అథర్వణవేదము - కాండము 1 - సూక్తములు 21 నుండి 25 వరకూ
| ←ముందరి అధ్యాయము | అథర్వణవేదము (అథర్వణవేదము - కాండము 1 - సూక్తములు 21 నుండి 25 వరకూ) | తరువాతి అధ్యాయము→ |
అధర్వణవేదము - కాండము 1 - సూక్తము 21[మార్చు]
స్వస్తిదా విశాం పతిర్వృత్రహా విమృధో వశీ |
వృషేన్ద్రః పుర ఏతు నః సోమపా అభయంకరః ||1||
వి న ఇన్ద్ర మృధో జహి నీచా యఛ పృతన్యతః |
అధమం గమయా తమో యో అస్మాఁ అభిదాసతి ||2||
వి రక్షో వి మృధో జహి వి వృత్రస్య హనూ రుజ |
వి మన్యుమిన్ద్ర వృత్రహన్నమిత్రస్యాభిదాసతః ||3||
అపేన్ద్ర ద్విషతో మనో ऽప జిజ్యాసతో వధమ్ |
వి మహచ్ఛర్మ యఛ వరీయో యావయా వధమ్ ||4||
అధర్వణవేదము - కాండము 1 - సూక్తము 22[మార్చు]
అను సూర్యముదయతాం హృద్ద్యోతో హరిమా చ తే |
గో రోహితస్య వర్ణేన తేన త్వా పరి దధ్మసి ||1||
పరి త్వా రోహితైర్వర్ణైర్దీర్ఘాయుత్వాయ దధ్మసి |
యథాయమరపా అసదథో అహరితో భువత్ ||2||
యా రోహిణీర్దేవత్యా గావో యా ఉత రోహిణీః |
రూపంరూపం వయోవయస్తాభిష్ట్వా పరి దధ్మసి ||3||
శుకేషు తే హరిమాణం రోపణాకాసు దధ్మసి |
అథో హారిద్రవేషు తే హరిమాణం ని దధ్మసి ||4||
అధర్వణవేదము - కాండము 1 - సూక్తము 23[మార్చు]
నక్తంజాతాసి ఓషధే రామే కృష్ణే అసిక్ని చ |
ఇదం రజని రజయ కిలాసం పలితం చ యత్ ||1||
కిలాసం చ పలితం చ నిరితో నాశయా పృషత్ |
ఆ త్వా స్వో విశతాం వర్ణః పరా శుక్లాని పాతయ ||2||
అసితం తే ప్రలయనమాస్థానమసితం తవ |
అసిక్నీ అస్యోషధే నిరితో నాశయా పృషత్ ||3||
అస్థిజస్య కిలాసస్య తనూజస్య చ యత్త్వచి |
దూస్యా కృతస్య బ్రహ్మణా లక్ష్మ శ్వేతమనీనశమ్ ||4||
అధర్వణవేదము - కాండము 1 - సూక్తము 24[మార్చు]
సుపర్ణో జాతః ప్రథమస్తస్య త్వం పిత్తమాసిథ |
తదాసురీ యుధా జితా రూపం చక్రే వనస్పతీన్ ||1||
ఆసురీ చక్రే ప్రథమేదం కిలాసభేషజమిదం కిలాసనాశనమ్ |
అనీనశత్కిలాసం సరూపామకరత్త్వచమ్ ||2||
సరూపా నామ తే మాతా సరూపో నామ తే పితా |
సరూపకృత్త్వమోషధే సా సరూపమిదం కృధి ||3||
శ్యామా సరూపంకరణీ పృథివ్యా అధ్యుద్భృతా |
ఇదమూ షు ప్ర సాధయ పునా రూపాణి కల్పయ ||4||
అధర్వణవేదము - కాండము 1 - సూక్తము 25[మార్చు]
యదగ్నిరాపో అదహత్ప్రవిశ్య యత్రాకృణ్వన్ధర్మధృతో నమాంసి |
తత్ర త ఆహుః పరమం జనిత్రం స నః సంవిద్వాన్పరి వృఙ్గ్ధి తక్మన్ ||1||
యద్యర్చిర్యది వాసి శోచిః శకల్యేషి యది వా తే జనిత్రమ్ |
హ్రూడుర్నామాసి హరితస్య దేవ స నః సంవిద్వాన్పరి వృఙ్గ్ధి తక్మన్ ||2||
యది శోకో యది వాభిశోకో యది వా రాజ్ఞో వరుణస్యాసి పుత్రః |
హ్రూడుర్నామాసి హరితస్య దేవ స నః సంవిద్వాన్పరి వృఙ్గ్ధి తక్మన్ ||3||
నమః శీతాయ తక్మనే నమో రూరాయ శోచిషే కృణోమి |
యో అన్యేద్యురుభయద్యురభ్యేతి తృతీయకాయ నమో అస్తు తక్మనే ||4||
| ←ముందరి అధ్యాయము | అధర్వణవేదము | తరువాతి అధ్యాయము→ |