ఈ పుట ఆమోదించబడ్డది
సప్తమాధ్యాయము
121
"నాస్తిస్త్రీణాం క్రియామంత్రై రితిధర్మో వ్యవస్థితః
- (మను 9-18)
(స్త్రీలకు సమంత్రకమగు క్రియకూడదని ధర్మము)
ఈకర్మలయినపిమ్మట పురుషున కుపనయనమును స్త్రీకి వివాహమునునగును. వివాహము వైదికముగనే జరుగును.
"వైవాహికోవిధిస్త్రీణాం సంస్కారోవైదికస్స్మృతః"
(స్త్రీలకువివాహ సంస్కారము వైదికము)
"తూష్ణీమేతాః క్రియాఃస్త్రీణాం
వివాహస్తు సమంత్రికః"
(యాజ్ఞ 1-18)
(ఈక్రియలుస్త్రీల కూరకనేచేయవలెను. వివాహము సమంత్రకము) పురుషుడుపనయన మగుటతోడనే గురుకులమునకుబోయి యగ్ని కార్యముచేసికొనుచుండును. అట్లే వివాహమయినస్త్రీ భర్తృసేవచేయుచు గృహకృత్యములను చేసికొనుచుండును.
"పతిసేవాగు రౌవాసోగృహార్థోగ్ని పరిక్రియా"
- (మను. 2-67)
(పతిసేవయే గురుకులవాసము. గృహకృత్యమే యగ్ని కార్యము)
స్త్రీ కుపనయనము లేదు. గావున సాధారణముగ నీమే యనుపనీతునివలె హోమాదులుచేయుట కనర్హురాలు.
