అధర్వణవేదము - కాండము 5 - సూక్తములు 26 నుండి 31 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 5 - సూక్తములు 26 నుండి 31 వరకూ) | తరువాతి అధ్యాయము→ |
అధర్వణవేదము - కాండము 5 - సూక్తము 26[మార్చు]
యజూంషి యజ్ఞే సమిధః స్వాహాగ్నిః ప్రవిద్వానిహ వో యునక్తు ||౧||
యునక్తు దేవః సవితా ప్రజానన్నస్మిన్యజ్ఞే మహిషః స్వాహా ||౨||
ఇన్ద్ర ఉక్థామదాన్యస్మిన్యజ్ఞే ప్రవిద్వాన్యునక్తు సుయుజః స్వాహా ||౩||
ప్రైషా యజ్ఞే నివిదః స్వాహా శిష్టాః పత్నీభిర్వహతేహ యుక్తాః ||౪||
ఛన్దాంసి యజ్ఞే మరుతః స్వాహా మాతేవ పుత్రం పిపృతేహ యుక్తాః ||౫||
ఏయమగన్బర్హిషా ప్రోక్షణీభిర్యజ్ఞం తన్వానాదితిః స్వాహా ||౬||
విష్ణుర్యునక్తు బహుధా తపాంస్యస్మిన్యజ్ఞే సుయుజః స్వాహా ||౭||
త్వష్టా యునక్తు బహుధా ను రూపా అస్మిన్యజ్ఞే యునక్తు సుయుజః స్వాహా ||౮||
భగో యునక్త్వాశిషో న్వస్మా అస్మిన్యజ్ఞే ప్రవిద్వాన్యునక్తు సుయుజః స్వాహా ||౯||
సోమో యునక్తు బహుధా పయాంస్యస్మిన్యజ్ఞే సుయుజః స్వాహా ||౧౦||
ఇన్ద్రో యునక్తు బహుధా పయాంస్యస్మిన్యజ్ఞే సుయుజః స్వాహా ||౧౧||
అశ్వినా బ్రహ్మణా యాతమర్వాఞ్చౌ వషట్కారేణ యజ్ఞం వర్ధయన్తౌ |
బృహస్పతే బ్రహ్మణా యాహ్యర్వాఙ్యజ్ఞో అయం స్వరిదం యజమానాయ స్వాహా ||౧౨||
అధర్వణవేదము - కాండము 5 - సూక్తము 27[మార్చు]
ఊర్ధ్వా అస్య సమిధో భవన్త్యూర్ధ్వా శుక్రా శోచీష్యగ్నేః |
ద్యుమత్తమా సుప్రతీకః ససూనుస్తనూనపాదసురో భూరిపాణిః ||౧||
దేవో దేవేషు దేవః పథో అనక్తి మధ్వా ఘృతేన ||౨||
మధ్వా యజ్ఞమ్నక్షతి ప్రైణానో నరాశంసో అగ్నిః సుకృద్దేవః సవితా విశ్వవారః ||౩||
అఛాయమేతి శవసా ఘృతా చిదీదానో వహ్నిర్నమసా ||౪||
అగ్నిః స్రుచో అధ్వరేషు ప్రయక్షు స యక్షదస్య మహిమానమగ్నేః ||౫||
తరీ మన్ద్రాసు ప్రయక్షు వసవశ్చాతిష్ఠన్వసుధాతరశ్చ ||౬||
ద్వారో దేవీరన్వస్య విశ్వే వ్రతం రక్షన్తి విశ్వహా ||౭||
ఉరువ్యచసాగ్నేర్ధామ్నా పత్యమానే |
ఆ సుష్వయన్తీ యజతే ఉపాకే ఉషాసానక్తేమం యజ్ఞమవతామధ్వరమ్నః ||౮||
దైవా హోతార ఊర్ధ్వమధ్వరం నో ऽగ్నేర్జిహ్వయాభి గృనత గృనతా నః స్విష్టయే |
తిస్రో దేవీర్బర్హిరేదం సదన్తామిడా సరస్వతీ మహీ భారతీ గృణానా ||౯||
తన్నస్తురీపమద్భుతం పురుక్షు |
దేవ త్వష్టా రాయస్పోషం వి ష్య నాభిమస్య ||౧౦||
వనస్పతే ऽవ సృజా రరాణః |
త్మనా దేవేభ్యో అగ్నిర్హవ్యం శమితా స్వదయతు ||౧౧||
అగ్నే స్వాహా కృణుహి జాతవేదః |
ఇన్ద్రాయ యజ్ఞం విశ్వే దేవా హవిరిదం జుషన్తామ్ ||౧౨||
