అధర్వణవేదము - కాండము 19 - సూక్తములు 11 నుండి 20 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 19 - సూక్తములు 11 నుండి 20 వరకూ) | తరువాతి అధ్యాయము→ |
అధర్వణవేదము - కాండము 19 - సూక్తము 11[మార్చు]
శం నః సత్యస్య పతయో భవన్తు శం నో అర్వన్తః శము సన్తు గావః |
శం న ఋభవః సుకృతః సుహస్తాః శం నో భవతు పితరో హవేషు ||1||
శం నో దేవా విశ్వదేవా భవన్తు శం సరస్వతీ సహ ధీభిరస్తు |
శమభిషాచః శము రాతిషాచః శం నో దివ్యాః పార్థివాః శం నో అప్యాః ||2||
శం నో అజ ఏకపాద్దేవో అస్తు శమహిర్బుధ్న్యః శం సముద్రః |
శం నో అపాం నపాత్పేరురస్తు శం నః పృష్ణిర్భవతు దేవగోపా ||3||
ఆదిత్యా రుద్రా వసవో జుషన్తామిదం బ్రహ్మ క్రియమాణం నవీయః |
సృణ్వన్తు నో దివ్యాః పార్థివాసో గోజాతా ఉత యే యజ్ఞియాసః ||4||
యే దేవానామృత్విజో యజ్ఞియాసో మనోర్యజత్రా అమృతా ఋతజ్ఞాః |
తే నో రాసన్తామురుగాయమద్య యూయం పాత స్వస్తిభిః సదా నః ||5||
తదస్తు మిత్రావరుణా తదగ్నే శం యోరస్మభ్యమిదమస్తు శస్తమ్ |
అశీమహి గాధముత ప్రతిష్ఠాం నమో దివే బృహతే సాదనాయ ||6||
అధర్వణవేదము - కాండము 19 - సూక్తము 12[మార్చు]
ఉషా అప స్వసుస్తమః సం వర్తయతి వర్తనిం సుజాతతా |
అయా వాజం దేవహితం సనేమ మదేమ శతహిమాః సువీరాః ||1||
అధర్వణవేదము - కాండము 19 - సూక్తము 13[మార్చు]
ఇన్ద్రస్య బాహూ స్థవిరౌ వృషాణౌ చిత్రా ఇమా వృషభౌ పారయిష్ణూ |
తౌ యోక్షే ప్రథమో యోగ ఆగతే యాభ్యాం జితమసురాణాం స్వర్యత్ ||1||
ఆశుః శిశానో వృషభో న భీమో ఘనాఘనః క్షోభణశ్చర్షనీనామ్ |
సంక్రన్దనో ऽనిమిష ఏకవీరః శతం సేనా అజయత్సాకమిన్ద్రః ||2||
సమ్క్రన్దనేనానిమిషేణ జిష్ణునాయోధ్యేన దుశ్చ్యవనేన ధృస్నునా |
తదిన్ద్రేణ జయత తత్సహధ్వం యుధో నర ఇషుహస్తేన వృష్ణా ||3||
స ఇషుహస్తైః స నిషఙ్గిభిర్వశీ సంస్రష్టా స యుధ ఇన్ద్రో గణేన |
సంసృష్టజిత్సోమపా బాహుశర్ధ్యుగ్రధన్వా ప్రతిహితాభిరస్తా ||4||
బలవిజ్ఞాయః స్థవిరః ప్రవీరః సహస్వాన్వాజీ సహమాన ఉగ్రః |
అభివీరో అభిషత్వా సహోజిజ్జైత్రమిన్ద్ర రథమా తిష్ఠ గోవిదమ్ ||5||
ఇమం వీరమను హర్షధ్వముగ్రమిన్ద్రం సఖాయో అను సం రభధ్వమ్ |
గ్రామజితం గోజితం వజ్రబాహుం జయన్తమజ్మ ప్రమృణన్తమోజసా ||6||
అభి గోత్రాణి సహసా గాహమానో ऽదాయ ఉగ్రః శతమన్యురిన్ద్రః |
దుశ్చ్యవనః పృతనాషాడయోధ్యోऽస్మాకం సేనా అవతు ప్ర యుత్సు ||7||
బృహస్పతే పరి దీయా రథేన రక్షోహామిత్రామపబాధమానః |
ప్రభఞ్జం ఛత్రూన్ప్రమృణన్నమిత్రానస్మాకమేధ్యవితా తనూనామ్ ||8||
ఇన్ద్ర ఏషాం నేతా బృహస్పతిర్దక్షిణా యజ్ఞః పుర ఏతు సోమః |
దేవసేనానామభిభఞ్జతీనాం జయన్తీనాం మరుతో యన్తు మధ్యే ||9||
ఇన్ద్రస్య వృష్ణో వరుణస్య రాజ్ఞో ఆదిత్యానాం మరుతాం శర్ధ ఉగ్రమ్ |
మహామనసాం భువనచ్యవానాం ఘోషో దేవానాం జయతాముదస్థాత్ ||10||
