తాళ్ళపాక పదసాహిత్యం/మొదటి సంపుటం/రేకు 69

by తాళ్ళపాక అన్నమాచార్యులు

రేకు: 0౦69-01 సామంతం సం: 01-358 శరణాగతి


పల్లవి:
దొరుకునా యితని కృప తుదిపదంబు
అరిది విభవము లొల్లమనినాఁ బొదలు

చ.1:
సొంపలర నితఁడు కృపఁజూచు టరుదని కాక
యింప్తు సామాన్యమా యితని కరుణ
లం పటము ఘనమైన లక్ష్మీకటాక్షములు
సంపదలు తోడనే చల్లు వెదలాడు

చ.2:
తగ నితనిపై భక్తి తగులు టరుదని కాక
నగుట సామాన్యమా ననచి యితఁడు
జగదేక హితములుగ సరసతలు సౌఖ్యములు
దిగులువాయఁగ నితడు దిప్పుదీరాడు

చ.3:
తిరువేంకటాద్రి సిద్దించు టరుదని కాక
మరుగఁ దను నిచ్చునా మరియొకరిని
యిరవైన భోగములు యిష్టసామ్తాజ్యములు
విరివిగొని యితని దయ వెంటనే తిరుగు

రేకు: 0069-02 ఆహిరి సం; 01-359 అథ్యాత్మ శృంగారము


పల్లవి:
చెలి నేఁడు తానేమి సేయునమ్మ వెలి యేమిసేయు నీ-
చెలు లేమి సేయుదురు చెలువైన విభుమేనిచెలు వింత సేయఁగా

చ.1
సతి నేఁడు బంగారుచవికెలోఁ జిత్రఁపు-
గతు లెంత చూపినఁ గడకంటఁ జూడదు
అతనిఁజూచినమంచియబ్బురపుఁజూపులు
అతనివెంటనే పోయ నటుగాఁబోలును

చ.2:
తేనియలూరేటి మంచి తియ్యనిమాటలు మంత్ర-
గానములుగా వినుపించి కడువేసరితిమి
వానిమాటలు విన్నవలనైన ముదమున
వీనులు ముద్రించిన విధముగాఁబోలును

చ.3:
నిచ్చళపుమోమున నెయ్యము దైలువారె
బచ్చనచేఁతలు గుబ్బలపై నిండనొప్పెను
అచ్చపువేడుక వేంకటాద్రీశుఁ డీరేయి
నెచ్చెలికి నిచ్చినట్టినేరుపు గాఁబోలును

రేకు: 0069-03 సామంత సం: 01-360 అథ్యాత్మ శృంగారము


పల్లవి:
ఇత్తడి బంగారుసేయ నింతకు నేరుతునంటా
కొత్తసేఁతలెల్ల దొరకొంటిగా నీవు

చ.1:
హీనులైనవారు నిన్ను నేచి కొలిచిన ఘన-
మైన పదవులఁ బెట్టేయెటువలెనే
మానక యెవ్వతెనైన మచ్చికఁ దగిలి నాతో .....
నానిపట్టి సరివేసే వద్దిరా నీవూ

చ.2:
కడుఁబాతకులు నిన్నుఁ గదిసి కొలిచేరంటా-
నడరి పుణ్యులఁజేయునటువలెనే
కడఁగి యెవ్వతెనైన గాజు మాణికము సేసి
వడి నన్ను గెరలించవద్దురా నీవూ

చ.3:
దిందుపడ మాయసేసి దేవుఁడ నేఁగానంటా....
నందరి భ్రమలఁ బెట్టునటువలెనే
అందమైనన తిరువేంకటాద్రీశ నీప్రేమ
చెంది నన్నుఁ గూడి దాఁచజెల్లునా నీవూ

రేకు: ౦౦69-౦4 బౌళి సం; 01-361 వైరాగ్య చింత


పల్లవి:
ఎక్కడ చొచ్చడి దీభవమేదియుఁ గడపల గానము
వుక్కునఁ బరితాపానల మూదక మండెడివి

చ.1:
హృదయవికారము మాన్చఁగ నేతెరఁగును సమకూడదు
మదనానందము చెరుపఁగ మందేమియు లేదు
పాదలినదేహగుణంబులఁ బోనడువఁగ గతి గానము
బ్రదికించినకోరికెలకుఁ బ్రాయము దిరిగినది

చ.2:
కమలినయజ్ఞానం బిది కన్నులముందరఁ గానదు
తిమిరము పొదిగొని చూడ్కికి దెరువేమియు లేదు
తెమలనియాశాపాశము తెంపఁగ సత్వము చాలదు
మమకారము వెడలింపఁగ మతి యెప్పుడు లేదు

చ.3:
దురితంబులు పుణ్యంబులు తొడిఁబడ నాత్మనుఁ బెనగొని
జరగఁగ శరీరధారికి సత్కర్మము లేదు
తిరువేంకటగిరిపతియగు దేవశిఖామణిపాదము
శరణని బ్రదుకుటదప్పను సన్మార్గము లేదు

రేకు: 0069-05 గుండక్రియ సం: 01-362 భక్తి


పల్లవి:
ప్రాణులనేరమి గాదిది బహుజన్మపరంపరచే
ప్రాణులు సేసిన తమతమ పాపఫలము గాని

చ.1:
హరి సకలవ్యాపకుఁడని అందరుఁ జెప్పఁగ నెరిఁగియు
పరదైవంబులఁ గొలువకపాయరు మానవులు
నరపతి భూమేలఁగ భూవరు భజియింపఁగనొల్లక
పరిసరవర్తులబెంబడిఁ బనిసేనినయట్లు

చ.2:
పొందుకు తమతమ సేసినపూజలు మ్రొక్కులు గైకొను
అందముగాఁ బురుషాత్తముఁ డాతఁడే కలఁడనియు
అందరు నెరిఁగియు యితరులఁ జెందుదురున్నత శైలము
నందక చేరునతరువుల నందుకొనినయట్లు

చ.3:
శ్రీ వేంకటపతి యొక్కఁడె చెప్పఁగ జగములకెల్లను
దైవము నాతుమలోపలిధనమనఁగా వినియు
సేవింపరు పామరు లీదేవుని మధురంబొల్లక
వావిరిఁ బులుసులు చేఁదులు వలెనని కొనునట్లు

రేకు: 0069-06 ధన్నాశి సం: 01-363 భక్తి


పల్లవి:
ఘెరదురితములచే గుణవికారములవే
నీరీతిఁబడునాకు నేది దెరువు

చ.1:
హరి జగన్నాథు లోకరాధ్యు-
నెరఁగనేరనివాని కేది దెరువు
పరమపురుషుని జగద్భరితు నంతర్వ్యాప్తి-
నిరవుకొలుపనివాని కేది దెరువు

చ.2:
శ్రీ వేంకటేశుఁ దలఁచినవెనక సకలంబు ....
నేవగింపనివారి కేది దెరువు
దేవోత్తముని మహిమ దెలిసితెలియఁగలేని-
యీవివేకంబునకు నేది దెరువు