అధర్వణవేదము - కాండము 6 - సూక్తములు 1 నుండి 10 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 1 నుండి 10 వరకూ) | తరువాతి అధ్యాయము→ |
అధర్వణవేదము - కాండము 6 - సూక్తము 1
[మార్చు]దోషో గాయ బృహద్గాయ ద్యుమద్ధేహి |
ఆథర్వణ స్తుహి దేవం సవితారమ్ ||1||
తము ష్టుహి యో అన్తః సిన్ధౌ సూనుః |
సత్యస్య యువానమద్రోఘవాచం సుశేవమ్ ||2||
స ఘా నో దేవః సవితా సావిషదమృతాని భూరి |
ఉభే సుష్టుతీ సుగాతవే ||3||
అధర్వణవేదము - కాండము 6 - సూక్తము 2
[మార్చు]ఇన్ద్రాయ సోమమృత్విజః సునోతా చ ధావత |
స్తోతుర్యో వచః శృణవద్ధవం చ మే ||1||
ఆ యం విశన్తీన్దవో వయో న వృక్షమన్ధసః |
విరప్శిన్వి మృధో జహి రక్షస్వినీః ||2||
సునోతా సోమపావ్నే సోమమిన్ద్రాయ వజ్రిణే |
యువా జేతేశానహ్స పురుష్టుతః ||3||
అధర్వణవేదము - కాండము 6 - సూక్తము 3
[మార్చు]పాతం న ఇన్ద్రాపూషణాదితిః పాన్తు మరుతః |
అపాం నపాత్సిన్ధవః సప్త పాతన పాతు నో విష్ణురుత ద్యౌః ||1||
పాతాం నో ద్యావాపృథివీ అభిష్టయే పాతు గ్రావా పాతు సోమో నో అంహసః |
పాతు నో దేవీ సుభగా సరస్వతీ పాత్వగ్నిః శివా యే అస్య పాయవః ||2||
పాతామ్నో దేవాశ్వినా శుభస్పతీ ఉషాసానక్తోత న ఉరుష్యతామ్ |
అపాం నపాదభిహ్రుతీ గయస్య చిద్దేవ త్వష్టర్వర్ధయ సర్వతాతయే ||3||
అధర్వణవేదము - కాండము 6 - సూక్తము 4
[మార్చు]త్వష్టా మే దైవ్యం వచః పర్జన్యో బ్రహ్మణస్పతిః |
పుత్రైర్భ్రాతృభిరదితిర్ను పాతు నో దుష్టరం త్రాయమాణం సహః ||1||
అంశో భగో వరుణో మిత్రో అర్యమాదితిః పాన్తు మరుతః |
అప తస్య ద్వేషో గమేదభిహ్రుతో యావయచ్ఛత్రుమన్తితమ్ ||2||
ధియే సమశ్వినా ప్రావతం న ఉరుష్యా ణ ఉరుజ్మన్నప్రయుఛన్ |
ద్యౌ3ష్పితర్యావయ దుఛునా యా ||3||
అధర్వణవేదము - కాండము 6 - సూక్తము 5
[మార్చు]ఉదేనముత్తరం నయాగ్నే ఘృతేనాహుత |
సమేనం వర్చసా సృజ ప్రజయా చ బహుం కృధి ||1||
ఇన్ద్రేమం ప్రతరం కృధి సజాతానామసద్వశీ |
రాయస్పోషేణ సం సృజ జీవాతవే జరసే నయ ||2||
యస్య కృణ్మో హవిర్గృహే తమగ్నే వర్ధయా త్వమ్ |
తస్మై సోమో అధి బ్రవదయం చ బ్రహ్మణస్పతిః ||3||
అధర్వణవేదము - కాండము 6 - సూక్తము 6
[మార్చు]యో ऽస్మాన్బ్రహ్మణస్పతే ऽదేవో అభిమన్యతే |
సర్వం తమ్రన్ధయాసి మే యజమానాయ సున్వతే ||1||
యో నః సోమ సుశంసినో దుఃశంస ఆదిదేశతి |
వజ్రేణాస్య ముఖే జహి స సంపిష్టో అపాయతి ||2||
యో నః సోమాభిదాసతి సనాభిర్యశ్చ నిష్ట్యః |
అప తస్య బలం తిర మహీవ ద్యౌర్వధత్మనా ||3||
అధర్వణవేదము - కాండము 6 - సూక్తము 7
[మార్చు]యేన సోమాదితిః పథా మిత్రా వా యన్త్యద్రుహః |
తేనా నో ऽవసా గహి ||1||
యేన సోమ సాహన్త్యాసురాన్రన్ధయాసి నః |
తేనా నో అధి వోచత ||2||
యేన దేవా అసురాణామోజాంస్యవృణీధ్వమ్ |
తేనా నః శర్మ యఛత ||3||
అధర్వణవేదము - కాండము 6 - సూక్తము 8
[మార్చు]యథా వృక్షం లిబుజా సమన్తం పరిషస్వజే |
ఏవా పరి ష్వజస్వ మాం యథా మాం కామిన్యసో యథా మన్నాపగా అసః ||1||
యథా సుపర్ణః ప్రపతన్పక్షౌ నిహన్తి భూమ్యామ్ |
ఏవా ని హన్మి తే మనో యథా మాం కామిన్యసో యథా మన్నాపగా అసః ||2||
యథేమే ద్యావాపృథివీ సద్యః పర్యేతి సూర్యః |
ఏవా పర్యేమి తే మనో యథా మామ్కామిన్యసో యథా మన్నాపగా అసః ||3||
అధర్వణవేదము - కాండము 6 - సూక్తము 9
[మార్చు]వాఞ్ఛ మే తన్వ1ం పాదౌ వాఞ్ఛాక్ష్యౌ3 వాఞ్ఛ సక్థ్యౌ |
అక్ష్యౌ వృషణ్యన్త్యాః కేశా మాం తే కామేన శుష్యన్తు ||1||
మమ త్వా దోషణిశ్రిషం కృణోమి హృదయశ్రిషమ్ |
యథా మమ క్రతావసో మమ చిత్తముపాయసి ||2||
యాసాం నాభిరారేహణం హృది సంవననం కృతమ్గావో ఘృతస్య మాతరో ऽమూం సం వానయన్తు మే ||3||
అధర్వణవేదము - కాండము 6 - సూక్తము 10
[మార్చు]పృథివ్యై శ్రోత్రాయ వనస్పతిభ్యో ऽగ్నయే ऽధిపతయే స్వాహా ||1||
ప్రాణాయాన్తరిక్షాయ వయోభ్యో వాయవే ऽధిపతయే స్వాహా ||2||
దివే చక్షుషే నక్షత్రేభ్యః సూర్యాయాధిపతయే స్వాహా ||3||
| ←ముందరి అధ్యాయము | అధర్వణవేదము | తరువాతి అధ్యాయము→ |