అధర్వణవేదము - కాండము 9 - సూక్తము 8
| ←ముందరి అధ్యాయము | అధర్వణవేదము (అధర్వణవేదము - కాండము 9 - సూక్తము 8) | తరువాతి అధ్యాయము→ |
శీర్షక్తిం శీర్షామయం కర్ణశూలం విలోహితమ్ |
సర్వం శీర్షన్యం తే రోగం బహిర్నిర్మన్త్రయామహే ||1||
కర్ణాభ్యాం తే కఙ్కూషేభ్యః కర్ణశూలం విసల్పకమ్ |
సర్వం శీర్షన్యం తే రోగం బహిర్నిర్మన్త్రయామహే ||2||
యస్య హేతోః ప్రచ్యవతే యక్ష్మః కర్ణతో ఆస్యతః |
సర్వం శీర్షన్యం తే రోగం బహిర్నిర్మన్త్రయామహే ||3||
యః కృణోతి ప్రమోతమన్ధం కృణోతి పూరుషమ్ |
సర్వం శీర్షన్యం తే రోగం బహిర్నిర్మన్త్రయామహే ||4||
అఙ్గభేదమఙ్గజ్వరమ్విశ్వాఙ్గ్యం విసల్పకమ్ |
సర్వం శీర్షన్యం తే రోగం బహిర్నిర్మన్త్రయామహే ||5||
యస్య భీమః ప్రతీకాశ ఉద్వేపయతి పూరుషమ్ |
తక్మానం విశ్వశారదం బహిర్నిర్మన్త్రయామహే ||6||
య ఊరూ అనుసర్పత్యథో ఏతి గవీనికే |
యక్ష్మం తే అన్తరఙ్గేభ్యో బహిర్నిర్మన్త్రయామహే ||7||
యది కామాదపకామాద్ధృదయాజ్జాయతే పరి |
హృదో బలాసమఙ్గేభ్యో బహిర్నిర్మన్త్రయామహే ||8||
హరిమాణం తే అఙ్గేభ్యో ऽప్వామన్తరోదరాత్ |
యక్ష్మోధామన్తరాత్మనో బహిర్నిర్మన్త్రయామహే ||9||
ఆసో బలాసో భవతు మూత్రం భవత్వామయత్ |
యక్ష్మాణాం సర్వేషాం విషం నిరవోచమహం త్వత్ ||10||
బహిర్బిలం నిర్ద్రవతు కాహాబాహం తవోదరాత్ |
యక్ష్మాణాం సర్వేషాం విషం నిరవోచమహం త్వత్ ||11||
ఉదరాత్తే క్లోమ్నో నాభ్యా హృదయాదధి |
యక్ష్మాణాం సర్వేషాం విషం నిరవోచమహం త్వత్ ||12||
యాః సీమానం విరుజన్తి మూర్ధానం ప్రత్యర్షనీః |
అహింసన్తీరనామయా నిర్ద్రవన్తు బహిర్బిలమ్ ||13||
యా హృదయముపర్షన్త్యనుతన్వన్తి కీకసాః |
అహింసన్తీరనామయా నిర్ద్రవన్తు బహిర్బిలమ్ ||14||
యాః పార్శ్వే ఉపర్షన్త్యనునిక్షన్తి పృష్టీః |
అహింసన్తీరనామయా నిర్ద్రవన్తు బహిర్బిలమ్ ||15||
యాస్తిరశ్చీః ఉపర్షన్త్యర్షణీర్వక్షణాసు తే |
అహింసన్తీరనామయా నిర్ద్రవన్తు బహిర్బిలమ్ ||16||
యా గుదా అనుసర్పన్త్యాన్త్రాణి మోహయన్తి చ |
అహింసన్తీరనామయా నిర్ద్రవన్తు బహిర్బిలమ్ ||17||
యా మజ్జ్ఞో నిర్ధయన్తి పరూంషి విరుజన్తి చ |
అహింసన్తీరనామయా నిర్ద్రవన్తు బహిర్బిలమ్ ||18||
యే అఙ్గాని మదయన్తి యక్ష్మాసో రోపణాస్తవ |
యక్ష్మాణాం సర్వేషాం విషం నిరవోచమహం త్వత్ ||19||
విసల్పస్య విద్రధస్య వాతీకారస్య వాలజేః |
యక్ష్మాణాం సర్వేషాం విషం నిరవోచమహం త్వత్ ||20||
పాదాభ్యాం తే జానుభ్యాం శ్రోణిభ్యాం పరి భంససః |
అనూకాదర్షణీరుష్ణిహాభ్యః శీర్ష్ణో రోగమనీనశమ్ ||21||
సం తే శీర్ష్ణః కపాలాని హృదయస్య చ యో విధుః |
ఉద్యన్నాదిత్య రశ్మిభిః శీర్ష్ణో రోగమనీనశో ऽఙ్గభేదమశీశమః ||22||
| ←ముందరి అధ్యాయము | అధర్వణవేదము | తరువాతి అధ్యాయము→ |