అధర్వణవేదము - కాండము 7 - సూక్తములు 1 నుండి 10 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 7 - సూక్తములు 1 నుండి 10 వరకూ) | తరువాతి అధ్యాయము→ |
అధర్వణవేదము - కాండము 7 - సూక్తము 1
[మార్చు]ధీతీ వా యే అనయన్వాచో అగ్రం మనసా వా యే ऽవదన్నృతాని |
తృతీయేన బ్రహ్మణా వావృధానాస్తురీయేణామన్వత నామ ధేనోః ||1||
స వేద పుత్రః పితరం స మాతరం స సూనుర్భువత్స భువత్పునర్మఘః |
స ద్యామౌర్ణోదన్తరిక్షం స్వః స ఇదం విశ్వమభవత్స ఆభరత్ ||2||
అధర్వణవేదము - కాండము 7 - సూక్తము 2
[మార్చు]అథర్వాణం పితరం దేవబన్ధుం మాతుర్గర్భం పితురసుం యువానమ్ |
య ఇమం యజ్ఞమ్మనసా చికేత ప్ర ణో వోచస్తమిహేహ బ్రవః ||1||
అధర్వణవేదము - కాండము 7 - సూక్తము 3
[మార్చు]అయా విష్ఠా జనయన్కర్వరాణి స హి ఘృణిరురుర్వరాయ గాతుః |
స ప్రత్యుదైద్ధరుణం మధ్వో అగ్రం స్వయా తన్వా తన్వమైరయత ||1||
అధర్వణవేదము - కాండము 7 - సూక్తము 4
[మార్చు]ఏకయా చ దశభిశ్చ సుహుతే ద్వాభ్యామిష్టయే వింశత్యా చ |
తిసృభిశ్చ వహసే త్రింశతా చ వియుగ్భిర్వాయ ఇహ తా వి ముఞ్చ ||1||
అధర్వణవేదము - కాండము 7 - సూక్తము 5
[మార్చు]యజ్ఞేన యజ్ఞమయజన్త దేవాస్తాని ధర్మాణి ప్రథమాన్యాసన్ |
తే హ నాకం మహిమానః సచన్త యత్ర పూర్వే సాధ్యాః సన్తి దేవాః ||1||
యజ్ఞో బభూవ స ఆ బభూవ స ప్ర జజ్ఞే స ఉ వావృధే పునః |
స దేవానామధిపతిర్బభూవ సో అస్మాసు ద్రవిణమా దధాతు ||2||
యద్దేవా దేవాన్హవిషా ऽయజన్తామర్త్యాన్మనసా మర్త్యేన |
మదేమ తత్ర పరమే వ్యోమన్పశ్యేమ తదుదితౌ సూర్యస్య ||3||
యత్పురుషేణ హవిషా యజ్ఞం దేవా అతన్వత |
అస్తి ను తస్మాదోజీయో యద్విహవ్యేనేజిరే ||4||
ముగ్ధా దేవా ఉత శునా ऽయజన్తోత గోరఙ్గైః పురుధా ऽయజన్త |
య ఇమం యజ్ఞం మనసా చికేత ప్ర ణో వోచస్తమిహేహ బ్రవః ||5||
అధర్వణవేదము - కాండము 7 - సూక్తము 6
[మార్చు]అదితిర్ద్యౌరదితిరన్తరిక్షమదితిర్మాతా స పితా స పుత్రః |
విశ్వే దేవా అదితిర్పఞ్చ జనా అదితిర్జాతమదితిర్జనిత్వమ్ ||1||
మహీమూ షు మాతరం సువ్రతానామృతస్య పత్నీమవసే హవామహే |
తువిక్షత్రామజరన్తీమురూచీం సుశర్మాణమదితిం సుప్రణీతిమ్ ||2||
సుత్రామాణం పృథివీం ద్యామనేహసం సుశర్మాణమదితిం సుప్రణీతిమ్ |
దైవీం నావం స్వరిత్రామనాగసో అస్రవన్తీమా రుహేమా స్వస్తయే ||1||
వాజస్య ను ప్రసవే మాతరం మహీమదితిం నామ వచసా కరామహే |
యస్యా ఉపస్థ ఉర్వన్తరిక్షం సా నః శర్మ త్రివరూథం ని యఛాత్ ||2||
అధర్వణవేదము - కాండము 7 - సూక్తము 7
[మార్చు]దితేః పుత్రాణామదితేరకారిషమవ దేవానాం బృహతామనర్మణామ్ |
తేషాం హి ధామ గభిషక్సముద్రియం నైనాన్నమసా పరో అస్తి కశ్చన ||1||
అధర్వణవేదము - కాండము 7 - సూక్తము 8
[మార్చు]భద్రాదధి శ్రేయః ప్రేహి బృహస్పతిః పురఏతా తే అస్తు |
అథేమమస్యా వర ఆ పృథివ్యా ఆరేశత్రుం కృణుహి సర్వవీరమ్ ||1||
అధర్వణవేదము - కాండము 7 - సూక్తము 9
[మార్చు]ప్రపథే పథామజనిష్ట పూషా ప్రపథే దివః ప్రపథే పృథివ్యాః |
ఉభే అభి ప్రియతమే సధస్థే ఆ చ పరా చ చరతి ప్రజానన్ ||1||
పూషేమా ఆశా అను వేద సర్వాః సో అస్మాఁ అభయతమేన నేషత్ |
స్వస్తిదా ఆఘృణిః సర్వవీరో ऽప్రయుఛన్పుర ఏతు ప్రజానన్ ||2||
పూషన్తవ వ్రతే వయం న రిష్యేమ కదా చన |
స్తోతారస్త ఇహ స్మసి ||3||
పరి పూషా పరస్తాద్ధస్తం దధాతు దక్షిణమ్ |
పునర్నో నష్టమాజతు సం నష్టేన గమేమహి ||4||
అధర్వణవేదము - కాండము 7 - సూక్తము 10
[మార్చు]యస్తే స్తనః శశయుర్యో మయోభూర్యః సుమ్నయుః సుహవో యః సుదత్రః |
యేన విశ్వా పుష్యసి వార్యాణి సరస్వతి తమిహ ధాతవే కః ||1||
| ←ముందరి అధ్యాయము | అధర్వణవేదము | తరువాతి అధ్యాయము→ |