అస్మాకమిన్ద్రః సమృతేషు ధ్వజేష్వస్మాకష్యా ఇషవస్తా జయన్తు |
అస్మాకం వీరా ఉత్తరే భవన్త్వస్మాన్దేవాసో ऽవతా హవేషు ||11||
అధర్వణవేదము - కాండము 19 - సూక్తము 14[మార్చు]
ఇదముచ్ఛ్రేయో ऽవసానమాగాం శివే మే ద్యావాపృథివీ అభూతామ్ |
అసపత్నాః ప్రదిశో మే భవన్తు న వై త్వా ద్విష్మో అభయం నో అస్తు ||1||
అధర్వణవేదము - కాండము 19 - సూక్తము 15[మార్చు]
యత ఇన్ద్ర భయామహే తతో నో అభయం కృధి |
మఘవం ఛగ్ధి తవ త్వం న ఊతిభిర్వి ద్విషో వి మృధో జహి ||1||
ఇన్ద్రం వయమనూరాధం హవామహే ऽను రాధ్యాస్మ ద్విపదా చతుష్పదా |
మా నః సేనా అరరుషీరుప గుర్విషూచిరిన్ద్ర ద్రుహో వి నాశయ ||2||
ఇన్ద్రస్త్రాతోత వృత్రహా పరస్పానో వరేణ్యః |
స రక్షితా చరమతః స మధ్యతః స పశ్చాత్స పురస్తాన్నో అస్తు ||3||
ఉరుం నో లోకమను నేషి విద్వాన్త్స్వర్యజ్జ్యోతిరభయం స్వస్తి |
ఉగ్రా త ఇన్ద్ర స్థవిరస్య బాహూ ఉప క్షయేమ శరణా బృహన్తా ||4||
అభయం నః కరత్యన్తరిక్షమభయం ద్యావాపృథివీ ఉభే ఇమే |
అభయం పశ్చాదభయం పురస్తాదుత్తరాదధరాదభయం నో అస్తు ||5||
అభయం మిత్రాదభయమమిత్రాదభయం జ్ఞాతాదభయం పురో యః |
అభయం నక్తమభయం దివా నః సర్వా ఆశా మమ మిత్రం భవన్తు ||6||
అధర్వణవేదము - కాండము 19 - సూక్తము 16[మార్చు]
అసపత్నం పురస్తాత్పశ్చాన్నో అభయం కృతమ్ |
సవితా మా దక్షిణత ఉత్తరాన్మా శచీపతిః ||1||
దివో మాదిత్యా రక్షతు భూమ్యా రక్షన్త్వగ్నయః |
ఇన్ద్రాగ్నీ రక్షతాం మా పురస్తాదశ్వినావభితః శర్మ యఛతామ్ |
తిరశ్చీనఘ్న్యా రక్షతు జాతవేదా భూతకృతో మే సర్వతః సన్తు వర్మ ||2||
అధర్వణవేదము - కాండము 19 - సూక్తము 17[మార్చు]
అగ్నిర్మా పాతు వసుభిః పురస్తాత్తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||1||
వాయుర్మాన్తరిక్షేనైతస్యా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||2||
సోమో మా రుద్రైర్దక్షిణాయా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||3||
వరుణో మాదిత్యైరేతస్యా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానమ్పరి దదే స్వాహ ||4||
సూర్యో మా ద్యావాపృథివీభ్యాం ప్రతీచ్యా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||5||
ఆపో మౌషధీమతీరేతస్యా దిశః పాన్తు తాసు క్రమే తాసు శ్రయే తాం పురం ప్రైమి |
తా మా రక్షన్తు తా మా గోపాయన్తు తాభ్య ఆత్మానం పరి దదే స్వాహ ||6||
విశ్వకర్మా మా సప్తఋషిభిరుదీచ్యా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||7||
ఇన్ద్రో మా మరుత్వానేతస్యా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||8||
ప్రజాపతిర్మా ప్రజననవాన్త్సహ ప్రతిష్ఠయా ధ్రువాయా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||9||
బృహస్పతిర్మా విశ్వైర్దేవైరూర్ధ్వాయా దిశః పాతు తస్మిన్క్రమే తస్మిం ఛ్రయే తాం పురం ప్రైమి |
