అధర్వణవేదము - కాండము 3 - సూక్తములు 21 నుండి 25 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 3 - సూక్తములు 21 నుండి 25 వరకూ) | తరువాతి అధ్యాయము→ |
అధర్వణవేదము - కాండము 3 - సూక్తము 21[మార్చు]
యే అగ్నయో అప్స్వ౧న్తర్యే వృత్రే యే పురుషే యే అశ్మసు |
య ఆవివేశోషధీర్యో వనస్పతీంస్తేభ్యో అగ్నిభ్యో హుతమస్త్వేతత్ ||౧||
యః సోమే అన్తర్యో గోష్వన్తర్య ఆవిష్టో వయఃసు యో మృగేషు |
య ఆవివేశ ద్విపదో యస్చతుష్పదస్తేభ్యో అగ్నిభ్యో హుతమస్త్వేతత్ ||౨||
య ఇన్ద్రేణ సరథం యాతి దేవో వైశ్వానర ఉత విశ్వదావ్యః |
యం జోహవీమి పృతనాసు సాసహిం తేభ్యో అగ్నిభ్యో హుతమస్త్వేతత్ ||౩||
యో దేవో విశ్వాద్యము కామమాహుర్యం దాతారం ప్రతిగృహ్ణన్తమాహుః |
యో ధీరః శక్రః పరిభూరదాభ్యస్తేభ్యో అగ్నిభ్యో హుతమస్త్వేతత్ ||౪||
యం త్వా హోతారం మనసాభి సంవిదుస్త్రయోదశ భౌవనాః పఞ్చ మానవాః |
వర్చోధసే యశసే సూనృతావతే తేభ్యో అగ్నిభ్యో హుతమస్త్వేతత్ ||౫||
ఉక్షాన్నాయ వశాన్నాయ సోమపృష్ఠాయ వేధసే |
వైశ్వానరజ్యేష్ఠేభ్యస్తేభ్యో అగ్నిభ్యో హుతమస్త్వేతత్ ||౬||
దివం పృథివీమన్వన్తరిక్షమ్యే విద్యుతమనుసంచరన్తి |
యే దిక్ష్వ౧న్తర్యే వాతే అన్తస్తేభ్యో అగ్నిభ్యో హుతమస్త్వేతత్ ||౭||
హిరణ్యపాణిం సవితారమిన్ద్రం బృహస్పతిం వరుణం మిత్రమగ్నిమ్ |
విశ్వాన్దేవానఙ్గిరసో హవామహే ఇమం క్రవ్యాదం శమయన్త్వగ్నిమ్ ||౮||
శాన్తో అగ్నిః క్రవ్యాచ్ఛాన్తః పురుషరేషణః |
అథో యో విశ్వదావ్య౧స్తం క్రవ్యాదమశీశమమ్ ||౯||
యే పర్వతాః సోమపృష్ఠా ఆప ఉత్తానశీవరీః |
వాతః పర్జన్య ఆదగ్నిస్తే క్రవ్యాదమశీశమన్ ||౧౦||
అధర్వణవేదము - కాండము 3 - సూక్తము 22[మార్చు]
హస్తివర్చసం ప్రథతాం బృహద్యశో అదిత్యా యత్తన్వః సంబభూవ |
తత్సర్వే సమదుర్మహ్యమేతద్విశ్వే దేవా అదితిః సజోషాః ||౧||
మిత్రశ్చ వరుణశ్చేన్ద్రో రుద్రశ్చ చేతతు |
దేవాసో విశ్వధాయసస్తే మాఞ్జన్తు వర్చసా ||౨||
యేన హస్తీ వర్చసా సంబభూవ యేన రాజా మనుష్యేస్వప్స్వ౧న్తః |
యేన దేవా దేవతామగ్ర ఆయన్తేన మామద్య వర్చసాగ్నే వర్చస్వినం కృణు ||౩||
యత్తే వర్చో జాతవేదో బృహద్భవత్యాహుతేః |
యావత్సూర్యస్య వర్చ ఆసురస్య చ హస్తినః |
తావన్మే అశ్వినా వర్చ ఆ ధత్తాం పుష్కరస్రజా ||౪||
యావచ్చతస్రః ప్రదిశశ్చక్షుర్యావత్సమశ్నుతే |
తావత్సమైత్విన్ద్రియం మయి తద్ధస్తివర్చసమ్ ||౫||
హస్తీ మృగాణాం సుషదామతిష్ఠావాన్బభూవ హి |
తస్య భగేన వర్చసాభి షిఞ్చామి మామహమ్ ||౬||
అధర్వణవేదము - కాండము 3 - సూక్తము 23[మార్చు]
యేన వేహద్బభూవిథ నాశయామసి తత్త్వత్ |
ఇదం తదన్యత్ర త్వదప దూరే ని దధ్మసి ||౧||
ఆ తే యోనిం గర్భ ఏతు పుమాన్బాణ ఇవేషుధిమ్ |
ఆ వీరో ऽత్ర జాయతాం పుత్రస్తే దశమాస్యః ||౨||
పుమాంసం పుత్రం జనయ తం పుమానను జాయతామ్ |
భవాసి పుత్రాణాం మాతా జాతానాం జనయాశ్చ యాన్ ||౩||
యాని బద్రాణి బీజాన్యృషభా జనయన్తి చ |
తైస్త్వం పుత్రం విన్దస్వ సా ప్రసూర్ధేనుకా భవ ||౪||
కృణోమి తే ప్రాజాపత్యమా యోనిం గర్భ ఏతు తే |
విన్దస్వ త్వం పుత్రం నారి యస్తుభ్యం శమసచ్ఛము తస్మై త్వమ్భవ ||౫||
యాసామ్ద్యౌః పితా పృథివీ మాతా సముద్రో మూలం వీరుధాం బభూవ |
తాస్త్వా పుత్రవిద్యాయ దైవీః ప్రావన్త్వోషధయః ||౬||
అధర్వణవేదము - కాండము 3 - సూక్తము 24[మార్చు]
పయస్వతీరోషధయః పయస్వన్మామకం వచః |
అథో పయస్వతీనామా భరే ऽహం సహస్రశః ||౧||
వేదాహం పయస్వన్తం చకార ధాన్యమ్బహు |
సంభృత్వా నామ యో దేవస్తం వయం హవామహే యోయో అయజ్వనో గృహే ||౨||
ఇమా యాః పఞ్చ ప్రదిశో మానవీః పఞ్చ కృష్టయః |
వృష్టే శాపం నదీరివేహ స్పాతిం సమావహాన్ ||౩||
ఉదుత్సం శతధారం సహస్రధారమక్షితమ్ |
ఏవాస్మాకేదం ధాన్యం సహస్రధారమక్షితమ్ ||౪||
శతహస్త సమాహర సహస్రహస్త సం కిర |
కృతస్య కార్యస్య చేహ స్పాతిం సమావహ ||౫||
తిస్రో మాత్రా గన్ధర్వాణాం చతస్రో గృహపత్న్యాః |
తాసాం యా స్పాతిమత్తమా తయా త్వాభి మృశామసి ||౬||
ఉపోహశ్చ సమూహశ్చ క్షత్తారౌ తే ప్రజాపతే |
తావిహా వహతాం స్పాతిం బహుం భూమానమక్షితమ్ ||౭||
అధర్వణవేదము - కాండము 3 - సూక్తము 25[మార్చు]
ఉత్తుదస్త్వోత్తుదతు మా ధృథాః శయనే స్వే |
ఇషుః కామస్య యా భీమా తయా విధ్యామి త్వా హృది ||౧||
ఆధీపర్ణాం కామశల్యామిషుం సంకల్పకుల్మలామ్ |
తాం సుసంనతాం కృత్వా కామో విధ్యతు త్వా హృది ||౨||
యా ప్లీహానం శోషయతి కామస్యేషుః సుసంనతా |
ప్రాచీనపక్షా వ్యోషా తయా విధ్యామి త్వా హృది ||౩||
శుచా విద్ధా వ్యోషయా శుష్కాస్యాభి సర్ప మా |
మృదుర్నిమన్యుః కేవలీ ప్రియవాదిన్యనువ్రతా ||౪||
ఆజామి త్వాజన్యా పరి మాతురథో పితుః |
యథా మమ క్రతావసో మమ చిత్తముపాయసి ||౫||
వ్యస్యై మిత్రావరుణౌ హృదశ్చిత్తాన్యస్యతమ్ |
అథైనామక్రతుం కృత్వా మమైవ కృణుతం వశే ||౬||
| ←ముందరి అధ్యాయము | అధర్వణవేదము (అధర్వణవేదము - కాండము 3 - సూక్తములు 21 నుండి 25 వరకూ) | తరువాతి అధ్యాయము→ |