పుట:సింహాసన ద్వాత్రింశిక (కొరవి గోపరాజు).pdf/300

పంచమాశ్వాసము

239

⁠

ప్రకటించి మంగళాష్టకములు చదువంగ         రత్నములం దలఁబ్రాలుగాఁగ[1] నగ్నిదేవుండు ప్రత్యక్షమై సాక్షిగాఁ         దగ బ్రహ్మమునులు మంత్రములు సెప్ప నిర్జరకాంతలు నివ్వాళులిడఁ[2] గల్ప         వృక్షంబు లొగిఁ బుష్పవృష్టి గురియ

⁠

ఆ.⁠

సురలు పరిణమింప సురదుందుభులు మ్రోయ నారదుండు దీవెనలుగఁ బాడ విశ్వమెల్లఁ బొగడ విశ్వావసునికూఁతుఁ బరిణయించె ఖచరవరసుతుండు.

⁠ 183

తే.⁠

పరిణయోత్సవంబు జరిపి సిద్ధవిభుండు గారవమున నెల్లవారి ననిపె స్త్రీసమేతుఁడైన జీమూతవాహుఁడు గురుపదాంబుజములు గోరి చనియె.

⁠ 184

క.⁠

జనకుని యనుమతి గతిపయ దినములు రతితంత్రగతులఁ దేలుచు వనితా జనతానురాగుఁడై చం దనగిరిపై నతఁడు మనము దవియ సుఖించెన్.

⁠ 185

ఉ.⁠

అంతట నొక్కనాఁడు ప్రణయాన్వితుఁడౌ తమబావఁ గూడి ప ర్యంతవనాంతభూమిఁ గలయం జరియించుచు వింతకాంతి న త్యంతసముజ్జ్వలం బయిన యస్థిసమూహముఁ గాంచి పర్వత ప్రాంతమున న్శరద్ఘననిభం బది యేటిది బావ నావుడున్.

⁠ 186

1. చేతనంబ్రాలుగాఁగ
2. వాసుకీసుతులు నివాళింపఁగా. నిర్ణకాంతలు నిపళింపఁగా.