తాళ్ళపాక పదసాహిత్యం/మూడవ సంపుటం/రేకు 252
రేకు: 0252-01 మలహరి సం: 03-296 అధ్యాత్మ
పల్లవి:
ఇన్నిటి మూలం బీశ్వరుఁ డాతని-
మన్నన కొలఁదినె మలయుటఁ గాక
చ. 1:
మాయామయమై మనియెడి జగమిది
చాయల నిందు నిజము గలదా
కాయము సుఖదుఃఖములకుఁ బొత్తిది
రేయిఁబగలు నొకరీతే కలదా
చ. 2:
దైవాధీనము తగు సంసారము
వావిరి జీవుల వసమవునా
ధావతి మనసిది తన కర్మమూలము
వేవేలై నా విడువఁగ వశమా
చ. 3:
పంచేంద్రియములఁ బరగేటి బ్రదుకిది
చంచలంబు నిశ్చలమవునా
యెంచఁగ శ్రీవేంకటేశ్వరు కృపతో
సంచయమయితే సతమవుఁగాక
రేకు: 0252-02 ధన్నాసి సం: 03-297 నామ సంకీర్తన
పల్లవి:
ఎందుకుఁ బనిగొందము యేమి సేతమివి యెల్లా
చెందిన మాకిఁక బుద్ది చెప్పవే నారాయణా
చ. 1:
హరినామ మొకటనే అణఁగెఁ బాపములు
వొరసి యన్నినామము లూరకున్నవి
సిరులిచ్చెఁ గలవెల్లా శ్రీపతినామ మొకటే
పెరనామములెల్లా పెట్టెలలో నున్నవి
చ. 2:
గోవిందనామ మొకటే కూడపోసెఁ బుణ్యములు
వేవేలు నామములకు వెలలున్నవా
శ్రీవిష్ణునామ మొకటే చేతికిచ్చె వైకుంఠము
తావైయున్న నామములు తమకించీ నీవికి
చ. 3:
ఇత్తల కేశవునామ మియ్యఁగలవెల్లా నిచ్చె
పొత్తుల నామములెల్లాఁ బొంచుకున్నవి
చిత్తమున నిన్నుఁ జూపె శ్రీవేంకటేశ నామమే
హత్తిన నామములెల్లా నందులోనే వున్నవి
రేకు: 0252-03 భూపాళం సం: 03-298 ఆరగింపు
పల్లవి:
వేఁకునఁ దిరుపళచ్చి విష్ణునికిఁ జేయరో
ఆఁకటి కొదగినట్టి ఆరగింపులు
చ. 1:
అతి బ్రహ్మాండాలు గుక్షి నటు ధరించినయట్టి-
అతనికిఁ జేయరో ఆరగింపులు
ప్రతిలేని క్షీరాబ్దిఁ బవళించి లేచినట్టి-
చతురునికిఁ జేయరో చవి నారగింపులు
చ. 2:
యేడుదినములదాఁకా నెత్తెను గోవర్ధనము
ఆడివచ్చే బాలునికి నారగింపులు
మేడెపు గోపికలతో మిక్కిలిఁ బెనఁగినట్టి-
వేడుకకానికిఁ దేరో విందు లారగింపులు
చ. 3:
పట్టపుదేవుళ్లుఁ దాను బంతి సాగి వున్నవాఁడు
అట్టె సేయరో పులుఁగ మారగింపులు
నెట్టన శ్రీవేంకటాద్రినిలయుఁ డారగించీని
మట్టులేక వడ్డించరో మంచి యారగింపులు
| పల్లవి : | ఏ పొద్దు చూచిన దేవుఁ డిటానే యారగించు | |
| చ. 1: | మేరుమందరాలవలె మెరయు నిడ్డెనలు | |
| చ. 2: | పలు జలధులవంటి పైఁడివెండిగిన్నెలు | |
| చ. 3: | పండిన పంటలవంటి పచ్చళ్ళుఁ గూరలును | |
రేకు: 252-05 గుండక్రియ సం . 03-300 నృసింహ, రామ
| పల్లవి : | జయ జయ రామా సమరవిజయరామా | |
| చ. 1: | జలధి బంధించిన సౌమిత్రిరామా | |
| చ. 2: | అరి రావణాంతక ఆదిత్యకుల రామా | |
| చ. 3: | అతి ప్రతాపముల మాయామృగాంతక రామా | |
రేకు: 0252-06 సాళంగనాట సం: 03-301 హనుమ
| పల్లవి : | మొక్కరో మొక్కరో వాఁడె ముందరనిలుచున్నాఁడు | |
| చ. 1: | పెట్టిన జంగతోడి పెద్ద హనుమంతుఁడు | |
| చ. 2: | వంచెను శిరసుమీఁద వాలుగాఁ దన తోఁక | |
| చ. 3: | పెనచి తొడలుదాఁక పెద్ద పదకము వేసె | |