అధర్వణవేదము - కాండము 6 - సూక్తములు 61 నుండి 70 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 61 నుండి 70 వరకూ) | తరువాతి అధ్యాయము→ |
అధర్వణవేదము - కాండము 6 - సూక్తము 61[మార్చు]
మహ్యమాపో మధుమదేరయన్తాం మహ్యం సూరో అభరజ్జ్యోతిషే కమ్ |
మహ్యం దేవా ఉత విశ్వే తపోజా మహ్యం దేవః సవితా వ్యచో ధాత్ ||1||
అహం వివేచ పృథివీముత ద్యామహమృతూంరజనయం సప్త సాకమ్ |
అహం సత్యమనృతం యద్వదామ్యహం దైవీం పరి వాచమ్విశశ్చ ||2||
అహం జజాన పృథివీముత ద్యామహమృతూంరజనయం సప్త సిన్ధూన్ |
అహం సత్వమనృతం యద్వదామి యో అగ్నీషోమావజుషే సఖాయా ||3||
అధర్వణవేదము - కాండము 6 - సూక్తము 62[మార్చు]
వైశ్వానరో రశ్మిభిర్నః పునాతు వాతః ప్రాణేనేషిరో నభోభిః |
ద్యావాపృథివీ పయసా పయస్వతీ ఋతావరీ యజ్ఞియే న పునీతామ్ ||1||
వైశ్వానరీం సూనృతామా రభధ్వం యస్యా ఆశాస్తన్వో వీతపృష్ఠాః |
తయా గృణన్తః సధమాదేషు వయం స్యామ పతయో రయీనామ్ ||2||
వైశ్వానరీం వర్చస ఆ రభధ్వం శుద్ధా భవన్తః శుచయః పావకాః |
ఇహేడయా సధమాదం మదన్తో జ్యోక్పశ్యేమ సూర్యముచ్చరన్తమ్ ||3||
అధర్వణవేదము - కాండము 6 - సూక్తము 63[మార్చు]
యత్తే దేవీ నిరృతిరాబబన్ధ దామ గ్రీవాస్వవిమోక్యం యత్ |
తత్తే వి ష్యామ్యాయుషే వర్చసే బలాయాదోమదమన్నమద్ధి ప్రసూతః ||1||
నమో ऽస్తు తే నిరృతే తిగ్మతేజో ऽయస్మయాన్వి చృతా బన్ధపాశాన్ |
యమో మహ్యమ్పునరిత్త్వామ్దదాతి తస్మై యమాయ నమో అస్తు మృత్యవే ||2||
అయస్మయే ద్రుపదే బేధిషే ఇహాభిహితో మృత్యుభిర్యే సహస్రమ్ |
యమేన త్వం పితృభిః సంవిదాన ఉత్తమం నాకమధి రోహయేమమ్ ||3||
సంసమిద్యువసే వృషన్నగ్నే విశ్వాన్యర్య ఆ |
ఇడస్పదే సమిధ్యసే స నో వసూన్యా భర ||4||
అధర్వణవేదము - కాండము 6 - సూక్తము 64[మార్చు]
సం జానీధ్వం సం పృచ్యధ్వం సం వో మనాంసి జానతామ్ |
దేవా భాగం యథా పూర్వే సమ్జానానా ఉపాసతే ||1||
సమానో మన్త్రః సమితిః సమానీ సమానం వ్రతం సహ చిత్తమేషామ్ |
సమానేన వో హవిషా జుహోమి సమానం చేతో అభిసంవిశధ్వమ్ ||2||
సమానీ వ ఆకూతిః సమానా హృదయాని వః |
సమానమస్తు వో మనః యథా వః సుసహాసతి ||3||
అధర్వణవేదము - కాండము 6 - సూక్తము 65[మార్చు]
అవ మన్యురవాయతావ బాహూ మనోయుజా |
పరాశర త్వం తేషామ్పరాఞ్చం శుష్మమర్దయాధా నో రయిమా కృధి ||1||
నిర్హస్తేభ్యో నైర్హస్తమ్యం దేవాః శరుమస్యథ |
వృశ్చామి శత్రూణాం బాహూననేన హవిషా ऽహమ్ ||2||
