అధర్వణవేదము - కాండము 4 - సూక్తములు 36 నుండి 40 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 4 - సూక్తములు 36 నుండి 40 వరకూ) | తరువాతి అధ్యాయము→ |
అధర్వణవేదము - కాండము 4 - సూక్తము 36
[మార్చు]తాన్త్సత్యౌజాః ప్ర దహత్వగ్నిర్వైశ్వానరో వృషా |
యో నో దురస్యాద్దిప్సాచ్చాథో యో నో అరాతియాత్ ||౧||
యో నో దిప్సాదదిప్సతో దిప్సతో యశ్చ దిప్సతి |
వైశ్వానరస్య దంష్ట్రయోరగ్నేరపి దధామి తమ్ ||౨||
య ఆగరే మృగయన్తే ప్రతిక్రోశే ऽమావాస్యే |
క్రవ్యాదో అన్యాన్దిప్సతః సర్వాంస్తాన్త్సహసా సహే ||౩||
సహే పిశాచాన్త్సహసైషాం ద్రవిణం దదే |
సర్వాన్దురస్యతో హన్మి సం మ ఆకూతిరృద్యతామ్ ||౪||
యే దేవాస్తేన హాసన్తే సూర్యేణ మిమతే జవమ్ |
నదీషు పర్వతేషు యే సం తైః పశుభిర్విదే ||౫||
తపనో అస్మి పిశాచానామ్వ్యాఘ్రో గోమతామివ |
శ్వానః సింహమివ దృష్ట్వా తే న విన్దన్తే న్యఞ్చనమ్ ||౬||
న పిశాచైః సం శక్నోమి న స్తేనైః న వనర్గుభిః |
పిశాచాస్తస్మాన్నశ్యన్తి యమహం గ్రామమావిశే ||౭||
యం గ్రామమావిశత ఇదముగ్రం సహో మమ |
పిశాచాస్తస్మాన్నశ్యన్తి న పాపముప జానతే ||౮||
యే మా క్రోధయన్తి లపితా హస్తినం మశకా ఇవ |
తానహం మన్యే దుర్హితాన్జనే అల్పశయూనివ ||౯||
అభి తం నిరృతిర్ధత్తామశ్వమివ అశ్వాభిధాన్యా |
మల్వో యో మహ్యం క్రుధ్యతి స ఉ పాశాన్న ముచ్యతే ||౧౦||
అధర్వణవేదము - కాండము 4 - సూక్తము 37
[మార్చు]త్వయా పూర్వమథర్వాణో జఘ్నూ రక్షాంస్యోషధే |
త్వయా జఘాన కశ్యపస్త్వయా కణ్వో అగస్త్యః ||౧||
త్వయా వయమప్సరసో గన్ధర్వాంస్చాతయామహే |
అజశృఙ్గ్యజ రక్షః సర్వాన్గన్ధేన నాశయ ||౨||
నదీం యన్త్వప్సరసో ऽపాం తారమవశ్వసమ్ |
గుల్గులూః పీలా నలద్యౌ౩క్షగన్ధిః ప్రమన్దనీ |
తత్పరేతాప్సరసః ప్రతిబుద్ధా అభూతన ||౩||
యత్రాశ్వత్థా న్యగ్రోధా మహావృక్షాః శిఖణ్డినః |
తత్పరేతాప్సరసః ప్రతిబుద్ధా అభూతన ||౪||
యత్ర వః ప్రేఙ్ఖా హరితా అర్జునా ఉత యత్రాఘాతాః కర్కర్యః సంవదన్తి |
తత్పరేతాప్సరసః ప్రతిబుద్ధా అభూతన ||౫||
ఏయమగన్నోషధీనాం వీరుధామ్వీర్యావతీ |
అజశృఙ్గ్యరాటకీ తీక్ష్ణశృఙ్గీ వ్యృషతు ||౬||
ఆనృత్యతః శిఖణ్డినో గన్ధర్వస్యాప్సరాపతేః |
భినద్మి ముష్కావపి యామి శేపః ||౭||
