మోక్ష-
మమర జీవుల కిచ్చె నల్లనాఁడు
తెమలి వానరులై యీదేవతలే బంట్లెరి
తిమిరి శ్రీవేంకటపతికి నేఁడు నాఁడు

రేకు: 0౦96-02 శంకరాభరణం సం: 01-478 గోవిందరాజు


పల్లవి:
ఆలవటపత్రశాయివైనరూప మిట్టిదని
కొలువై పొ డచుపేవా గోవిందరాజా

చ.1:
పడఁతులిద్దరిమీద బాదములు చాఁచుకొని
వొడికపు రాజసాన నొత్తగిలి
కడలేని జనాభికమలమున బ్రహ్మను
కొడుకుఁగా గంటి విదె గోవిందరాజా

చ.2:
సిరులసామ్ములతోడ శేషునిపైఁ బవళించి
సారిది దాసులఁ గృపఁ జూచుకొంటాను
పరగుదైత్యులమీఁద పామువిషములే నీవు
కురియించితివిగా గోవిందరాజా

చ.3:
శంకుఁజక్రములతోడఁ జాఁచినకరముతోడ
అంకెల శిరసు కింది హస్తముతోడ
తెంకిన శ్రీవేంకటాద్రి దిగువతిరుపతిలో
కొంకక వరములిచ్చే గోవిందరాజా

రేకు: 0096-03 ముఖారి సం; 01-479 వైష్ణవ భక్తి


పల్లవి:
కంటే సులభ మిది కానక యుంటే దుర్లభ:
మింటిలోననే వున్న దిహముఁ బరమును

చ.1:
హరిదాసులు మెట్టినక్కడే పరమపద-
మరయ నిందుకంటె నవల లేదు
తిరమై వీరి పాదతీర్థమే విరజానది
సొరిది నన్ని చోట్లు చూచినట్టే వున్నది

చ.2:
మిచ్చక వైష్ణవుల మాటలెల్లా వేదములు
యిచ్చల నిందుకంటే నింక లేదు
అచ్చట వీరిప్రసా ద మమృతపానములు
అచ్చమై తెలిసేవారి కఱచేత నున్నది

చ.3:
చెలఁగి ప్రపన్నుల సేవే విజ్ఞానము
ఫల మిందుకంటే మఱి పైపై లేదు
తలఁప శ్రీవేంకటేశుదాసులే యాతనిరూపు-
లెలమి నెదుట నున్నా రెఱిఁగినవారికి

రేకు: ౦090-04 బౌళి సం: 01-480 దశావతారములు


పల్లవి:
అరుదరుదు నీమాయ హరి హరీ
అరసి తెలియరాదు హరిహరీ

చ.1:
అనంతబ్రహ్మండము లవె రోమకూపముల
అనంతములై వున్నవి హరిహరీ
పొనిగి కుంగినవొక్క భూమి నీ వెత్తినది యే-
మని నుతింతు నిన్ను హరి హరీ

చ.2:
పొదిగి బ్రహ్మదులు నీబొడ్డును నేకాలము
అదివో పుట్టుచున్నారు హరిహరి
పొదలి యీజీవులను పుట్టించే యీసామర్ధ్యము
అదన నేమనిచెప్పే హరి హరీ

చ.3:
పావనవైకుంఠము నీపాదమూల మందున్నది
ఆవహించేభక్తిచేత హరి హరీ
శ్రీవేంకటాద్రిమీఁద చేరి నీ విట్టె వుండఁగా-
నావల వెదకనేల హరిహరీ

రేకు: 0096-05 శ్రీరాగం సం; 01-481 నామ సంకీర్తన


పల్లవి:
జడమతిరహం కర్మజంతురేకోహం
జడధినిలయాయ నమో సారసాక్షాయ

చ.1:
పరమపురుషాయ నిజభక్తిజననసులభాయ
దురితదూరాయ సింధరహితాయ
నరకాంతకాయ శ్రీనారాయణాయ తే
మురహరాయ నమో నమో నమో

చ.2:
నగసముద్ధరణాయ నందగోపసుతాయ
జగదంతిరాత్మాయ సగుణాయ
మృగనరాంగాయ నిర్మితభవాండాయ ప-
న్నగరాజశయనాయ నమో నమో

చ.3:
దేవదేవేశాయ దివ్యచరితాయ బహు-
భావనాతీతాయ పరమాయ
శ్రీవేంకటేశాయ జితదైత్యనికరాయ
భూవల్లభాయ నమో పూర్ణకామాయ

రేకు: ౦౦96-౦6 మలహరి సం: 01-482 వైరాగ్య చింత


పల్లవి:
ఎన్నఁడు పక్వము గా దిదె యింద్రియభోగంబులచే
సన్నము దొడ్డునుఁ దోఁచీ సంసారఫలంబు

చ.1:
తిత్తితో నూరేండ్లకును దేహము పండఁగఁ బండఁగ
చిత్తం బెన్నఁడు పండక చిక్కెను కసుఁగాయై
పొత్తుల పుణ్యముఁ బాపము పులుసును తీపై రసమున
సత్తు నసత్తునుఁ దోచీ సంసారఫలంబు

చ.2:
వెదవడి పుత్రులుపౌత్రులే విత్తులు లోలో మొలచియు
పొది గర్మపుపూ మారదు పూపిందెయిన దిదే
తుదనిదె సుఖమునుదుఃఖముతోలునుగింజయి ముదురుక
చదురము వలయము తోఁచీ సంసారిఫలంబు

చ.3:
వినుకలిచదువుల సదలో వేమరు మాఁగఁగ బెట్టిన
ఘనకర్మపుటొ గరుడుగదు కమ్మర పులిగాయై
మనుమని శ్రీవేంకటేశుకు మహినాచార్యుఁడు కానుక
చనవున నియ్యఁగ వెలసెను సంసారఫలంబు