ఈ పుట ఆమోదించబడ్డది
168
శ్రీనివాసవిలాససేవధి
తిరువేంకటేశ్వరు తిరునాళ్ల కెనయ
నరుణమండల మము నండెచేఁ బూర్వ
హరిదబ్జముఖి కుంకుమాసారములను
ధరణిజవిటపాళిదగుల వసంత840.
మొరపు రంజిల్లె నా నురువనాగ్రముల
నెరయ కెంజాయల నీరెండ యడరె
నరుణాతపచ్యుతి నందు కారాకు
తరుణపల్లవముగాఁ దలఁచి కోయిలలు
నొక్కి త్రుంచఁగలేక నుసివినఁ జూచి
పక్కుననగియెనా పద్మంబు లలరె
కమలావధూటికి కమలనాభునకు
కమలజుఁ డొనరించు కలితోత్సవంబు
కమలినుల్ గనుఁగొను కన్నులనంగ
కమలంబు లలరె భృంగము లుల్లసిల్ల850.
అప్పుడు శ్రీ వేంకటాచలేశ్వరున
కొప్పుగా వైఘానసోక్తక్రమమున
మునులు సపర్య సల్పుచు నలంకార
మొనయఁ గావించి సమృద్ధధధ్యన్న
ముద్గాన్నగౌడాన్నములు నపూపములు
నుద్గళద్ఘృతముగా నొనర నై వేద్య
ములు సమర్పింప నా పురుషోత్తముండు
చెలువంబు రంజిలి చెలగు శ్రీ దేవి
భూదేవియును దాను భూరిలీలను
మోదించి యుత్సవంబునఁ బ్రతిదినము860.