అధర్వణవేదము - కాండము 5 - సూక్తము 28[మార్చు]
నవ ప్రాణాన్నవభిః సం మిమీతే దీర్ఘాయుత్వాయ శతశారదాయ |
హరితే త్రీణి రజతే త్రీన్యయసి త్రీణి తపసావిష్ఠితాని ||౧||
అగ్నిః సూర్యశ్చన్ద్రమా భూమిరాపో ద్యౌరన్తరిక్షం ప్రదిశో దిశశ్చ |
ఆర్తవా ఋతుభిః సంవిదానా అనేన మా త్రివృతా పారయన్తు ||౨||
త్రయః పోషస్త్రివృతి శ్రయన్తామనక్తు పూషా పయసా ఘృతేన |
అన్నస్య భూమా పురుషస్య భూమా భూమా పశూనాం త ఇహ శ్రయన్తామ్ ||౩||
ఇమమాదిత్యా వసునా సముక్షతేమమగ్నే వర్ధయ వవృధానః |
ఇమమిన్ద్ర సం సృజ వీర్యేణాస్మిన్త్రివృచ్ఛ్రయతాం పోషయిష్ణు ||౪||
భూమిష్ట్వా పాతు హరితేన విశ్వభృదగ్నిః పిపర్త్వయసా సజోషాః |
వీరుద్భిష్టే అర్జునం సంవిదానం దక్షం దధాతు సుమనస్యమానమ్ ||౫||
త్రేధా జాతమ్జన్మనేదం హిరణ్యమగ్నేరేకం ప్రియతమం బభూవ సోమస్యైకం హింసితస్య పరాపతత్ |
అపామేకం వేధసాం రేత ఆహుస్తత్తే హిరణ్యం త్రివృదస్త్వాయుషే ||౬||
త్ర్యాయుషం జమదగ్నేః కశ్యపస్య త్ర్యాయుషమ్ |
త్రేధామృతస్య చక్షణం త్రీణ్యాయూంషి తే ऽకరమ్ ||౭||
త్రయహ్సుపర్ణాస్త్రివృతా యదాయన్నేకాక్షరమభిసంభూయ శక్రాః |
ప్రత్యౌహన్మృత్యుమమృతేన సాకమన్తర్దధానా దురితాని విశ్వా ||౮||
దివస్త్వా పాతు హరితం మధ్యాత్త్వా పాత్వర్జునమ్ |
భూమ్యా అయస్మయం పాతు ప్రాగాద్దేవపూరా అయమ్ ||౯||
ఇమాస్తిస్రో దేవపురాస్తాస్త్వా రక్షన్తు సర్వతః |
తాస్త్వం బిభ్రద్వర్చస్వ్యుత్తరో ద్విషతాం భవ ||౧౦||
పురం దేవానామమృతం హిరణ్యమ్య ఆబేధే ప్రథమో దేవో అగ్రే |
తస్మై నమో దశ ప్రాచీః కృణోమ్యను మన్యతాం త్రివృదాబధే మే ||౧౧||
ఆ త్వా చృతత్వర్యమా పూషా బృహస్పతిః |
అహర్జాతస్య యన్నామ తేన త్వాతి చృతామసి ||౧౨||
ఋతుభిష్ట్వార్తవైరాయుషే వర్చసే త్వా |
సంవత్సరస్య తేజసా తేన సమ్హను కృణ్మసి ||౧౩||
ఘృతాదుల్లుప్తమ్మధునా సమక్తం భూమిదృంహమచ్యుతమ్పారయిష్ణు |
భిన్దత్సపత్నానధరాంశ్చ కృణ్వదా మా రోహ మహతే సౌభగాయ ||౧౪||
అధర్వణవేదము - కాండము 5 - సూక్తము 29[మార్చు]
పురస్తాద్యుక్తో వహ జాతవేదో ऽగ్నే విద్ధి క్రియమాణమ్యథేదమ్ |
త్వం భిషగ్భేషజస్యాసి కర్తా త్వయా గామశ్వం పురుషం సనేమ ||౧||
తథా తదగ్నే కృణు జాతవేదో విశ్వేభిర్దేవైః సహ సంవిదానః |
యో నో దిదేవ యతమో జఘాస యథా సో అస్య పరిధిష్పతాతి ||౨||
యథా సో అస్య పరిధిష్పతాతి తథా తదగ్నే కృణు జాతవేదః |
విశ్వేభిర్దేవైర్సహ సంవిదానః ||౩||
అక్ష్యౌ౩ ని విధ్య హృదయం ని విధ్య జిహ్వాం ని తృన్ద్ధి ప్ర దతో మృణీహి |
పిశాచో అస్య యతమో జఘాసాగ్నే యవిష్ఠ ప్రతి శృణీహి ||౪||
