అధర్వణవేదము - కాండము 6 - సూక్తములు 101 నుండి 110 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 101 నుండి 110 వరకూ) | తరువాతి అధ్యాయము→ |
అధర్వణవేదము - కాండము 6 - సూక్తము 101
[మార్చు]ఆ వృషాయస్వ శ్వసిహి వర్ధస్వ ప్రథయస్వ చ |
యథాఙ్గం వర్ధతాం శేపస్తేన యోషితమిజ్జహి ||1||
యేన కృషం వాజయన్తి యేన హిన్వన్త్యాతురమ్ |
తేనాస్య బ్రహ్మణస్పతే ధనురివా తానయా పసః ||2||
ఆహం తనోమి తే పసో అధి జ్యామివ ధన్వని |
క్రమస్వ ఋష ఇవ రోహితమనవగ్లాయతా సదా ||3||
అధర్వణవేదము - కాండము 6 - సూక్తము 102
[మార్చు]యథయం వాహో అశ్వినా సమైతి సం చ వర్తతే |
ఏవా మామభి తే మనః సమైతు సం చ వర్తతామ్ ||1||
ఆహం ఖిదామి తే మనో రాజాశ్వః పృష్ట్యామివ |
రేష్మఛిన్నమ్యథా తృణం మయి తే వేష్టతాం మనః ||2||
ఆఞ్జనస్య మదుఘస్య కుష్ఠస్య నలదస్య చ |
తురో భగస్య హస్తాభ్యామనురోధనముద్భరే ||3||
అధర్వణవేదము - కాండము 6 - సూక్తము 103
[మార్చు]సందానం వో బృహస్పతిః సందానం సవితా కరత్ |
సందానం మిత్రో అర్యమా సందానం భగో అశ్వినా ||1||
సమ్పరమాన్త్సమవమానథో సం ద్యామి మధ్యమాన్ |
ఇన్ద్రస్తాన్పర్యహార్దామ్నా తానగ్నే సం ద్యా త్వమ్ ||2||
అమీ యే యుధమాయన్తి కేతూన్కృత్వానీకశః |
ఇన్ద్రస్తాన్పర్యహార్దామ్న తానగ్నే సం ద్యా త్వమ్ ||3||
అధర్వణవేదము - కాండము 6 - సూక్తము 104
[మార్చు]ఆదానేన సందానేనామిత్రానా ద్యామసి |
అపానా యే చైషాం ప్రాణా అసునాసూన్త్సమఛిదన్ ||1||
ఇదమాదానమకరం తపసేన్ద్రేణ సంశితమ్ |
అమిత్రా యే ऽత్ర నః సన్తి తానగ్న ఆ ద్యా త్వమ్ ||2||
అैనాన్ద్యతామిన్ద్రాగ్నీ సోమో రాజా చ మేదినౌ |
ఇన్ద్రో మరుత్వానాదానమమిత్రేభ్యః కృణోతు నః ||3||
అధర్వణవేదము - కాండము 6 - సూక్తము 105
[మార్చు]యథా మనో మనస్కేతైః పరాపతత్యాశుమత్ |
ఏవా త్వం కాసే ప్ర పత మనసో ऽను ప్రవాయ్యమ్ ||1||
యథా బాణః సుసంశితః పరాపతత్యాశుమత్ |
ఏవా త్వం కాసే ప్ర పత పృథివ్యా అను సంవతమ్ ||2||
యథా సూర్యస్య రశ్మయః పరాపతన్త్యాశుమత్ |
ఏవా త్వం కాసే ప్ర పత సముద్రస్యాను విక్షరమ్ ||3||
అధర్వణవేదము - కాండము 6 - సూక్తము 106
[మార్చు]ఆయనే తే పరాయనే దూర్వా రోహన్తు పుష్పిణీః |
ఉత్సో వా తత్ర జాయతామ్హ్రదో వా పుణ్డరీకవాన్ ||1||
అపామిదం న్యయనం సముద్రస్య నివేశనమ్ |
