అధర్వణవేదము - కాండము 7 - సూక్తములు 61 నుండి 70 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 7 - సూక్తములు 61 నుండి 70 వరకూ) | తరువాతి అధ్యాయము→ |
అధర్వణవేదము - కాండము 7 - సూక్తము 61
[మార్చు]యదగ్నే తపసా తప ఉపతప్యామహే తపః |
ప్రియాః శ్రుతస్య భూయాస్మాయుష్మన్తః సుమేధసః ||1||
అగ్నే తపస్తప్యామహ ఉప తప్యామహే తపః |
శ్రుతాని శృణ్వన్తః వయమాయుష్మన్తః సుమేధసః ||2||
అధర్వణవేదము - కాండము 7 - సూక్తము 62
[మార్చు]అయమగ్నిః సత్పతిర్వృద్ధవృష్ణో రథీవ పత్తీనజయత్పురోహితః |
నాభా పృథివ్యాం నిహితో దవిద్యుతదధస్పదం కృణుతాం యే పృతన్యవః ||1||
అధర్వణవేదము - కాండము 7 - సూక్తము 63
[మార్చు]పృతనాజితం సహమానమగ్నిముక్థ్యైర్హవామహే పరమాత్సధస్థాత్ |
స నః పర్షదతి దుర్గాణి విశ్వా క్షామద్దేవో ऽతి దురితాన్యగ్నిః ||1||
అధర్వణవేదము - కాండము 7 - సూక్తము 64
[మార్చు]ఇదం యత్కృష్ణః శకునిరభినిష్పతన్నపీపతత్ |
ఆపో మా తస్మాత్సర్వస్మాద్దురితాత్పాన్త్వంహసః ||1||
ఇదం యత్కృష్ణః శకునిరవామృక్షన్నిరృతే తే ముఖేన |
అగ్నిర్మా తస్మాదేనసో గార్హపత్యః ప్ర ముఞ్చతు ||2||
అధర్వణవేదము - కాండము 7 - సూక్తము 65
[మార్చు]ప్రతీచీనపలో హి త్వమపామార్గ రురోహిథ |
సర్వాన్మచ్ఛపథామధి వరీయో యవయా ఇతః ||1||
యద్దుష్కృతం యచ్ఛమలం యద్వా చేరిమ పాపయా |
త్వయా తద్విశ్వతోముఖాపామార్గాప మృజ్మహే ||2||
శ్యావదతా కునఖినా బణ్డేన యత్సహాసిమ |
అపామార్గ త్వయా వయం సర్వం తదప మృజ్మహే ||3||
అధర్వణవేదము - కాండము 7 - సూక్తము 66
[మార్చు]యద్యన్తరిక్షే యది వాత ఆస యది వృక్షేషు యది వోలపేషు |
యదశ్రవన్పశవ ఉద్యమానం తద్బ్రాహ్మణ్పునరస్మానుపైతు ||1||
అధర్వణవేదము - కాండము 7 - సూక్తము 67
[మార్చు]పునర్మైత్విన్ద్రియం పునరాత్మా ద్రవిణం బ్రాహ్మణం చ |
పునరగ్నయో ధిష్ణ్యా యథాస్థామ కల్పయన్తామిహైవ ||1||
అధర్వణవేదము - కాండము 7 - సూక్తము 68
[మార్చు]సరస్వతి వ్రతేషు తే దివ్యేషు దేవి ధామసు |
జుషస్వ హవ్యమాహుతం ప్రజామ్దేవి రరాస్వ నః ||1||
ఇదం తే హవ్యం ఘృతవత్సరస్వతీదం పితౄణాం హవిరాస్య1ం యత్ |
ఇమాని త ఉదితా శమ్తమాని తేభిర్వయం మధుమన్తః స్యామ ||2||
శివా నః శంతమా భవ సుమృడీకా సరస్వతి |
మా తే యుయోమ సందృశః ||3||
అధర్వణవేదము - కాండము 7 - సూక్తము 69
[మార్చు]శం నో వాతో వాతు శం నస్తపతు సూర్యః |
అహాని శం భవన్తు నః శం రాత్రీ ప్రతి ధీయతాం |
శం ఉషా నో వ్యుఛతు ||1||
అధర్వణవేదము - కాండము 7 - సూక్తము 70
[మార్చు]యత్కిం చాసౌ మనసా యచ్చ వాచా యజ్ఞైర్జుహోతి హవిషా యజుషా |
తన్మృత్యునా నిరృతిః సంవిదానా పురా సత్యాదాహుతిం హన్త్వస్య ||1||
యాతుధానా నిరృతిరాదు రక్షస్తే అస్య ఘ్నన్త్వనృతేన సత్యమ్ |
ఇన్ద్రేషితా దేవా ఆజమస్య మథ్నన్తు మా తత్సం పాది యదసౌ జుహోతి ||2||
అజిరాధిరాజౌ శ్యేనౌ సంపాతినావివ |
ఆజ్యం పృతన్యతో హతాం యో నః కశ్చాభ్యఘాయతి ||3||
అపాఞ్చౌ త ఉభౌ బాహూ అపి నహ్యామ్యాస్యమ్ |
అగ్నేర్దేవస్య మన్యునా తేన తే ऽవధిషం హవిః ||4||
అపి నహ్యామి తే బాహూ అపి నహ్యామ్యాస్యమ్ |
అగ్నేర్ఘోరస్య మన్యునా తేన ऽవధిషం హవిః ||5||
| ←ముందరి అధ్యాయము | అధర్వణవేదము | తరువాతి అధ్యాయము→ |