యదస్య హృతం విహృతం యత్పరాభృతమాత్మనో జగ్ధం యతమత్పిశాచైః |
తదగ్నే విద్వాన్పునరా భర త్వం శరీరే మాంసమసుమేరయామః ||౫||
ఆమే సుపక్వే శబలే విపక్వే యో మా పిశాచో అశనే దదమ్భ |
తదాత్మనా ప్రజయా పిశాచా వి యాతయన్తామగదో ऽయమస్తు ||౬||
క్షిరే మా మన్థే యతమో దదమ్భాకృష్టపచ్యే అశనే ధాన్యే౩ యః |
తదాత్మనా ప్రజయా పిశాచా వి యాతయన్తామగదో ऽయమస్తు ||౭||
అపాం మా పానే యతమో దదమ్భ క్రవ్యాద్యాతూనామ్శయనే శయానమ్ |
తదాత్మనా ప్రజయా పిశాచా వి యాతయన్తామగదో ऽయమస్తు ||౮||
దివా మా నక్తం యతమో దదమ్భ క్రవ్యాద్యాతూనామ్శయనే శయానమ్ |
తదాత్మనా ప్రజయా పిశాచా వి యాతయన్తామగదో ऽయమస్తు ||౯||
క్రవ్యాదమగ్నే రుధిరం పిశాచం మనోహనం జహి జాతవేదః |
తమిన్ద్రో వాజీ వజ్రేణ హన్తు ఛినత్తు సోమః శిరో అస్య ధృష్ణుః ||౧౦||
సనాదగ్నే మృణసి యాతుధానాన్న త్వా రక్షాంసి పృతనాసు జిగ్యుః |
సహమూరానను దహ క్రవ్యాదో మా తే హేత్యా ముక్షత దైవ్యాయాః ||౧౧||
సమాహర జాతవేదో యద్ధృతం యత్పరాభృతమ్ |
గాత్రాణ్యస్య వర్ధన్తామంశురివా ప్యాయతామయమ్ ||౧౨||
సోమస్యేవ జాతవేదో అంశురా ప్యాయతామయమ్ |
అగ్నే విరప్శినం మేధ్యమయక్ష్మం కృణు జీవతు ||౧౩||
ఏతాస్తే అగ్నే సమిధః పిశాచజమ్భనీః |
తాస్త్వం జుషస్వ ప్రతి చైనా గృహాణ జాతవేదః ||౧౪||
తార్ష్టాఘీరగ్నే సమిధః ప్రతి గృహ్ణాహ్యర్చిషా |
జహాతు క్రవ్యాద్రూపం యో అస్య మాంసం జిహీర్షతి ||౧౫||
అధర్వణవేదము - కాండము 5 - సూక్తము 30[మార్చు]
ఆవతస్త ఆవతః పరావతస్త ఆవతః |
ఇహైవ భవ మా ను గా మా పూర్వానను గాః పితౄనసుం బధ్నామి తే దృఢమ్ ||౧||
యత్త్వాభిచేరుః పురుషః స్వో యదరణో జనః |
ఉన్మోచనప్రమోచనే ఉభే వాచా వదామి తే ||౨||
యద్దుద్రోహిథ శేపిషే స్త్రియై పుంసే అచిత్త్యా |
ఉన్మోచనప్రమోచనే ఉభే వాచా వదామి తే ||౩||
యతేనసో మాతృకృతాచ్ఛేషే పితృకృతాచ్చ యత్ |
ఉన్మోచనప్రమోచనే ఉభే వాచా వదామి తే ||౪||
యత్తే మాతా యత్తే పితా జమిర్భ్రాతా చ సర్జతః |
ప్రత్యక్సేవస్వ భేషజం జరదష్టిం కృణోమి త్వా ||౫||
ఇహైధి పురుష సర్వేణ మనసా సహ |
దూతౌ యమస్య మాను గా అధి జీవపురా ఇహి ||౬||
అనుహూతః పునరేహి విద్వానుదయనం పథః |
ఆరోహణమాక్రమణం జీవతోజీవతో ऽయనమ్ ||౭||
మా బిభేర్న మరిష్యసి జరదష్టిం కృణోమి త్వా |
నిరవోచమహం యక్ష్మమఙ్గేభ్యో అఙ్గజ్వరం తవ ||౮||
అఙ్గభేదో అఙ్గజ్వరో యశ్చ తే హృదయామయః |
యక్ష్మః శ్యేన ఇవ ప్రాపప్తద్వచా సాఢః పరస్తరామ్ ||౯||
ఋషీ బోధప్రతీబోధావస్వప్నో యశ్చ జాగృవిః |
