అధర్వణవేదము - కాండము 3 - సూక్తములు 26 నుండి 31 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 3 - సూక్తములు 26 నుండి 31 వరకూ) | తరువాతి అధ్యాయము→ |
అధర్వణవేదము - కాండము 3 - సూక్తము 26[మార్చు]
యే౩ ऽస్యాం స్థ ప్రాచ్యాం దిశి హేతయో నామ దేవాస్తేషాం వో అగ్నిరిషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౧||
యే౩ ऽస్యాం స్థ దక్షిణాయాం దిశ్యవిష్యవో నామ దేవాస్తేషాం వః కామ ఇషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౨||
యే౩ ऽస్యాం స్థ ప్రతీచ్యాం దిశి వైరాజా నామ దేవాస్తేషాం వ ఆప ఇషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౩||
యే౩ ऽస్యాం స్థోదీచ్యాం దిశి ప్రవిధ్యన్తో నామ దేవాస్తేషాం వో వాత ఇషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౪||
యే౩ ऽస్యాం స్థ ధ్రువాయాం దిశి నిలిమ్పా నామ దేవాస్తేషాం వ ఓషధీరిషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౫||
యే౩ ऽస్యాం స్థోర్ధ్వాయాం దిశ్యవస్వన్తో నామ దేవాస్తేషాం వో బృహస్పతిరిషవః |
తే నో మృడత తే నో ऽధి బ్రూత తేభ్యో వో నమస్తేభ్యో వః స్వాహా ||౬||
అధర్వణవేదము - కాండము 3 - సూక్తము 27[మార్చు]
ప్రాచీ దిగగ్నిరధిపతిరసితో రక్షితాదిత్యా ఇషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయం ద్విష్మస్తం వో జమ్భే దధ్మః ||౧||
దక్షిణా దిగిన్ద్రో ऽధిపతిస్తిరశ్చిరాజీ రక్షితా పితర ఇషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయం ద్విష్మస్తం వో జమ్భే దధ్మః ||౨||
ప్రతీచీ దిగ్వరుణో ऽధిపతిః పృదాకూ రక్షితాన్నమిషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయం ద్విష్మస్తం వో జమ్భే దధ్మః ||౩||
ఉదీచీ దిక్సోమో ऽధిపతిః స్వజో రక్షితాశనిరిషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయం ద్విష్మస్తం వో జమ్భే దధ్మః ||౪||
ధ్రువా దిగ్విష్ణురధిపతిః కల్మాషగ్రీవో రక్షితా వీరుధ ఇషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయమ్ద్విష్మస్తం వో జమ్భే దధ్మః ||౫||
ఊర్ధ్వా దిగ్బృహస్పతిరధిపతిః శ్విత్రో రక్షితా వర్షమిషవః |
తేభ్యో నమో ऽధిపతిభ్యో నమో రక్షితృభ్యో నమ ఇషుభ్యో నమ ఏభ్యో అస్తు |
యో౩ ऽస్మాన్ద్వేష్టి యం వయం ద్విష్మస్తం వో జమ్భే దధ్మః ||౬||
అధర్వణవేదము - కాండము 3 - సూక్తము 28[మార్చు]
ఏకైకయైషా సృష్ట్యా సం బభూవ యత్ర గా అసృజన్త భూతకృతో విశ్వరూపాః |
యత్ర విజాయతే యమిన్యపర్తుః సా పశూన్క్షిణాతి రిపతీ రుశతీ ||౧||
ఏషా పశూన్త్సం క్షిణాతి క్రవ్యాద్భూత్వా వ్యద్వరీ |
ఉతైనాం బ్రహ్మణే దద్యాత్తథా స్యోనా శివా స్యాత్ ||౨||
శివా భవ పురుషేభ్యో గోభ్యో అశ్వేభ్యః శివా |
శివాస్మై సర్వస్మై క్షేత్రాయ శివా న ఇహైధి ||౩||
ఇహ పుష్టిరిహ రస ఇహ సహస్రసాతమా భవ |
పశూన్యమిని పోషయ ||౪||
యత్రా సుహార్దః సుకృతో మదన్తి విహాయ రోగం తన్వ౧ః స్వాయాహ్ |
తం లోకం యమిన్యభిసంబభూవ సా నో మా హింసీత్పురుషాన్పశూంశ్చ ||౫||
యత్రా సుహార్దాం సుకృతామగ్నిహోత్రహుతామ్యత్ర లోకః |
తం లోకం యమిన్యభిసంబభూవ సా నో మా హింసీత్పురుషాన్పశూంశ్చ ||౬||
అధర్వణవేదము - కాండము 3 - సూక్తము 29[మార్చు]
యద్రాజానో విభజన్త ఇష్టాపూర్తస్య షోడశమ్యమస్యామీ సభాసదః |
