Jump to content

పుట:2015.370800.Shatakasanputamu.pdf/429

వికీసోర్స్ నుండి
ఈ పుట అచ్చుదిద్దబడ్డది

424

భక్తిరసశతకసంపుటము


దక్షతఁ దాల్చినట్టి క్రతుదంష్ట్రి దయామతి నిన్నుఁ బ్రోచునే
తక్షణమందు శ్రీహరి...

91


చ.

హరిగిరి నిందుఁ జూపుమన హంకృతి స్తంభముఁ జర్వ నందు భీ
కరనరసింహుఁడై వెడలి గ్రక్కున రక్కసు డొక్కఁ జించి ని
ర్భరముగఁ దత్సుతు న్నెనరు బాయక ప్రోచుమహానుభావుఁ డి
త్తఱి నిను బ్రోచు శ్రీహరి...

92


చ.

సురలను బాఱదోలి బలి సుస్థిరతన్ భువనంబు లేల సుం
దరవటువేషియై ధర పదత్రయదానము వేడి తద్బలిం
గరుణ గలంచి వజ్రికి జగత్రయ మిచ్చినశౌరి నిన్ను నా
దరమునఁ బ్రోచు శ్రీహరి...

93


ఉ.

కంటకులైనరాజులను గట్టిగ నాలములందు గండ్రగొ
డ్డంటను జక్కడంచి ప్రకటంబుగఁ దద్రుధి స్రవంతు లై
దింటను బైతృకంబు లొగిఁ దీఱిచి భార్గవరాముఁడైన బ
ల్దంట నెఱింగి శ్రీహరి...

94


చ.

తరణికులంబుస న్బొడమి తాపసి జన్నము గాచి తాటక
న్బొరిగొని శంభువి ల్దునిమి భూమిసుత న్వరియించి కానల
న్దిరిగి పడంత కై యని నెదిర్చినరావణకుంభకర్ణుల
న్దఱిగినజోదు శ్రీహరి...

95


చ.

హలధరమూర్తియై హరికి నగ్రజుఁడై జనియించి ముష్టికా