భీమా ఇన్ద్రస్య హేతయః శతం ఋష్టీరయస్మయీః |
తాభిర్హవిరదాన్గన్ధర్వానవకాదాన్వ్యృషతు ||౮||
భీమా ఇన్ద్రస్య హేతయః శతం ఋష్టీర్హిరణ్యయీః |
తాభిర్హవిరదాన్గన్ధర్వానవకాదాన్వ్యృషతు ||౯||
అవకాదానభిశోచానప్సు జ్యోతయ మామకాన్ |
పిశాచాన్త్సర్వానోషధే ప్ర మృణీహి సహస్వ చ ||౧౦||
శ్వేవైకః కపిరివైకః కుమారః సర్వకేశకః |
ప్రియో దృశ ఇవ భూత్వా గన్ధర్వః సచతే స్త్రియస్ |
తమితో నాశయామసి బ్రహ్మణా వీర్యావతా ||౧౧||
జాయా ఇద్వో అప్సరసో గన్ధర్వాః పతయో యుయమ్ |
అప ధావతామర్త్యా మర్త్యాన్మా సచధ్వమ్ ||౧౨||
అధర్వణవేదము - కాండము 4 - సూక్తము 38
[మార్చు]ఉద్భిన్దతీం సంజయన్తీమప్సరాం సాధుదేవినీమ్ |
గ్లహే కృతాని కృణ్వానామప్సరాం తామిహ హువే ||౧||
విచిన్వతీమాకిరన్తీమప్సరాం సాధుదేవినీమ్ |
గ్లహే కృతాని గృహ్ణానామప్సరాం తామిహ హువే ||౨||
యాయైః పరినృత్యత్యాదదానా కృతం గ్లహాత్ |
సా నః కృతాని సీషతీ ప్రహామాప్నోతు మాయయా |
సా నః పయస్వత్యైతు మా నో జైషురిదం ధనమ్ ||౩||
యా అక్షేషు ప్రమోదన్తే శుచం క్రోధం చ బిభ్రతీ |
ఆనన్దినీం ప్రమోదినీమప్సరాం తామిహ హువే ||౪||
సూర్యస్య రశ్మీనను యాః సఞ్చరన్తి మరీచీర్వా యా అనుసఞ్చరన్తి |
యాసామృషభో దూరతో వాజినీవాన్త్సద్యః సర్వాన్లోకాన్పర్యేతి రక్షన్ |
స న అैతు హోమమిమం జుసాణో౩ ऽన్తరిక్షేణ సహ వాజినీవాన్ ||౫||
అన్తరిక్షేన సహ వాజినీవన్కర్కీం వత్సామిహ రక్ష వాజిన్ |
ఇమే తే స్తోకా బహులా ఏహ్యర్వాఙియం తే కర్కీహ తే మనో ऽస్తు ||౬||
అన్తరిక్షేణ సహ వాజినీవన్కర్కీం వత్సామిహ రక్ష వాజిన్ |
అయం ఘాసో అయం వ్రజ ఇహ వత్సాం ని బధ్నీమః |
యథానామ వ ఈశ్మహే స్వాహా ||౭||
అధర్వణవేదము - కాండము 4 - సూక్తము 39
[మార్చు]పృథివ్యామగ్నయే సమనమన్త్స ఆర్ధ్నోత్ |
యథా పృథివ్యామగ్నయే సమనమన్నేవా మహ్యం సంనమః సం నమన్తు ||౧||
పృథివీ ధేనుస్తస్యా అగ్నిర్వత్సః |
సా మే ऽగ్నినా వత్సేనేషమూర్జం కామం దుహామ్ |
ఆయుః ప్రథమం ప్రజాం పోషం రయిం స్వాహా ||౨||
అన్తరిక్షే వాయవే సమనమన్త్స ఆర్ధ్నోత్ |
యథాన్తరిక్షే వాయవే సమనమన్నేవా మహ్యం సంనమః సం నమన్తు ||౩||
అన్తరిక్షం ధేనుస్తస్యా వత్సః |
సా మే వాయునా వత్సేనేషమూర్జం కామం దుహామ్ |
ఆయుః ప్రథమం ప్రజాం పోషం రయిం స్వాహా ||౪||
