ఏడవ ప్రకరణము
29
బ్రహచారి నవ్వి—— దొంగల చేతికి చిక్కినవాని భార్యను బిడ్డను జీవముతో పిలుచుకొని వచ్చితిని. వారిద్దఱిని మఠము నందు విడిచి పెట్టి వచ్చియున్నాను. నీవు మహేంద్రుని వెదకి వానిభార్యను బిడ్డను వానివశము చేయుము. ఇచ్చట జీవానందుఁడున్న చాలును; కార్యము నెఱువేఱు ననెను.
భవానందుఁడు——అట్లే కొని మ్మని చెప్పెను.
బ్రహ్మచారి—— వేఱో చోటికి వెడలి పోయెను.
ఏడవ ప్రకరణము
మహేంద్రుఁడు సిపాయీలకు లోఁబడుట
మహేంద్రసింహుఁడు, ఈ నిర్మానుష్య ప్రదేశమునం గూర్చుండి యాలోచించి ప్రయోజనము లేదని తెలిసికొని, రాజనగరమునకుఁ బోయి పోలీసు వారిని సహాయముగాఁ బిలుచుకొని భార్యను బిడ్డను వెదుకవలయు నని తలంచి, ఆమార్గముగాఁ బోవుచుండెను. కొంచెము దూరము పోఁగానే, ఒక యెద్దుబండి సిపాయీల పహరాతో వచ్చుచుండెను. రాజనగరము; లేక నగరము ఎయ్యది యనుదానిని యిపుడు చెప్పెదము.
వేయుయు నేడువందల డెబ్బదియాఱవ (1776) సంవత్సరమునందు వీరభూమి (Birbhoom) మొదలగు ప్రదేశములు ఇంగ్లీషువారిపాలనకు లోఁబడి యుండలేదు. ఆకాలమున ఇంగ్లీషువారు బంగాళా దివానులై యుండిరి. ఫౌజు దారియు వారికి
