యద్ అక్రన్దః ప్రథమం జాయమాన ఉద్యన్ సముద్రాద్ ఉత వా పురీషాత్ |
శ్యేనస్య పక్షా హరిణస్య బాహూ ఉపస్తుత్యమ్ మహి జాతం తే అర్వన్ || 1-163-01
యమేన దత్తం త్రిత ఏనమ్ ఆయునగ్ ఇన్ద్ర ఏణమ్ ప్రథమో అధ్య్ అతిష్ఠత్ |
గన్ధర్వో అస్య రశనామ్ అగృభ్ణాత్ సూరాద్ అశ్వం వసవో నిర్ అతష్ట || 1-163-02
అసి యమో అస్య్ ఆదిత్యో అర్వన్న్ అసి త్రితో గుహ్యేన వ్రతేన |
అసి సోమేన సమయా విపృక్త ఆహుస్ తే త్రీణి దివి బన్ధనాని || 1-163-03
త్రీణి త ఆహుర్ దివి బన్ధనాని త్రీణ్య్ అప్సు త్రీణ్య్ అన్తః సముద్రే |
ఉతేవ మే వరుణశ్ ఛన్త్స్య్ అర్వన్ యత్రా త ఆహుః పరమం జనిత్రమ్ || 1-163-04
ఇమా తే వాజిన్న్ అవమార్జనానీమా శఫానాం సనితుర్ నిధానా |
అత్రా తే భద్రా రశనా అపశ్యమ్ ఋతస్య యా అభిరక్షన్తి గోపాః || 1-163-05
ఆత్మానం తే మనసారాద్ అజానామ్ అవో దివా పతయన్తమ్ పతంగమ్ |
శిరో అపశ్యమ్ పథిభిః సుగేభిర్ అరేణుభిర్ జేహమానమ్ పతత్రి || 1-163-06
అత్రా తే రూపమ్ ఉత్తమమ్ అపశ్యం జిగీషమాణమ్ ఇష ఆ పదే గోః |
యదా తే మర్తో అను భోగమ్ ఆనళ్ ఆద్ ఇద్ గ్రసిష్ఠ ఓషధీర్ అజీగః || 1-163-07
అను త్వా రథో అను మర్యో అర్వన్న్ అను గావో ऽను భగః కనీనామ్ |
అను వ్రాతాసస్ తవ సఖ్యమ్ ఈయుర్ అను దేవా మమిరే వీర్యం తే || 1-163-08
హిరణ్యశృఙ్గో ऽయో అస్య పాదా మనోజవా అవర ఇన్ద్ర ఆసీత్ |
దేవా ఇద్ అస్య హవిరద్యమ్ ఆయన్ యో అర్వన్తమ్ ప్రథమో అధ్యతిష్ఠత్ || 1-163-09
ఈర్మాన్తాసః సిలికమధ్యమాసః సం శూరణాసో దివ్యాసో అత్యాః |
హంసా ఇవ శ్రేణిశో యతన్తే యద్ ఆక్షిషుర్ దివ్యమ్ అజ్మమ్ అశ్వాః || 1-163-10
తవ శరీరమ్ పతయిష్ణ్వ్ అర్వన్ తవ చిత్తం వాత ఇవ ధ్రజీమాన్ |
తవ శృఙ్గాణి విష్ఠితా పురుత్రారణ్యేషు జర్భురాణా చరన్తి || 1-163-11
ఉప ప్రాగాచ్ ఛసనం వాజ్య్ అర్వా దేవద్రీచా మనసా దీధ్యానః |
అజః పురో నీయతే నాభిర్ అస్యాను పశ్చాత్ కవయో యన్తి రేభాః || 1-163-12
ఉప ప్రాగాత్ పరమం యత్ సధస్థమ్ అర్వాఅచ్ఛా పితరమ్ మాతరం చ |
అద్యా దేవాఞ్ జుష్టతమో హి గమ్యా అథా శాస్తే దాశుషే వార్యాణి || 1-163-13
