ఈ పుట ఆమోదించబడ్డది
తృతీయాధ్యాయము
45
మఱొకవరునిపై దృష్టినిడుకొనియున్న కన్యను వివాహమాడరాదని నారదస్మృతి చెప్పుచున్నది.
దుష్టాన్యగతభావావాచ కన్యాదోషాః ప్రకీర్తితాః
- (నారద 12-88)
(దుష్టమగు నితరగతభావమును గల్గియుండుటకూడ కన్యాదోషములలోనిదే)
వరపక్షము వారన్వేషణమునకు బోయినపుడు నిద్రపోవుచున్న దానిని, నేడ్చుచున్నదానిని, బయటకుబోయిన దానిని వివాహమాడరాదు.
సుప్తాంరుదంతీం నిష్క్రాన్తాం వరణేపరివర్జయేత్.
- (ఆ.గృ.సూ 1-3-11)
ఒక కన్యను వివాహమాడుటచేగలుగు లాభాలాభముల విషయమై యొకవిధమగు శకునము చూచుట నాపస్తంబుడు సూచించుచున్నాడు. అదియెట్లన:
- (ఆ.గృ.సూ 1-3. 15)
శక్తివిషయేద్రవ్యాణి ప్రతిచ్ఛన్నాన్యుపనిధాయబ్రూయాదుపస్పృశేతి.
(శక్తి ననుసరించి కొన్ని పదార్థములను తెచ్చి వానిని కప్పిపుచ్చి యందేదోయొక దానిని స్పృశింపుమని కన్యతో చెప్పవలెను.
ఆ పదార్థము లేవన:
