అధర్వణవేదము - కాండము 5 - సూక్తములు 6 నుండి 10 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 5 - సూక్తములు 6 నుండి 10 వరకూ) | తరువాతి అధ్యాయము→ |
అధర్వణవేదము - కాండము 5 - సూక్తము 6
[మార్చు]బ్రహ్మ జజ్ఞానం ప్రథమం పురస్తాద్వి సీమతః సురుచో వేన ఆవః |
స బుధ్న్యా ఉపమా అస్య విష్ఠాః సతశ్చ యోనిమసతశ్చ వి వః ||౧||
అనాప్తా యే వః ప్రథమా యాని కర్మాణి చక్రిరే |
వీరాన్నో అత్ర మా దభన్తద్వ ఏతత్పురో దధే ||౨||
సహస్రధార ఏవ తే సమస్వరన్దివో నాకే మధుజిహ్వా అసశ్చతః |
తస్య స్పశో న ని మిషన్తి భూర్ణయః పదేపదే పాశినః సన్తి సేతవే ||౩||
పుర్యు షు ప్ర ధన్వా వాజసాతయే పరి వృత్రాణి సక్షణిః |
ద్విషస్తదధ్యర్ణవేనేయసే సనిస్రసో నామాసి త్రయోదశో మాస ఇన్ద్రస్య గృహః ||౪||
న్వే౩తేనారాత్సీరసౌ స్వాహా |
తిగ్మాయుధౌ తిగ్మహేతీ సుషేవౌ సోమారుద్రావిహ సు మృడతం నః ||౫||
అవైతేనారాత్సీరసౌ స్వాహా |
తిగ్మాయుధౌ తిగ్మహేతీ సుషేవౌ సోమారుద్రావిహ సు మృడతం నః ||౬||
అపైతేనారాత్సీరసౌ స్వాహా |
తిగ్మాయుధౌ తిగ్మహేతీ సుషేవౌ సోమారుద్రావిహ సు మృడతం నః ||౭||
ముముక్తమస్మాన్దురితాదవద్యాజ్జుషేథామ్యజ్ఞమమృతమస్మాసు ధత్తమ్ ||౮||
చక్షుషో హేతే మనసో హేతే బ్రహ్మణో హేతే తపసశ్చ హేతే |
మేన్యా మేనిరస్యమేనయస్తే సన్తు యే ऽస్మాఁ అభ్యఘాయన్తి ||౯||
యో౩ ऽస్మాంశ్చక్షుషా మనసా చిత్త్యాకూత్యా చ యో అఘాయురభిదాసాత్ |
త్వం తానగ్నే మేన్యామేనీన్కృణు స్వాహా ||౧౦||
ఇన్ద్రస్య గృహో ऽసి |
తం త్వా ప్ర పద్యే తం త్వా ప్ర విశామి సర్వగుః సర్వపూరుషః సర్వాత్మా సర్వతనూః సహ యన్మే ऽస్తి తేన ||౧౧||
ఇన్ద్రస్య శర్మాసి |
తం త్వా ప్ర పద్యే తం త్వా ప్ర విశామి సర్వగుః సర్వపూరుషః సర్వాత్మా సర్వతనూః సహ యన్మే ऽస్తి తేన ||౧౨||
ఇన్ద్రస్య వర్మాసి |
తం త్వా ప్ర పద్యే తం త్వా ప్ర విశామి సర్వగుః సర్వపూరుషః సర్వాత్మా సర్వతనూః సహ యన్మే ऽస్తి తేన ||౧౩||
ఇన్ద్రస్య వరూథమసి |
తం త్వా ప్ర పద్యే తం త్వా ప్ర విశామి సర్వగుః సర్వపూరుషః సర్వాత్మా సర్వతనూః సహ యన్మే ऽస్తి తేన ||౧౪||
అధర్వణవేదము - కాండము 5 - సూక్తము 7
[మార్చు]ఆ నో భర మా పరి ష్ఠా అరాతే మా నో రక్షీర్దక్షిణాం నీయమానామ్ |
నమో వీర్త్సాయా అసమృద్ధయే నమో అస్త్వరాతయే ||౧||
యమరాతే పురోధత్సే పురుషం పరిరాపిణమ్ |
నమస్తే తస్మై కృణ్మో మా వనిం వ్యథయీర్మమ ||౨||
ప్ర ణో వనిర్దేవకృతా దివా నక్తం చ కల్పతామ్ |
అరాతిమనుప్రేమో వయం నమో అస్త్వరాతయే ||౩||
సరస్వతీమనుమతిమ్భగమ్యన్తో హవామహే |
వాచమ్జుష్టాం మధుమతీమవాదిషం దేవానాం దేవహూతిషు ||౪||
యం యాచామ్యహం వాచా సరస్వత్యా మనోయుజా |
శ్రద్ధా తమద్య విన్దతు దత్తా సోమేన బభ్రుణా ||౫||
మా వనిం మా వాచం నో వీర్త్సీరుభావిన్ద్రాగ్నీ ఆ భరతాం నో వసూని |
సర్వే నో అద్య దిత్సన్తో ऽరాతిం ప్రతి హర్యత ||౬||
పరో ऽపేహ్యసమృద్ధే వి తే హేతిమ్నయామసి |
వేద త్వాహం నిమీవన్తీం నితుదన్తీమరాతే ||౭||
ఉత నగ్నా బోభువతీ స్వప్నయా సచసే జనమ్ |