దివ్యాదిత్యాయ సమనమన్త్స ఆర్ధ్నోత్ |
యథా దివ్యాదిత్యాయ సమనమన్నేవా మహ్యం సంనమః సం నమన్తు ||౫||
ద్యౌర్ధేనుస్తస్యా ఆదిత్యో వత్సః |
సా మ ఆదిత్యేన వత్సేనేషమూర్జం కామం దుహామ్ |
ఆయుః ప్రథమం ప్రజాం పోషం రయిం స్వాహా ||౬||
దిక్షు చన్ద్రాయ సమనమన్త్స ఆర్ధ్నోత్ |
యథా దిక్షు చన్ద్రాయ సమనమన్నేవా మహ్యం సంనమః సం నమన్తు ||౭||
దిశో ధేనవస్తాసాం చన్ద్రో వత్సః |
తా మే చన్ద్రేణ వత్సేనేషమూర్జం కామం దుహామాయుః ప్రథమం ప్రజాం పోసం రయిం స్వాహా ||౮||
అగ్నావగ్నిశ్చరతి ప్రవిష్ట ఋషీణామ్పుత్రో అభిశస్తిపా ఉ |
నమస్కారేణ నమసా తే జుహోమి మా దేవానాం మిథుయా కర్మ భాగమ్ ||౯||
హృదా పూతమ్మనసా జాతవేదో విశ్వాని దేవ వయునాని విద్వాన్ |
సప్తాస్యాని తవ జాతవేదస్తేభ్యో జుహోమి స జుషస్వ హవ్యమ్ ||౧౦||
అధర్వణవేదము - కాండము 4 - సూక్తము 40
[మార్చు]యే పురస్తాజ్జుహ్వతి జాతవేదః ప్రాచ్యా దిశో ऽభిదాసన్త్యస్మాన్ |
అగ్నిమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౧||
యే దక్షిణతో జుహ్వతి జాతవేదో దక్షిణాయా దిశో ऽభిదాసన్త్యస్మాన్ |
యమం ఋత్వా తే పరాఞ్చో వ్యథన్తాం ప్రత్యగేనా ప్రతిసరేణ హన్మి ||౨||
యే పశ్చాజ్జుహ్వతి జాతవేదః ప్రతీచ్యా దిశో ऽభిదాసన్త్యస్మాన్ |
వరుణమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౩||
య ఉత్తరతో జుహ్వతి జాతవేద ఉదీచ్యా దిశో ऽభిదాసన్త్యస్మాన్ |
సోమమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౪||
యే ऽధస్తాజ్జుహ్వతి జాతవేద ఉదీచ్యా దిశో ऽభిదాసన్త్యస్మాన్ |
భూమిమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౫||
యే౩ ऽన్తరిక్షాజ్జుహ్వతి జాతవేదో వ్యధ్వాయా దిశో ऽభిదాసన్త్యస్మాన్ |
వాయుమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౬||
య ఉపరిష్టాజ్జుహ్వతి జాతవేద ఊర్ధ్వాయా దిశో ऽభిదాసన్త్యస్మాన్ |
సూర్యమృత్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౭||
యే దిశామన్తర్దేశేభ్యో జుహ్వతి జాతవేదః సర్వాభ్యో దిగ్భ్యో ऽభిదాసన్తి అస్మాన్ |
బ్రహ్మ ర్త్వా తే పరాఞ్చో వ్యథన్తాం ప్రత్యగేనాన్ప్రతిసరేణ హన్మి ||౮||
| ←ముందరి అధ్యాయము | అధర్వణవేదము | తరువాతి అధ్యాయము→ |