అవిస్తస్మాత్ప్ర ముఞ్చతి దత్తః శితిపాత్స్వధా ||౧||
సర్వాన్కామాన్పూరయత్యాభవన్ప్రభవన్భవన్ |
ఆకూతిప్రో ऽవిర్దత్తః శితిపాన్న్నోప దస్యతి ||౨||
యో దదాతి శితిపాదమవిం లోకేన సంమితమ్ |
స నాకమభ్యారోహతి యత్ర శుల్కో న క్రియతే అబలేన బలీయసే ||౩||
పఞ్చాపూపం శితిపాదమవిం లోకేన సంమితమ్ |
ప్రదాతోప జీవతి పితౄణాం లోకే ऽక్షితమ్ ||౪||
పఞ్చాపూపం శితిపాదమవిం లోకేన సంమితమ్ |
ప్రదాతోప జీవతి సూర్యామాసయోరక్షితమ్ ||౫||
ఇరేవ నోప దస్యతి సముద్ర ఇవ పయో మహత్ |
దేవౌ సవాసినావివ శితిపాన్నోప దస్యతి ||౬||
క ఇదం కస్మా అదాత్కామః కామాయాదాత్ |
కామో దాతా కామః ప్రతిగ్రహీతా కామః సముద్రమా వివేశ |
కామేన త్వా ప్రతి గృహ్నామి కామైతత్తే ||౭||
భూమిష్ట్వా ప్రతి గృహ్ణాత్వన్తరిక్షమిదం మహత్ |
మాహం ప్రాణేన మాత్మనా మా ప్రజయా ప్రతిగృహ్య వి రాధిషి ||౮||
అధర్వణవేదము - కాండము 3 - సూక్తము 30[మార్చు]
సహృదయం సాంమనస్యమవిద్వేషం కృణోమి వః |
అన్యో అన్యమభి హర్యత వత్సం జాతమివాఘ్న్యా ||౧||
అనువ్రతః పితుః పుత్రో మాత్రా భవతు సంమనాః |
జాయా పత్యే మధుమతీం వాచం వదతు శన్తివామ్ ||౨||
మా భ్రాతా భ్రాతరం ద్విక్షన్మా స్వసారముత స్వసా |
సమ్యఞ్చః సవ్రతా భూత్వా వాచం వదత భద్రయా ||౩||
యేన దేవా న వియన్తి నో చ విద్విషతే మిథః |
తత్కృణ్మో బ్రహ్మ వో గృహే సంజ్ఞానం పురుషేభ్యః ||౪||
జ్యాయస్వన్తశ్చిత్తినో మా వి యౌష్ట సంరాధయన్తః సధురాశ్చరన్తః |
అన్యో అన్యస్మై వల్గు వదన్త ఏత సధ్రీచీనాన్వః సంమనసస్క్ర్ణోమి ||౫||
సమానీ ప్రపా సహ వో ऽన్నభాగః సమానే యోక్త్రే సహ వో యునజ్మి |
సమ్యఞ్చో ऽగ్నిం సపర్యతారా నాభిమివాభితః ||౬||
సధ్రీచీనాన్వః సంమనసస్కృణోమ్యేకశ్నుష్టీన్త్సంవననేన సర్వాన్ |
దేవా ఇవామృతం రక్షమాణాః సాయంప్రాతః సౌమనసో వో అస్తు ||౭||
అధర్వణవేదము - కాండము 3 - సూక్తము 31[మార్చు]
వి దేవా జరసావృతన్వి త్వమగ్నే అరాత్యా |
వ్య౧హం సర్వేణ పాప్మనా వి యక్ష్మేణ సమాయుషా ||౧||
వ్యార్త్యా పవమానో వి శక్రః పాపకృత్యయా |
వ్య౧హం సర్వేణ పాప్మనా వి యక్ష్మేణ సమాయుషా ||౨||
వి గ్రామ్యాః పశవ ఆరణ్యైర్వ్యాపస్తృష్ణయాసరన్ |
వ్య౧హం సర్వేణ పాప్మనా వి యక్ష్మేణ సమాయుషా ||౩||
వీ౩ మే ద్యావాపృథివీ ఇతో వి పన్థానో దిశందిశమ్ |
వ్య౧హం సర్వేణ పాప్మనా వి యక్ష్మేణ సమాయుషా ||౪||
త్వష్టా దుహిత్రే వహతుం యునక్తీతీదం విశ్వం భువనం వి యాతి |
వ్య౧హం సర్వేణ పాప్మనా వి యక్ష్మేణ సమాయుషా ||౫||
అగ్నిః ప్రాణాన్త్సం దధాతి చన్ద్రః ప్రాణేన సంహితః |
వ్య౧హం సర్వేణ పాప్మనా వి యక్ష్మేణ సమాయుషా ||౬||
ప్రాణేన విశ్వతోవీర్యం దేవాః సూర్యం సమైరయన్ |
వ్య౧హం సర్వేణ పాప్మనా వి యక్ష్మేణ సమాయుషా ||౭||
ఆయుష్మతామాయుష్కృతాం ప్రాణేన జీవ మా మృథాః |
వ్య౧హం సర్వేణ పాప్మనా వి యక్ష్మేణ సమాయుషా ||౮||
ప్రాణేన ప్రాణతాం ప్రాణేహైవ భవ మా మృథాః |
వ్య౧హం సర్వేణ పాప్మనా వి యక్ష్మేణ సమాయుషా ||౯||
ఉదాయుషా సమాయుషోదోషధీనాం రసేన |
వ్య౧హం సర్వేణ పాప్మనా వి యక్ష్మేణ సమాయుషా ||౧౦||
ఆ పర్జన్యస్య వృష్ట్యోదస్థామామృతా వయమ్ |
వ్య౧హం సర్వేణ పాప్మనా వి యక్ష్మేణ సమాయుషా ||౧౧||
| ←ముందరి అధ్యాయము | అధర్వణవేదము | తరువాతి అధ్యాయము→ |