మధ్యే హ్రదస్య నో గృహాః పరాచీనా ముఖా కృధి ||2||
హిమస్య త్వా జరాయుణా శాలే పరి వ్యయామసి |
శీతహ్రదా హి నో భువో ऽగ్నిష్కృణోతు భేషజమ్ ||3||
అధర్వణవేదము - కాండము 6 - సూక్తము 107
[మార్చు]విశ్వజిత్త్రాయమాణాయై మా పరి దేహి |
త్రాయమాణే ద్విపాచ్చ సర్వం నో రక్ష చతుష్పాడ్యచ్చ నః స్వమ్ ||1||
త్రాయమాణే విశ్వజితే మా పరి దేహి |
విశ్వజిద్ద్విపాచ్చ సర్వం నో రక్ష చతుష్పాడ్యచ్చ నః స్వమ్ ||2||
విశ్వజిత్కల్యాణ్యై మా పరి దేహి |
కల్యాణి ద్విపాచ్చ సర్వం నో రక్ష చతుష్పాడ్యచ్చ నః స్వమ్ ||3||
కల్యాణి సర్వవిదే మా పరి దేహి |
సర్వవిద్ద్విపాచ్చ సర్వం నో రక్ష చతుష్పాడ్యచ్చ నః స్వమ్ ||4||
అధర్వణవేదము - కాండము 6 - సూక్తము 108
[మార్చు]త్వం నో మేధే ప్రథమా గోభిరశ్వేభిరా గహి |
త్వం సూర్యస్య రశ్మిభిస్త్వమ్నో అసి యజ్ఞియా ||1||
మేధామహం ప్రథమాం బ్రహ్మణ్వతీం బ్రహ్మజూతామృషిష్టుతామ్ |
ప్రపీతాం బ్రహ్మచారిభిర్దేవానామవసే హువే ||2||
యాం మేధామృభవో విదుర్యాం మేధామసురా విదుః |
ఋషయో భద్రాం మేధాం యాం విదుస్తాం మయ్యా వేశయామసి ||3||
యామృషయో భూతకృతో మేధాం మేధావినో విదుః |
తయా మామద్య మేధయాగ్నే మేధావినం కృణు ||4||
మేధాం సాయం మేధాం ప్రాతర్మేధాం మధ్యన్దినం పరి |
మేధాం సూర్యస్య రశ్మిభిర్వచసా వేశయామహే ||5||
అధర్వణవేదము - కాండము 6 - సూక్తము 109
[మార్చు]పిప్పలీ క్షిప్తభేషజ్యు3తాతివిద్ధభేషజీ |
తాం దేవాః సమకల్పయన్నియం జీవితవా అలమ్ ||1||
పిప్పల్య1ః సమవదన్తాయతీర్జననాదధి |
యం జీవమశ్నవామహై న స రిష్యాతి పూరుషః ||2||
అసురాస్త్వా న్యఖనన్దేవాస్త్వోదవపన్పునః |
వాతీకృతస్య భేషజీమథో క్షిప్తస్య భేషజీమ్ ||3||
అధర్వణవేదము - కాండము 6 - సూక్తము 110
[మార్చు]ప్రత్నో హి కమీడ్యో అధ్వరేషు సనాచ్చ హోతా నవ్యశ్చ సత్సి |
స్వామ్చాగ్నే తన్వం పిప్రాయస్వాస్మభ్యం చ సౌభగమా యజస్వ ||1||
జ్యేష్ఠఘ్న్యాం జాతో విచృతోర్యమస్య మూలబర్హణాత్పరి పాహ్యేనమ్ |
అత్యేనమ్నేషద్దురితాని విశ్వా దీర్ఘాయుత్వాయ శతశారదాయ ||2||
వ్యాఘ్రే ऽహ్న్యజనిష్ట వీరో నక్షత్రజా జాయమానః సువీరః |
స మా వధీత్పితరం వర్ధమానో మా మాతరం ప్ర మినీజ్జనిత్రీమ్ ||3||
| ←ముందరి అధ్యాయము | అధర్వణవేదము | తరువాతి అధ్యాయము→ |