అధర్వణవేదము - కాండము 9 - సూక్తము 3
| ←ముందరి అధ్యాయము | అధర్వణవేదము (అధర్వణవేదము - కాండము 9 - సూక్తము 3) | తరువాతి అధ్యాయము→ |
ఉపమితాం ప్రతిమితామథో పరిమితాముత |
శాలాయా విశ్వవారాయా నద్ధాని వి చృతామసి ||1||
యత్తే నద్ధం విశ్వవారే పాశో గ్రన్థిశ్చ యః కృతః |
బృహస్పతిరివాహం బలం వాచా వి స్రంసయామి తత్ ||2||
ఆ యయామ సం బబర్హ గ్రన్థీంశ్చకార తే దృఢాన్ |
పరూంషి విద్వాం ఛస్తేవేన్ద్రేణ వి చృతామసి ||3||
వంశానాం తే నహనానాం ప్రాణాహస్య తృణస్య చ |
పక్షాణాం విశ్వవారే తే నద్ధాని వి చృతామసి ||4||
సందంశానాం పలదానాం పరిష్వఞ్జల్యస్య చ |
ఇదం మానస్య పత్న్యా నద్ధాని వి చృతామసి ||5||
యాని తే ऽన్తః శిక్యాన్యాబేధూ రణ్యాయ కమ్ |
ప్ర తే తాని చృతామసి శివా మానస్య పత్ని న ఉద్ధితా తన్వే భవ ||6||
హవిర్ధానమగ్నిశాలం పత్నీనాం సదనం సదః |
సదో దేవానామసి దేవి శాలే ||7||
అక్షుమోపశం వితతం సహస్రాక్షం విషూవతి |
అవనద్ధమభిహితం బ్రహ్మణా వి చృతామసి ||8||
యస్త్వా శాలే ప్రతిగృహ్ణాతి యేన చాసి మితా త్వమ్ |
ఉభౌ మానస్య పత్ని తౌ జీవతాం జరదష్టీ ||9||
అముత్రైనమా గఛతాద్దృఢా నద్ధా పరిష్కృతా |
యస్యాస్తే విచృతామస్యఙ్గమఙ్గం పరుష్పరుః ||10||
యస్త్వా శాలే నిమిమాయ సంజభార వనస్పతీన్ |
ప్రజాయై చక్రే త్వా శాలే పరమేష్ఠీ ప్రజాపతిః ||11||
నమస్తస్మై నమో దాత్రే శాలాపతయే చ కృణ్మః |
నమో ऽగ్నయే ప్రచరతే పురుషాయ చ తే నమః ||12||
గోభ్యో అశ్వేభ్యో నమో యచ్ఛాలాయాం విజాయతే |
విజావతి ప్రజావతి వి తే పాశాంశ్చృతామసి ||13||
అగ్నిమన్తశ్ఛాదయసి పురుషాన్పశుభిః సహ |
విజావతి ప్రజావతి వి తే పాశాంశ్చృతామసి ||14||
అన్తరా ద్యాం చ పృథివీం చ యద్వ్యచస్తేన శాలాం ప్రతి గృహ్ణామి త ఇమామ్ |
యదన్తరిక్షం రజసో విమానం తత్కృణ్వే ऽహముదరం శేవధిభ్యః |
తేన శాలాం ప్రతి గృహ్ణామి తస్మై ||15||
ఊర్జస్వతీ పయస్వతీ పృథివ్యాం నిమితా మితా |
విశ్వాన్నం బిభ్రతీ శాలే మా హింసీః ప్రతిగృహ్ణతః ||16||
తృణైరావృతా పలదాన్వసానా రాత్రీవ శాలా జగతో నివేశనీ |
మితా పృథివ్యాం తిష్ఠసి హస్తినీవ పద్వతీ ||17||
ఇతస్య తే వి చృతామ్యపినద్ధమపోర్ణువన్ |
వరుణేన సముబ్జితాం మిత్రః ప్రాతర్వ్యుబ్జతు ||18||
బ్రహ్మణా శాలాం నిమితాం కవిభిర్నిమితాం మితామ్ |
ఇన్ద్రాగ్నీ రక్షతాం శాలామమృతౌ సోమ్యం సదహ్ ||19||
కులాయే ऽధి కులాయం కోశే కోశః సముబ్జితః |
తత్ర మర్తో వి జాయతే యస్మాద్విశ్వం ప్రజాయతే ||20||
యా ద్విపక్షా చతుష్పక్షా షట్పక్షా యా నిమీయతే |
అష్టాపక్షాం దశపక్షాం శాలాం మానస్య పత్నీమగ్నిర్గర్భ ఇవా శయే ||21||
ప్రతీచీం త్వా ప్రతీచీనః శాలే ప్రైమ్యహింసతీమ్ |
అగ్నిర్హ్యన్తరాపశ్చ ఋతస్య ప్రథమా ద్వాః ||22||
ఇమా ఆపః ప్ర భరామ్యయక్ష్మా యక్ష్మనాశనీః |
గృహానుప ప్ర సీదామ్యమృతేన సహాగ్నినా ||23||
మా నః పాశం ప్రతి ముచో గురుర్భారో లఘుర్భవ |
వధూమివ త్వా శాలే యత్రకామం భరామసి ||24||
ప్రాచ్యా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||25||
దక్షిణాయా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||26||
ప్రతీచ్యా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||27||
ఉదీచ్యా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||28||
ధ్రువాయా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||29||
ఊర్ధ్వాయా దిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||30||
దిశోదిశః శాలాయా నమో మహిమ్నే స్వాహా దేవేభ్యః స్వాహ్యేభ్యః ||31||
| ←ముందరి అధ్యాయము | అధర్వణవేదము | తరువాతి అధ్యాయము→ |