అరాతే చిత్తమ్వీర్త్సన్త్యాకూతిమ్పురుషస్య చ ||౮||
యా మహతీ మహోన్మానా విశ్వా ఆశా వ్యానశే |
తస్యై హిరణ్యకేశ్యై నిరృత్యా అకరం నమః ||౯||
హిరణ్యవర్ణా సుభగా హిరణ్యకశిపుర్మహీ |
తస్యై హిరణ్యద్రాపయే ऽరాత్యా అకరం నమః ||౧౦||
అధర్వణవేదము - కాండము 5 - సూక్తము 8
[మార్చు]వైకఙ్కతేనేధ్మేన దేవేభ్య ఆజ్యం వహ |
అగ్నే తామిహ మాదయ సర్వ ఆ యన్తు మే హవమ్ ||౧||
ఇన్ద్రా యాహి మే హవమిదం కరిష్యామి తచ్ఛృణు |
ఇమ అैన్ద్రా అతిసరా ఆకూతిం సం నమన్తు మే |
తేభిః శకేమ వీర్య౧ం జాతవేదస్తనూవశిన్ ||౨||
యదసావముతో దేవా అదేవః సంశ్చికీర్షతి |
మా తస్యాగ్నిర్హవ్యం వాక్షీద్ధవం దేవా అస్య మోప గుర్మమైవ హవమేతన ||౩||
అతి ధావతాతిసరా ఇన్ద్రస్య వచసా హత |
అవిం వృక ఇవ మథ్నీత స వో జీవన్మా మోచి ప్రానమస్యాపి నహ్యత ||౪||
యమమీ పురోదధిరే బ్రహ్మాణమపభూతయే |
ఇన్ద్ర స తే అధస్పదం తం ప్రత్యస్యామి మృత్యవే ||౫||
యది ప్రేయుర్దేవపురా బ్రహ్మ వర్మాణి చక్రిరే |
తనూపానం పరిపాణం కృణ్వానా యదుపోచిరే సర్వం తదరసం కృధి ||౬||
యానసావతిసరాంశ్చకార కృణవచ్చ యాన్ |
త్వం తానిన్ద్ర వృత్రహన్ప్రతీచః పునరా కృధి యథాముం తృణహాం జనమ్ ||౭||
యథేన్ద్ర ఉద్వాచనం లబ్ధ్వా చక్రే అధస్పదమ్ |
కృణ్వే ऽహమధరాన్తథా అమూఞ్ఛశ్వతీభ్యః సమాభ్యః ||౮||
అత్రైనానిన్ద్ర వృత్రహన్నుగ్రో మర్మణి విధ్య |
అత్రైవైనానభి తిష్ఠేన్ద్ర మేద్య౧హం తవ |
అను త్వేన్ద్రా రభామహే స్యామ సుమతౌ తవ ||౯||
అధర్వణవేదము - కాండము 5 - సూక్తము 9
[మార్చు]దివే స్వాహా ||౧||
పృథివ్యై స్వాహా ||౨||
అన్తరిక్షాయ స్వాహా ||౩||
అన్తరిక్షాయ స్వాహా ||౪||
దివే స్వాహా ||౫||
పృథివ్యై స్వాహా ||౬||
సూర్యో మే చక్షుర్వాతః ప్రాణో ऽన్తరిక్షమాత్మా పృథివీ శరీరమ్ |
అస్తృతో నామాహమయమస్మి స ఆత్మానం ని దధే ద్యావాపృథివీభ్యాం గోపీథాయ ||౭||
ఉదాయురుద్బలముత్కృతముత్కృత్యామున్మనీషాముదిన్ద్రియమ్ |
ఆయుష్కృదాయుష్పత్నీ స్వధావన్తౌ గోపా మే స్తం గోపాయతం మా |
ఆత్మసదౌ మే స్తం మా మా హింసిష్టమ్ ||౮||
అధర్వణవేదము - కాండము 5 - సూక్తము 10
[మార్చు]అశ్మవర్మ మే ऽసి యో మా ప్రాచ్యా దిశో ऽఘాయురభిదాసాత్ |
ఏతత్స ఋఛాత్ ||౧||
అశ్మవర్మ మే ऽసి యో మా దక్షిణాయా దిశో ऽఘాయురభిదాసాత్ |
ఏతత్స ఋఛాత్ ||౨||
అశ్మవర్మ మే ऽసి యో మా ప్రతీచ్యా దిశో ऽఘాయురభిదాసాత్ |
ఏతత్స ఋఛాత్ ||౩||
అశ్మవర్మ మే ऽసి యో మోదీచ్యా దిశో ऽఘాయురభిదాసాత్ |
ఏతత్స ఋఛాత్ ||౪||
అశ్మవర్మ మే ऽసి యో మా ధ్రువాయా దిశో ऽఘాయురభిదాసాత్ |
ఏతత్స ఋఛాత్ ||౫||
అశ్మవర్మ మే ऽసి యో మోర్ధ్వాయా దిశో ऽఘాయురభిదాసాత్ |
ఏతత్స ఋఛాత్ ||౬||
అశ్మవర్మ మే ऽసి యో మా దిశామన్తర్దేశేభ్యో ऽఘాయురభిదాసాత్ |
ఏతత్స ఋఛాత్ ||౭||
బృహతా మన ఉప హ్వయే మాతరిశ్వనా ప్రాణాపానౌ |
సూర్యాచ్చక్షురన్తరిక్షాచ్ఛ్రోత్రం పృథివ్యాః శరీరమ్ |
సరస్వత్యా వాచముప హ్వయామహే మనోయుజా ||౮||
| ←ముందరి అధ్యాయము | అధర్వణవేదము | తరువాతి అధ్యాయము→ |