పుట:శివరాత్రి మాహాత్మ్యము.pdf/116

⁠

యజ్ఞానమునఁ బ్రమత్తాలస్యముననైన           ధవళాంధుకోటీరుఁ దలఁచిరేని మృడునకునై యష్టమీచతుర్దశులందు           నుపవాసముండంగ నోపిరేని షట్కాలములయందు సర్వలోకేశ్వరు           శ్రీమహాదేవుఁ బూజించిరేని

⁠

గీ.⁠

వారు మాన్యులు పార్వతీవల్లభునకు వారె వంద్యులు మముఁబోఁటివారికెల్ల నట్టివారల మన్నింపరైతిరేని ద్రోహమగు మీకు నాకు నద్రోహులార.

⁠ 52

క.⁠

శివునెడ భక్తియు నెప్పుడు శివభక్తుల జూచినపుడు శివుఁడను తలఁపున్ శివశివ కలిగినవారల [1]శివసాదృశ్యులను మీరు చేరకుఁ డెపుడున్.

⁠ 53

క.⁠

అలవోకయుఁ గలలోనను మలహరుభక్తులను నీశు మన్నించినవా- రల (భక్తవరుల) శైవులఁ దలఁపకుఁడీ దూతలార దండింపంగన్.

⁠ 54

ఆ.⁠

పాపకర్మునైన భాగ్యహీనునినైనఁ బట్టిచూడ మీకుఁ బాడిగాదు శైవవరులఁ జేరి సేవించువారలు పురహరుండ కాఁగ బుద్ధి గనుఁడు.

⁠ 55

ఆ.⁠

జంతుకోటిలోన శంకరపాదాబ్జ- సేవ సేయువారిఁ [2]జేర కెపుడు దూరమందుఁ దొలఁగి దూషింప కెంతయు భక్తి గొలువవలయు [3]భటులు మీరు.

⁠ 56

క.⁠

ప్రాసాదము నిర్మాల్యము వాసితొ పాదోదకంబు వైభవ మలరున్ [4]డాసినఁ గైకొనువారలఁ దా సేవింపంగవలయుఁ దథ్యము సుండీ.

⁠ 57

వ.⁠

అని కృతాంతుఁడు తామసాధ్వానంబు(?) నౌలుంబరాదులకుఁ జెప్పి యీ ప్రకారంబులయందు ఘంటాధ్వానంబులతో సర్వజంతువిజ్ఞాపనంబుగాఁ జాటుండని యంతర్ధానంబు గావించె. దూతలు నట్లు కావించిరి. ఈ ప్రకారంబున శౌనకాదులకు రోమహర్షణమునిప్రవరసుతుండు సూతుండు చెప్పెనంత.

⁠ 58

శా.⁠

రామామన్మథ భోజరాజకవితారమ్యప్రభావో(న్న)తా సామాగానవిశేషశాస్త్రకలనా సంభావ్యసారోదయా

⁠

1. తా. శివసాదృశ్యులురు
2. తా. జేయ
3. తా. భటుల
4. తా. దాసిన