ఇన్ద్రశ్చకార ప్రథమం నైర్హస్తమసురేభ్యః |
జయన్తు సత్వానో మమ స్థిరేణేన్ద్రేణ మేదినా ||3||
అధర్వణవేదము - కాండము 6 - సూక్తము 66[మార్చు]
నిర్హస్తః శత్రురభిదాసన్నస్తు యే సేనాభిర్యుధమాయన్త్యస్మాన్ |
సమర్పయేన్ద్ర మహతా వధేన ద్రాత్వేషామఘహారో వివిద్ధః ||1||
ఆతన్వానా ఆయఛన్తో ऽస్యన్తో యే చ ధావథ |
నిర్హస్తాః శత్రవః స్థనేన్ద్రో వో ऽద్య పరాశరీత్ ||2||
నిర్హస్తాః సన్తు శత్రవో ऽఙ్గైషాం మ్లాపయామసి |
అథైషామిన్ద్ర వేదాంసి శతశో వి భజామహై ||3||
అధర్వణవేదము - కాండము 6 - సూక్తము 67[మార్చు]
పరి వర్త్మాని సర్వత ఇన్ద్రః పూషా చ సస్రతుః |
ముహ్యన్త్వద్యామూః సేనా అమిత్రాణాం పరస్తరామ్ ||1||
మూఢా అమిత్రాశ్చరతాశీర్షాణ ఇవాహయః |
తేషాం వో అగ్నిమూఢానామిన్ద్రో హన్తు వరంవరమ్ ||2||
అैషు నహ్య వృషాజినం హరిణస్య భియం కృధి |
పరాఙమిత్ర ఏషత్వర్వాచీ గౌరుపేషతు ||3||
అధర్వణవేదము - కాండము 6 - సూక్తము 68[మార్చు]
ఆయమగన్త్సవితా క్షురేణోష్ణేన వాయ ఉదకేనేహి |
ఆదిత్యా రుద్రా వసవ ఉన్దన్తు సచేతసః సోమస్య రాజ్ఞో వపత ప్రచేతసః ||1||
అదితిః శ్మశ్రు వపత్వాప ఉన్దన్తు వర్చసా |
చికిత్సతు ప్రజాపతిర్దీర్ఘాయుత్వాయ చక్షసే ||2||
యేనావపత్సవితా క్షురేణ సోమస్య రాజ్ఞో వరుణస్య విద్వాన్ |
తేన బ్రహ్మాణో వపతేదమస్య గోమానశ్వవానయమస్తు ప్రజావాన్ ||3||
అధర్వణవేదము - కాండము 6 - సూక్తము 69[మార్చు]
గిరావరగరాటేషు హిరన్యే గోషు యద్యశః |
సురాయాం సిచ్యమానాయాం కీలాలే మధు తన్మయి ||1||
అశ్వినా సారఘేణ మా మధునాఙ్క్తం శుభస్పతీ |
యథా భర్గస్వతీం వాచమావదాని జనాఁ అను ||2||
మయి వర్చో అథో యశో ऽథో యజ్ఞస్య యత్పయః |
తన్మయి ప్రజాపతిర్దివి ద్యామివ దృంహతు ||3||
అధర్వణవేదము - కాండము 6 - సూక్తము 70[మార్చు]
యథా మాంసమ్యథా సురా యథాక్షా అధిదేవనే |
యథా పుంసో వృషణ్యత స్త్రియాం నిహన్యతే మనః |
ఏవా తే అఘ్న్యే మనో ऽధి వత్సే ని హన్యతామ్ ||1||
యథా హస్తీ హస్తిన్యాః పదేన పదముద్యుజే |
యథా పుంసో వృషణ్యత స్త్రియాం నిహన్యతే మనః |
ఏవా తే అఘ్న్యే మనో ऽధి వత్సే ని హన్యతామ్ ||2||
యథా ప్రధిర్యథోపధిర్యథా నభ్యం ప్రధావధి |
యథా పుంసో వృషణ్యత స్త్రియాం నిహన్యతే మనః |
ఏవా తే అఘ్న్యే మనో ऽధి వత్సే ని హన్యతామ్ ||3||
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 61 నుండి 70 వరకూ) | తరువాతి అధ్యాయము→ |