అధర్వణవేదము - కాండము 6 - సూక్తములు 111 నుండి 120 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 111 నుండి 120 వరకూ) | తరువాతి అధ్యాయము→ |
అధర్వణవేదము - కాండము 6 - సూక్తము 111[మార్చు]
ఇమమ్మే అగ్నే పురుషమ్ముముగ్ధ్యయం యో బద్ధః సుయతో లాలపీతి |
అతో ऽధి తే కృణవద్భాగధేయం యదానున్మదితో ऽసతి ||1||
అగ్నిష్టే ని శమయతు యది తే మన ఉద్యతమ్ |
కృణోమి విద్వాన్భేషజం యథానున్మదితో ऽససి ||2||
దేవైనసాదున్మదితమున్మత్తమ్రక్షసస్పరి |
కృణోమి విద్వాన్భేషజం యదానున్మదితో ऽసతి ||3||
పునస్త్వా దురప్సరసః పునరిన్ద్రః పునర్భగః |
పునస్త్వా దుర్విశ్వే దేవా యథానున్మదితో ऽససి ||4||
అధర్వణవేదము - కాండము 6 - సూక్తము 112[మార్చు]
మా జ్యేష్ఠం వధీదయమగ్న ఏషామ్మూలబర్హణాత్పరి పాహ్యేనమ్ |
స గ్రాహ్యాః పాశాన్వి చృత ప్రజానన్తుభ్యం దేవా అను జానన్తు విశ్వే ||1||
ఉన్ముఞ్చ పాశాంస్త్వమగ్న ఏషాం త్రయస్త్రిభిరుత్సితా యేభిరాసన్ |
స గ్రాహ్యాః పాశాన్వి చృత ప్రజానన్పితాపుత్రౌ మాతరం ముఞ్చ సర్వాన్ ||2||
యేభిః పాశైః పరివిత్తో విబద్ధో ऽఙ్గేఅఙ్గ ఆర్పిత ఉత్సితశ్చ |
వి తే ముచ్యన్తం విముచో హి సన్తి భ్రూణఘ్ని పూషన్దురితాని మృక్ష్వ ||3||
అధర్వణవేదము - కాండము 6 - సూక్తము 113[మార్చు]
త్రితే దేవా అమృజతైతదేనస్త్రిత ఏనన్మనుష్యేషు మమృజే |
తతో యది త్వా గ్రాహిరానశే తాం తే దేవా బ్రహ్మణా నాశయన్తు ||1||
మరీచీర్ధూమాన్ప్ర విశాను పాప్మన్నుదారాన్గఛోత వా నీహారాన్ |
నదీనం పేనామను తాన్వి నశ్య భ్రూణఘ్ని పూషన్దురితాని మృక్ష్వ ||2||
ద్వాదశధా నిహితం త్రితస్యాపమృష్టమ్మనుష్యైనసాని |
తతో యది త్వా గ్రాహిరానశే తాం తే దేవా బ్రహ్మణా నాశయన్తు ||3||
అధర్వణవేదము - కాండము 6 - సూక్తము 114[మార్చు]
యద్దేవా దేవహేదనం దేవాసశ్చకృమ వయమ్ |
ఆదిత్యాస్తస్మాన్నో యుయమృతస్య ఋతేన ముఞ్చత ||1||
ఋతస్య ఋతేనాదిత్యా యజత్రా ముఞ్చతేహ నః |
యజ్ఞం యద్యజ్ఞవాహసః శిక్షన్తో నోపశేకిమ ||2||
మేదస్వతా యజమానాః స్రుచాజ్యాని జుహ్వతః |
అకామా విశ్వే వో దేవాః శిక్షన్తో నోప శేకిమ ||3||
అధర్వణవేదము - కాండము 6 - సూక్తము 115[మార్చు]
యద్విద్వామ్సో యదవిద్వాంస ఏనాంసి చకృమా వయమ్ |
యూయం నస్తస్మాన్ముఞ్చత విశ్వే దేవాః సజోషసహ్ ||1||
యది జాగ్రద్యది స్వపన్నేన ఏనస్యో ऽకరమ్ |
భూతం మా తస్మాద్భవ్యం చ ద్రుపదాదివ ముఞ్చతామ్ ||2||
ద్రుపదాదివ ముముచానః స్విన్నః స్నాత్వా మలాదివ |
పూతం పవిత్రేణేవాజ్యం విశ్వే శుమ్భన్తు మైనసః ||3||
