అధర్వణవేదము - కాండము 8 - సూక్తము 8
| ←ముందరి అధ్యాయము | అధర్వణవేదము (అధర్వణవేదము - కాండము 8 - సూక్తము 8) | తరువాతి అధ్యాయము→ |
ఇన్ద్రో మన్థతు మన్థితా శక్రః శూరః పురందరః |
యథా హనామ సేనా అమిత్రాణాం సహస్రశః ||1||
పూతిరజ్జురుపధ్మానీ పూతిం సేనాం కృణోత్వమూమ్ |
ధూమమగ్నిమ్పరాదృశ్యా ऽమిత్రా హృత్స్వా దధతాం భయమ్ ||2||
అమూనశ్వత్థ నిః శృణీహి ఖాదామూన్ఖదిరాజిరమ్ |
తాజద్భఙ్గ ఇవ భజన్తాం హన్త్వేనాన్వధకో వధైః ||3||
పరుషానమూన్పరుషాహ్వః కృణోతు హన్త్వేనాన్వధకో వధైః |
క్షిప్రం శర ఇవ భజన్తాం బృహజ్జాలేన సందితాః ||4||
అన్తరిక్షం జాలమాసీజ్జాలదణ్డా దిశో మహీః |
తేనాభిధాయ దస్యూనాం శక్రః సేనామపావపత్ ||5||
బృహద్ధి జాలం బృహతః శక్రస్య వాజినీవతః |
తేన శత్రూనభి సర్వాన్న్యుబ్జ యథా న ముచ్యాతై కతమశ్చనైషామ్ ||6||
బృహత్తే జాలం బృహత ఇన్ద్ర శూర సహస్రార్ఘస్య శతవీర్యస్య |
తేన శతం సహస్రమయుతం న్యర్బుదం జఘాన శక్రో దస్యూనామభిధాయ సేనయా ||7||
అయం లోకో జాలమాసీచ్ఛక్రస్య మహతో మహాన్ |
తేనాహమిన్ద్రజాలేనామూంస్తమసాభి దధామి సర్వాన్ ||8||
సేదిరుగ్రా వ్యృద్ధిరార్తిశ్చానపవాచనా |
శ్రమస్తన్ద్రీశ్చ మోహశ్చ తైరమూనభి దధామి సర్వాన్ ||9||
మృత్యవే ऽమూన్ప్ర యఛామి మృత్యుపాశైరమీ సితాః |
మృత్యోర్యే అఘాలా దూతాస్తేభ్య ఏనాన్ప్రతి నయామి బద్ధ్వా ||10||
నయతామూన్మృత్యుదూతా యమదూతా అపోమ్భత |
పరఃసహస్రా హన్యన్తాం తృణేద్వేనాన్మత్యం భవస్య ||11||
సాధ్యా ఏకం జాలదణ్డముద్యత్య యన్త్యోజసా |
రుద్రా ఏకం వసవ ఏకమాదిత్యైరేక ఉద్యతః ||12||
విశ్వే దేవాః ఉపరిష్టాదుబ్జన్తో యన్త్వోజసా |
మధ్యేన ఘ్నన్తో యన్తు సేనామఙ్గిరసో మహీమ్ ||13||
వనస్పతీన్వానస్పత్యానోషధీరుత వీరుధః |
ద్విపాచ్చతుష్పాదిష్ణామి యథా సేనామమూం హనన్ ||14||
గన్ధర్వాప్సరసః సర్పాన్దేవాన్పుణ్యజనాన్పితౄన్ |
దృష్టానదృష్టానిష్ణామి యథా సేనామమూం హనన్ ||15||
ఇమ ఉప్తా మృత్యుపాశా యానాక్రమ్య న ముచ్యసే |
అముష్యా హన్తు సేనాయా ఇదం కూతం సహస్రశః ||16||
ఘర్మః సమిద్ధో అగ్నినాయం హోమః సహస్రహః |
భవశ్చ పృశ్నిబాహుశ్చ శర్వ సేనామమూం హతమ్ ||17||
మృత్యోరాషమా పద్యన్తాం క్షుధం సేదిం వధమ్భయమ్ |
ఇన్ద్రశ్చాక్షుజాలాభ్యాం శర్వ సేనామమూం హతమ్ ||18||
పరాజితాః ప్ర త్రసతామిత్రా నుత్తా ధావత బ్రహ్మణా |
బృహస్పతిప్రనుత్తానాం మామీషాం మోచి కశ్చన ||19||
అవ పద్యన్తామేషామాయుధాని మా శకన్ప్రతిధామిషుమ్ |
అథైషాం బహు బిభ్యతామిషవః ఘ్నన్తు మర్మణి ||20||
సం క్రోశతామేనాన్ద్యావాపృథివీ సమన్తరిక్షం సహ దేవతాభిః |
మా జ్ఞాతారం మా ప్రతిష్ఠాం విదన్త మిథో విఘ్నానా ఉప యన్తు మృత్యుమ్ ||21||
దిశశ్చతస్రో ऽశ్వతర్యో దేవరథస్య పురోదాశాః శపా అన్తరిక్షముద్ధిః |
ద్యావాపృథివీ పక్షసీ ఋతవో ऽభీశవో ऽన్తర్దేశాః కిమ్కరా వాక్పరిరథ్యమ్ ||22||
సంవత్సరో రథః పరివత్సరో రథోపస్థో విరాడీషాగ్నీ రథముఖమ్ |
ఇన్ద్రః సవ్యష్ఠాశ్చన్ద్రమాః సారథిః ||23||
ఇతో జయేతో వి జయ సం జయ జయ స్వాహా |
ఇమే జయన్తు పరామీ జయన్తాం స్వాహైభ్యో దురాహామీభ్యః |
నీలలోహితేనామూనభ్యవతనోమి ||24||
| ←ముందరి అధ్యాయము | అధర్వణవేదము | తరువాతి అధ్యాయము→ |