స మా రక్షతు స మా గోపాయతు తస్మా ఆత్మానం పరి దదే స్వాహ ||10||
అధర్వణవేదము - కాండము 19 - సూక్తము 18[మార్చు]
అగ్నిం తే వసువన్తమృఛన్తు |
యే మాఘాయవః ప్రాచ్యా దిశో ऽభిదాసాన్ ||1||
వాయుం తేऽన్తరిక్షవన్తమృఛన్తు |
యే మాఘాయవః ఏతస్యా దిశో ऽభిదాసాన్ ||2||
సోమం తే రుద్రవన్తమృఛన్తు |
యే మా ऽఘాయవో దక్షిణాయా దిశో ऽభిదాసాన్ ||3||
వరుణం త ఆదిత్యవన్తమృఛన్తు |
యే మాఘాయవ ఏతస్యా దిశో ऽభిదాసాన్ ||4||
సూర్యం తే ద్యావాపృథివీవన్తమృఛన్తు |
యే మాఘాయవ ప్రతీచ్యాః దిశో ऽభిదాసాన్ ||5||
అపస్త ఓషధీమతీరృఛన్తు |
యే మాఘాయవ ఏతస్యా దిశో ऽభిదాసాన్ ||6||
విశ్వకర్మాణం తే సప్తఋషివన్తమృఛన్తు |
యే మా ऽఘాయవ ఉదీచ్యా దిశో ऽభిదాసాన్ ||7||
ఇన్ద్రం తే మరుత్వన్తమృఛన్తు |
యే మా ऽఘాయవ ఏతస్యా దిశో ऽభిదాసాన్ ||8||
ప్రజాపతిం తే ప్రజననవన్తమృఛన్తు |
యే మాఘాయవో ధ్రువాయా దిశో ऽభిదాసాన్ ||9||
బృహస్పతిం తే విశ్వదేవవన్తమృఛన్తు |
యే మాఘాయవ ఊర్ధ్వాయా దిశో ऽభిదాసాన్ ||10||
అధర్వణవేదము - కాండము 19 - సూక్తము 19[మార్చు]
మిత్రః పృథివ్యోదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||1||
వాయురన్తరిక్షేణోదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||2||
సూర్యో దివోదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||3||
చన్ద్రమా నక్షత్రైరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||4||
సోమ ఓషధీభిరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||5||
యజ్ఞో దక్షిణాభిరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||6||
సముద్రో నదీభిరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||7||
బ్రహ్మ బ్రహ్మచారిభిరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||8||
ఇన్ద్రో వీర్యేణోదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||9||
దేవా అమృతేనోదక్రామంస్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||10||
ప్రజాపతిః ప్రజాభిరుదక్రామత్తాం పురం ప్ర ణయామి వః |
తామా విశత తాం ప్ర విశత సా వః శర్మ చ వర్మ చ యఛతు ||11||
అధర్వణవేదము - కాండము 19 - సూక్తము 20[మార్చు]
అప న్యధుః పౌరుషేయం వధం యమిన్ద్రాగ్నీ ధాతా సవితా బృహస్పతిః |
సోమో రాజా వరుణో అశ్వినా యమః పూషాస్మాన్పరి పాతు మృత్యోః ||1||
యాని చకార భువనస్య యస్పతిః ప్రజాపతిర్మాతరిశ్వా ప్రజాభ్యః |
ప్రదిశో యాని వసతే దిశశ్చ తాని మే వర్మాణి బహులాని సన్తు ||2||
యత్తే తనూష్వనహ్యన్త దేవా ద్యురాజయో దేహినః |
ఇన్ద్రో యచ్చక్రే వర్మ తదస్మాన్పాతు విశ్వతః ||3||
వర్మ మే ద్యావాపృథివీ వర్మాహర్వర్మ సూర్యః |
వర్మ మే విశ్వే దేవాః క్రన్మా మా ప్రాపత్ప్రతీచికా ||4||
| ←ముందరి అధ్యాయము | అధర్వణవేదము | తరువాతి అధ్యాయము→ |