అధర్వణవేదము - కాండము 6 - సూక్తము 116[మార్చు]
యద్యామమ్చక్రుర్నిఖనన్తో అగ్రే కార్షీవణా అన్నవిదో న విద్యయా |
వైవస్వతే రాజని తజ్జుహోమ్యథ యజ్ఞియం మధుమదస్తు నో ऽన్నమ్ ||1||
వైవస్వతః కృణవద్భాగధేయం మధుభాగో మధునా సం సృజాతి |
మాతుర్యదేన ఇషితం న ఆగన్యద్వా పితా ऽపరాద్ధో జిహీదే ||2||
యదీదం మాతుర్యది పితుర్నః పరి భ్రాతుః పుత్రాచ్చేతస ఏన ఆగన్ |
యావన్తో అస్మాన్పితరః సచన్తే తేషాం సర్వేషాం శివో అస్తు మన్యుః ||3||
అధర్వణవేదము - కాండము 6 - సూక్తము 117[మార్చు]
అపమిత్యమప్రతీత్తం యదస్మి యమస్య యేన బలినా చరామి |
ఇదం తదగ్నే అనృణో భవామి త్వం పాశాన్విచృతం వేత్థ సర్వాన్ ||1||
ఇహైవ సన్తః ప్రతి దద్మ ఏనజ్జీవా జీవేభ్యో ని హరామ ఏనత్ |
అపమిత్య ధాన్య1ం యజ్జఘసాహమిదం తదగ్నే అనృణో భవామి ||2||
అనృణా అస్మిన్ననృణాః పరస్మిన్తృతీయే లోకే అనృణాః స్యామ |
యే దేవయానాః పితృయాణశ్చ లోకాః సర్వాన్పథో అనృణా ఆ క్షియేమ ||3||
అధర్వణవేదము - కాండము 6 - సూక్తము 118[మార్చు]
యద్ధస్తాభ్యాం చకృమ కిల్బిషాన్యక్షానాం గత్నుముపలిప్సమానాః |
ఉగ్రంపశ్యే ఉగ్రజితౌ తదద్యాప్సరసావను దత్తామృణం నః ||1||
ఉగ్రంపశ్యే రాష్ట్రభృత్కిల్బిషాణి యదక్షవృత్తమను దత్తమ్న ఏతత్ |
ఋణాన్నో న ఋణమేర్త్సమానో యమస్య లోకే అధిరజ్జురాయత్ ||2||
యస్మా ఋణం యస్య జాయాముపైమి యం యాచమానో అభ్యైమి దేవాః |
తే వాచం వాదిషుర్మోత్తరాం మద్దేవపత్నీ అప్సరసావధీతమ్ ||3||
అధర్వణవేదము - కాండము 6 - సూక్తము 119[మార్చు]
యదదీవ్యన్నృణమహం కృణోమ్యదాస్యన్నగ్నే ఉత సంగృణామి |
వైశ్వానరో నో అధిపా వసిష్ఠ ఉదిన్నయాతి సుకృతస్య లోకమ్ ||1||
వైశ్వానరాయ ప్రతి వేదయామి యది ఋణం సంగరో దేవతాసు |
స ఏతాన్పాశాన్విచృతమ్వేద సర్వానథ పక్వేన సహ సం భవేమ ||2||
వైశ్వానరః పవితా మా పునాతు యత్సంగరమభిధావామ్యాశామ్ |
అనాజానన్మనసా యాచమానో యత్తత్రైనో అప తత్సువామి ||3||
అధర్వణవేదము - కాండము 6 - సూక్తము 120[మార్చు]
యదన్తరిక్షం పృథివీముత ద్యామ్యన్మాతరం పితరం వా జిహింసిమ |
అయం తస్మాద్గార్హపత్యో నో అగ్నిరుదిన్నయాతి సుకృతస్య లోకమ్ ||1||
భూమిర్మాతాదితిర్నో జనిత్రం భ్రాతాన్తరిక్షమభిశస్త్యా నః |
ద్యౌర్నః పితా పిత్ర్యాచ్ఛం భవాతి జామిమృత్వా మావ పత్సి లోకాత్ ||2||
యత్రా సుహార్దః సుకృతో మదన్తి విహాయ రోగం తన్వః స్వాయాః |
అశ్లోనా అఙ్గైరహ్రుతాః స్వర్గే తత్ర పశ్యేమ పితరౌ చ పుత్రాన్ ||3||
| ←ముందరి అధ్యాయము | అధర్వణవేదము | తరువాతి అధ్యాయము→ |