148
స్మృతికాలపుస్త్రీలు
మాత్రమే. అట్లే భర్త కెంతధనముపై నధికారమున్నను భార్యకు కూడ క్రియలో దానిపై నధికారము రాకతప్పదు. కాన నీసొత్తు భార్యది యీసొత్తు భర్తది యను విభాగమే సాధ్యము కాదు. కావుననే ఆపస్తంబు డిట్లు చెప్పుచున్నాడు.
జాయా పత్యోర్న విభాగోదృశ్యతే
- (ఆ.ధ.సూ. 2-14-16)
(భార్యాభర్తలకు విభాగము లేదు.)
కాన నిఱువురకును నామమాత్రముగ వేర్వేరుగ నున్న సొత్తుపైన నిర్వురకు నధికారము గలదనియే చెప్పవలెను. ఈయంశ మీక్రింది సూత్రములలో స్పష్టము చేయబడినది.
కుటుంబి నౌధనస్యేశాతే
- (ఆ.ధ.సూ. 1-29-3)
(భార్యాభర్త లిఱువురును ధనమున కధికారులు)
వారికి ద్రవ్యవిషయములో సమానస్వామిత్వము పాణిగ్రహణము వలననే కల్గుచున్నది. పాణిగ్రహణమువలన దంపతులకు కర్మలో సహత్వము గల్గునట్లే.
ద్రవ్యపరిగ్రహేషుచైవం.
- (ఆ.ధ.సూ. 2-14-19)
ధనమును నిర్వహించుటలో గూడ సహత్వము వచ్చుచున్నదని యాపస్తంబుడు చెప్పుచున్నాడు. భర్త ధనము నార్జించుటయు భార్య యా ధనమును నిర్వహించుటయు జరు
