అధర్వణవేదము - కాండము 2 - సూక్తములు 1 నుండి 5 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 2 - సూక్తములు 1 నుండి 5 వరకూ) | తరువాతి అధ్యాయము→ |
అధర్వణవేదము - కాండము 2 - సూక్తము 1
[మార్చు]వేనస్తత్పశ్యత్పరమం గుహా యద్యత్ర విశ్వం భవత్యేకరూపమ్ |
ఇదం పృశ్నిరదుహజ్జాయమానాః స్వర్విదో అభ్యనూషత వ్రాః ||౧||
ప్ర తద్వోచేదమృతస్య విద్వాన్గన్ధర్వో ధామ పరమం గుహా యత్ |
త్రీణి పదాని నిహితా గుహాస్య యస్తాని వేద స పితుష్పితాసత్ ||౨||
స నః పితా జనితా స ఉత బన్ధుర్ధామాని వేద భువనాని విశ్వా |
యో దేవానాం నామధ ఏక ఏవ తం సంప్రశ్నం భువనా యన్తి సర్వా ||౩||
పరి ద్యావాపృథివీ సద్య ఆయముపాతిష్ఠే ప్రథమజామృతస్య |
వాచమివ వక్తరి భువనేష్ఠా ధాస్యురేష నన్వే౩షో అగ్నిః ||౪||
పరి విశ్వా భువనాన్యాయమృతస్య తన్తుం వితతం దృశే కమ్ |
యత్ర దేవా అమృతమానశానాః సమానే యోనావధ్యైరయన్త ||౫||
అధర్వణవేదము - కాండము 2 - సూక్తము 2
[మార్చు]దివ్యో గన్ధర్వో భువనస్య యస్పతిరేక ఏవ నమస్యో విక్ష్వీడ్యః |
తం త్వా యౌమి బ్రహ్మణా దివ్య దేవ నమస్తే అస్తు దివి తే సధస్థమ్ ||౧||
దివి స్పృష్టో యజతః సూర్యత్వగవయాతా హరసో దైవ్యస్య |
మృడాత్గన్ధర్వో భువనస్య యస్పతిరేక ఏవ నమస్యః సుశేవాః ||౨||
అనవద్యాభిః సము జగ్మ ఆభిరప్సరాస్వపి గన్ధర్వ ఆసీత్ |
సముద్ర ఆసాం సదనం మ ఆహుర్యతః సద్య ఆ చ పరా చ యన్తి ||౩||
అభ్రియే దిద్యున్నక్షత్రియే యా విశ్వావసుం గన్ధర్వం సచధ్వే |
తాభ్యో వో దేవీర్నమ ఇత్కృణోమి ||౪||
యాః క్లన్దాస్తమిషీచయో ऽక్షకామా మనోముహః |
తాభ్యో గన్ధర్వభ్యో ऽప్సరాభ్యో ऽకరమ్నమః ||౫||
అధర్వణవేదము - కాండము 2 - సూక్తము 3
[మార్చు]అదో యదవధావత్యవత్కమధి పర్వతాత్ |
తత్తే కృణోమి భేషజం సుభేషజం యథాససి ||౧||
ఆదఙ్గా కువిదఙ్గ శతం యా భేషజాని తే |
తేషామసి త్వముత్తమమనాస్రావమరోగణమ్ ||౨||
నీచైః ఖనన్త్యసురా అరుస్రాణమిదం మహత్ |
తదాస్రావస్య భేషజం తదు రోగమనీనశత్ ||౩||
ఉపజీకా ఉద్భరన్తి సముద్రాదధి భేషజమ్ |
తదాస్రావస్య భేషజం తదు రోగమశీశమత్ ||౪||
అరుస్రాణమిదం మహత్పృథివ్యా అధ్యుద్భృతమ్ |
తదాస్రావస్య భేషజం తదు రోగమనీనశత్ ||౫||
శం నో భవన్త్వప ఓషధయః శివాః |
ఇన్ద్రస్య వజ్రో అప హన్తు రక్షస ఆరాద్విసృష్టా ఇషవః పతన్తు రక్షసామ్ ||౬||
అధర్వణవేదము - కాండము 2 - సూక్తము 4
[మార్చు]దీర్ఘాయుత్వాయ బృహత్ం రణాయారిష్యన్తో దక్షమాణాః సదైవ |
మణిం విష్కన్ధదూషణం జఙ్గిడం బిభృమో వయమ్ ||౧||
జఙ్గిడో జమ్భాద్విశరాద్విష్కన్ధాదభిశోచనాత్ |
మణిః సహస్రవీర్యః పరి ణః పాతు విశ్వతః ||౨||
అయం విష్కన్ధం సహతే ऽయం బాధతే అత్త్రిణః |
అయం నో విశ్వభేషజో జఙ్గిడః పాత్వంహసః ||౩||
దేవైర్దత్తేన మణినా జఙ్గిడేన మయోభువా |
విష్కన్ధం సర్వా రక్షాంసి వ్యాయామే సహామహే ||౪||
శణశ్చ మా జఙ్గిడశ్చ విష్కన్ధాదభి రక్షతామ్ |
అరణ్యాదన్య ఆభృతః కృష్యా అన్యో రసేభ్యః ||౫||
కృత్యాదూషిరయం మణిరథో అరాతిదూషిః |
అథో సహస్వాన్జఙ్గిడః ప్ర ణ ఆయుంషి తారిషత్ ||౬||
అధర్వణవేదము - కాండము 2 - సూక్తము 5
[మార్చు]ఇన్ద్ర జుషస్వ ప్ర వహా యాహి శూర హరిభ్యామ్ |
పిబా సుతస్య మతేరిహ మధోశ్చకానశ్చారుర్మదాయ ||౧||
ఇన్ద్ర జఠరం నవ్యో న పృణస్వ మధోర్దివో న |
అస్య సుతస్య స్వ౧ర్ణోప త్వా మదాః సువాచో అగుః ||౨||
ఇన్ద్రస్తురాషాణ్మిత్రో వృత్రం యో జఘాన యతీర్న |
బిభేద వలం భృగుర్న ససహే శత్రూన్మదే సోమస్య ||౩||
ఆ త్వా విశన్తు సుతాస ఇన్ద్ర పృణస్వ కుక్షీ విడ్ఢి శక్ర ధియేహ్యా నః |
శ్రుధీ హవం గిరో మే జుషస్వేన్ద్ర స్వయుగ్భిర్మత్స్వేహ మహే రణాయ ||౪||
ఇన్ద్రస్య ను ప్ర వోచం వీర్యాణి యాని చకార ప్రథమాని వజ్రీ |
అహన్నహిమను అపస్తతర్ద ప్ర వక్షణా అభినత్పర్వతానామ్ ||౫||
అహన్నహిం పర్వతే శిశ్రియాణం త్వష్టాస్మై వజ్రం స్వర్యం తతక్ష |
వాశ్రా ఇవ ధేనవః స్యన్దమానా అఞ్జః సముద్రమవ జగ్మురాపః ||౬||
వృషాయమాణో అవృణీత సోమం త్రికద్రుకేషు అపిబత్సుతస్య |
ఆ సాయకం మఘవాదత్త వజ్రమహన్నేనం ప్రథమజామహీనామ్ ||౭||
| ←ముందరి అధ్యాయము | అధర్వణవేదము (అధర్వణవేదము - కాండము 2 - సూక్తములు 1 నుండి 5 వరకూ) | తరువాతి అధ్యాయము→ |