రేకు: 0337-01 హిందోళ వసంతం సం: 04-214 శరణాగతి
| పల్లవి : |
దైవమొకఁడే మాతలఁపు నొకటే
పావనమైతిమి పదరేమా
|
|
| చ. 1: |
హరి యెటు దలఁచిన నటయీని
పరుగుఁ గోరికల పనులేలా
ధర నభయ మొసఁగు దైవముబంట్లము
మరలి యితరులకు మఱి వెరచేమా
|
|
| చ. 1: |
పురుషోత్తమానతిఁ బుట్టినవారము
అరిదిసిరులకై యలపేలా
సరి లక్ష్మీపతి శరణాగతులము
అరయఁగ నితరుల నడిగేమా
|
|
| చ. 1: |
శ్రీవేంకటపతిచేఁత జీవులము
దావతి నితరము తగులేలా
వావిరిని కరివరదుని వారము
తావున బంధాలఁ దగిలేమా
|
|
రేకు: 0337-02 నాగవరాళి సం: 04-215 శరణాగతి
| పల్లవి : |
చాలుఁ జాలు నీసటలఁ బొరలితిమి
వాలి కొంత వెరవకుమనలేవు
|
|
| చ. 1: |
కలవు లోకముల ఘనమంత్రంబులు
అలరి ముక్తి యియ్యఁగలేవు
సులభానఁ గలరు సొరిది దేవతలు
వలగొను పాపము వారించలేరు
|
|
| చ. 1: |
వున్నవి పుణ్యము లూరకె యివిగో
పన్నిన హరిఁ జూపఁగలేవు
సన్నితి నున్నవి సకళ శాస్త్రములు
కొన్నైన భవములకొన గన నీవు
|
|
| చ. 1: |
ధరలో సేనలు ధనధాన్యంబులు
పరమజ్ఞానవిభవ మిదు
అరుదుగ శ్రీవేంకటాధిపుఁడే మము
ఇరవై కావఁగ యీడేరితిమి
|
|
రేకు: 0337-03 శోకవరాళి సం: 04-216 మనసా
| పల్లవి : |
విడువుము మనసా వీరిడిచేఁతలు
తడయక శ్రీహరిఁ దలఁచవొ యిఁకను
|
|
| చ. 1: |
నానాఁడే యెనఁబది నాలుగు లక్షలు
యోనుల వెడలితి నొక్కఁడనే
ఆనిన భోగములందలివే పో
కానము యిఁకనేమి గడియించేము
|
|
| చ. 1: |
నలుగడ నటు పదునాల్గు లోకములు
వెలయఁ జొచ్చితిని వెడలితిని
కలిగినదేదో కలుగనిదేదో
తెలియ దేమిటికిఁ దిరిగేవమో
|
|
| చ. 1: |
భువిలోఁ జేసితి పుణ్యముఁ బాపము
కవిసి యాఫలము గైకొంటిని
యివల శ్రీవేంకటేశుఁడింతలో
తవిలి యేలఁగా ధన్యుఁడనైతి
|
|
రేకు: 0337-04 గుండక్రియ సం: 04-217 దశావతారములు
| పల్లవి : |
ఇరువుగా నిన్నెరిఁగిరి యిదివో నీదాసులు
పరదైవములమీఁద నొల వేయనేల పనిలేవు నీమాయలు కరుణానిధీ
|
|
| చ. 1: |
ముంచెను నీపాదములు మూఁడులోకములయందును
యెంచెను నీ వేయినామాలు యిలలో వేదవ్యాసుఁడు
చంచులఁ దలఁచిరి నిన్ను మున్నే సనకాదియోగీంద్రులు
పొంచి యింకా నీకు దాఁగఁ జోటు లేదు యిందు బొడచూపవే యింకవెడమాయలేలా
|
|
| చ. 2: |
కొనెను నీపాదతీర్థము బ్రహ్మ కోరి నీపాదము గడిగి
వినుతించె నీమహిమ తొల్లె వేయినోళ్లుగల శేషుఁడు
అనిరి నిన్నెక్కుడనుచు మొదల శుకాది మునీంద్రులెల్లా
పొనిగి నీవు మాయ సేయఁ జోటు లేదు మమ్ము పొసఁగి యేలుకోవె పురుషోత్తముఁడా
|
|
| చ. 3: |
యెక్కెను ధ్రువుఁడు పట్టము యిదివో నిన్నుఁ గొలిచి
చిక్కెను నీశరణాగతి నేఁడు శ్రీవైష్ణవులచేతను
గక్కన శ్రీవేంకటేశుఁడా యిట్టె కాచితివి మాటకే మమ్ము
యిక్కడ నీమాయసేయఁ జోటులేదు నిన్నునెలఁగిరి నీదాసులిందిరారమణా
|
|
రేకు: 0337-05 హిజ్జిజ్జి సం: 04-218 అధ్యాత్మ
| పల్లవి : |
పాపముఁ బుణ్యము పరగ నొకట నదె
వోపినవారలు వొడిఁగట్టెడిది
|
|
| చ. 1: |
నాలుకతుదనే నానారుచులును
నాలుకవే హరినామమును
పోలింప నొక్కటి భోగమూలము
మూల నొకటది మోక్షమూలము
|
|
| చ. 2: |
మనసున నదివో మగువలమోహము
అనుగుమనసుననె హరిచింత
పనివడి యొక్కటే ప్రపంచమార్గము
కొన నొకటే వైకుంఠమార్గము
|
|
| చ. 3: |
వెలుఁగుఁ జీఁకటియు వెస నొకనాఁడే
కలిగె నట్ల నివి కలిగినవి.
యిలలో శ్రీవేంకటేశు మా యొకటి
తలఁప నొక టతనిదాసులసుగతి
|
|
రేకు: 0337-06 సౌరాష్ట్రం సం: 04-219 నృసింహ, హరిదాసులు
| పల్లవి : |
హరిదాసులే మాకు నడ్డమై కాతురుగాక
శరణంటి వారికి నే సకలోపాయములు
|
|
| చ. 1: |
పెరుగఁబెరుఁగఁగానే పెద్దలాయ నింద్రియాలు
యిరవైనమాబుద్దు లిందుగొల్పీనా
తిరిగితిరిగి మాకు ద్రిష్టమాయ జన్మములు
దురితాలుఁ బుణ్యాలుఁ దోసేమా యిఁకను
|
|
| చ. 2: |
కూడఁగూడ నానాఁటఁ గొనకెక్కెఁ గోరికలు
వీడనిబంధము లన్నీ విడిచీనా
పాడితో నీడా నాడఁ బ్రాణములుఁ దీపులాయ
యేడనున్ననేము నేమే యెరిఁగేమా యిఁకను
|
|
| చ. 3: |
చింతించఁ జింతించఁ జేతికి వచ్చె మనసు
అంతలో శ్రీవేంకటేశుఁ డంది కాచెను
దొంతులై తిరుమంత్రము తోడనే నాలుక నంటె
మంతనాన గురుసేవ మరచేమా యిఁకను
|
|
