Jump to content

పుట:2015.370800.Shatakasanputamu.pdf/428

వికీసోర్స్ నుండి
ఈ పుట అచ్చుదిద్దబడ్డది

చిత్తబోధశతకము

423


న్యాసుల సత్యభాషుల ననంతునిదాసులఁ గూడి నిర్మలో
చ్భాసురలీల శ్రీహరిపదమ్ములు కోరి భజిందు చిత్తమా.

87

దశావతారవర్ణనము

ఉ.

అండజ కూర్మ సూకర మృగాధిప కుబ్జ కుఠారిధారి మా
ర్తాండకులాచ్యుతాగ్రజపురాసురభేదకతాదిచర్యలన్
తాండవచండిమన్ దితిజదర్పము లార్పఁగ నేర్చుదంట నీ
దండఁగలండు శ్రీహరి...

88


ఉ.

నీరజసంభవుం డలిసి నిద్దురఁబోయినరాత్రి చోరుఁడై
యారసి వేదము ల్గొనుచు నంబుధిఁ జొచ్చినసోమకాసురు
న్వారక త్రుంచి వేదములు నల్వ కొసంగినమత్స్యమూర్తి మ
ద్భారముఁ బూను శ్రీహరి...

89


చ.

కడువడి మందరాచలము కవ్వముగా ఫణిరాజు త్రాడుగా
జడధి మధింప నంబుధిని శైలము గ్రుంగఁగ దేవదానవుల్
తడఁబడి వేఁడ గూర్మమయి తద్దిరిఁ దాల్చిన శౌరి ని న్నహో
తడయక ప్రోచు శ్రీహరి...

90


ఉ.

ఈక్షితిఁ జుట్టిపట్టుకొని హెచ్చి రసాతలచారి యైన హే
మాక్షుని బట్టి కొట్టి సకలామరు లెన్నఁగ భూమి కోఱపై