తౌ తే ప్రాణస్య గోప్తారౌ దివా నక్తం చ జాగృతామ్ ||౧౦||
అయమగ్నిరుపసద్య ఇహ సూర్య ఉదేతు తే |
ఉదేహి మృత్యోర్గమ్భీరాత్కృష్ణాచ్చిత్తమసస్పరి ||౧౧||
నమో యమాయ నమో అస్తు మృత్యవే నమః పితృభ్య ఉత యే నయన్తి |
ఉత్పారణస్య యో వేద తమగ్నిం పురో దధే ऽస్మా అరిష్టతాతయే ||౧౨||
అతు ప్రాణ అैతు మన అैతు చక్షురథో బలమ్ |
శరీరమస్య సమ్విదాం తత్పద్భ్యాం ప్రతి తిష్ఠతు ||౧౩||
ప్రాణేనాగ్నే చక్షుషా సం సృజేమం సమీరయ తన్వా౩ సం బలేన |
వేత్థామృతస్య మా ను గాన్మా ను భూమిగృహో భువత్ ||౧౪||
మా తే ప్రాణ ఉప దసన్మో అపానో ऽపి ధాయి తే |
సూర్యస్త్వాధిపతిర్మృత్యోరుదాయఛతు రశ్మిభిః ||౧౫||
ఇవమన్తర్వదతి జిహ్వా బద్ధా పనిష్పదా |
త్వయా యక్ష్మమ్నిరవోచం శతం రోపీశ్చ తక్మనః ||౧౬||
అయం లోకః ప్రియతమో దేవానామపరాజితః |
యస్మై త్వమిహ మృత్యవే దిష్టః పురుష జజ్ఞిషే |
స చ త్వాను హ్వయామసి మా పురా జరసో మృథాః ||౧౭||
అధర్వణవేదము - కాండము 5 - సూక్తము 31[మార్చు]
యాం తే చక్రురామే పాత్రే యాం చక్రుర్మిశ్రధాన్యే |
ఆమే మాంసే కృత్యాం యాం చక్రుః పునః ప్రతి హరామి తామ్ ||౧||
యాం తే చక్రుః కృకవాకావజే వా యాం కురీరిణి |
అవ్యాం తే కృత్యాం యామ్చక్రుః పునః ప్రతి హరామి తామ్ ||౨||
యాం తే చక్రురేకశపే పశూనాముభయాదతి |
గర్దభే కృత్యాం యాం చక్రుః పునః ప్రతి హరామి తామ్ ||౩||
యాం తే చక్రురమూలాయాం వలగం వా నరాచ్యామ్ |
క్షేత్రే తే కృత్యాం యాం చక్రుః పునః ప్రతి హరామి తామ్ ||౪||
యాం తే చక్రుర్గార్హపత్యే పూర్వాగ్నావుత దుశ్చితహ్ |
శాలాయాం కృత్యాం యామ్చక్రుః పునః ప్రతి హరామి తామ్ ||౫||
యాం తే చక్రుః సభాయాం యామ్చక్రురధిదేవనే |
అక్షేషు కృత్యాం యాం చక్రుః పునః ప్రతి హరామి తామ్ ||౬||
యాం తే చక్రుః సేనాయాం యాం చక్రురిష్వాయుధే |
దున్దుభౌ కృత్యాం యాం చక్రుః పునః ప్రతి హరామి తామ్ ||౭||
యాం తే కృత్యామ్కూపే ऽవదధుః శ్మశానే వా నిచఖ్నుః |
సద్మని కృత్యామ్యాం చక్రుః పునః ప్రతి హరామి తామ్ ||౮||
యాం తే చక్రుః పురుషాస్థే అగ్నౌ సంకసుకే చ యామ్ |
మ్రోకం నిర్దాహం క్రవ్యాదం పునః ప్రతి హరామి తామ్ ||౯||
అపథేనా జభారైనాం తాం పథేతః ప్ర హిణ్మసి |
అధీరో మర్యాధీరేభ్యః సం జభారాచిత్త్యా ||౧౦||
యశ్చకార న శశాక కర్తుం శశ్రే పాదమఙ్గురిమ్ |
చకార భద్రమస్మభ్యమభగో భగవద్భ్యః ||౧౧||
కృత్యాకృతమ్వలగినం మూలినం శపథేయ్యమ్ |
ఇన్ద్రస్తం హన్తు మహతా వధేనాగ్నిర్విధ్యత్వస్తయా ||౧౨||
| ←ముందరి అధ్యాయము | అధర్వణవేదము | తరువాతి అధ్యాయము→ |