అధర్వణవేదము - కాండము 2 - సూక్తములు 6 నుండి 10 వరకూ

అధర్వణవేదము (అధర్వణవేదము - కాండము 2 - సూక్తములు 6 నుండి 10 వరకూ)

సమాస్త్వాగ్న ఋతవో వర్ధయన్తు సంవత్సరా ఋషయో యాని సత్యా |

సం దివ్యేన దీదిహి రోచనేన విశ్వా ఆ మాహి ప్రదిశశ్చతస్రః ||౧||

సం చేధ్యస్వాగ్నే ప్ర చ వర్ధయేమముచ్చ తిష్ఠ మహతే సౌభగాయ |

మా తే రిషన్నుపసత్తారో అగ్నే బ్రహ్మాణస్తే యశసః సన్తు మాన్యే ||౨||

త్వామగ్నే వృణతే బ్రాహ్మణా ఇమే శివో అగ్నే సంవరణే భవా నః |

సపత్నహాగ్నే అభిమాతిజిద్భవ స్వే గయే జాగృహ్యప్రయుఛన్ ||౩||

క్షత్రేణాగ్నే స్వేన సం రభస్వ మిత్రేణాగ్నే మిత్రధా యతస్వ |

సజాతానాం మధ్యమేష్ఠా రాజ్ఞామగ్నే విహవ్యో దీదిహీహ ||౪||

అతి నిహో అతి సృధో ऽత్యచిత్తీరతి ద్విషః |

విశ్వా హ్యగ్నే దురితా తర త్వమథాస్మభ్యం సహవీరం రయిం దాః ||౫||

అఘద్విష్టా దేవజాతా వీరుచ్ఛపథయోపనీ |

ఆపో మలమివ ప్రాణైక్షీత్సర్వాన్మచ్ఛపథాఁ అధి ||౧||

యశ్చ సాపత్నః శపథో జామ్యాః శపథశ్చ యః |

బ్రహ్మా యన్మన్యుతః శపాత్సర్వం తన్నో అధస్పదమ్ ||౨||

దివో మూలమవతతం పృథివ్యా అధ్యుత్తతమ్ |

తేన సహస్రకాణ్డేన పరి ణః పాహి విశ్వతః ||౩||

పరి మాం పరి మే ప్రజాం పరి ణః పాహి యద్ధనమ్ |

అరాతిర్నో మా తారీన్మా నస్తారిశురభిమాతయః ||౪||

శప్తారమేతు శపథో యః సుహార్త్తేన నః సహ |

చక్షుర్మన్త్రస్య దుర్హార్దః పృష్టీరపి శృణీమసి ||౫||

ఉదగాతాం భగవతీ విచృతౌ నామ తారకే |

వి క్షేత్రియస్య ముఞ్చతామధమం పాశముత్తమమ్ ||౧||

అపేయం రాత్ర్యుఛత్వపోఛన్త్వభికృత్వరీః |

వీరుత్క్షేత్రియనాశన్యప క్షేత్రియముఛతు ||౨||

బభ్రోరర్జునకాణ్డస్య యవస్య తే పలాల్యా తిలస్య తిలపిఞ్జ్యా |

వీరుత్క్షేత్రియనాశన్యప క్షేత్రియముఛతు ||౩||

నమస్తే లాఙ్గలేభ్యో నమ ఈషాయుగేభ్యః |

వీరుత్క్షేత్రియనాశన్యప క్షేత్రియముఛతు ||౪||

నమః సనిస్రసాక్షేభ్యో నమః సందేశ్యేభ్యః |

నమః క్షేత్రస్య పతయే వీరుత్క్షేత్రియనాశన్యప క్షేత్రియముఛతు ||౫||

దశవృక్ష ముఞ్చేమం రక్షసో గ్రాహ్యా అధి యైనం జగ్రాహ పర్వసు |

అథో ఏనమ్వనస్పతే జీవానాం లోకమున్నయ ||౧||

ఆగాదుదగాదయం జీవానాం వ్రాతమప్యగాత్ |

అభూదు పుత్రాణాం పితా నృణాం చ భగవత్తమః ||౨||

అధీతీరధ్యగాదయమధి జీవపురా అగాన్ |

శతం హ్యస్య భిషజః సహస్రముత వీరుధః ||౩||

దేవాస్తే చీతిమవిదన్బ్రహ్మాణ ఉత వీరుధః |

చీతిం తే విశ్వే దేవా అవిదన్భూమ్యామధి ||౪||

యశ్చకార స నిష్కరత్స ఏవ సుభిషక్తమః |

స ఏవ తుభ్యం భేషజాని కృణవద్భిషజా శుచిః ||౫||